井巷子 by 鋒膳

营业中

休息中

好耐冇一間餐廳令我再想寫一下，香港太多選擇。變得又快。出去食飯多啲，你就會發現變化的東西大部份係餐廳嘅marketing模式，裝潢或一啲小改動。有D似麥當勞係自己現有的材料同器材不斷配搭，就當係一件新菜式。我今日食咗一兩味平時都可以見到嘅川菜，亦有一些小見過的。佢係令我覺得原來水煮魚係可以有唔油淋淋咁嘅感覺的。「因為本人從來冇食過好食嘅水煮X」。其他地方我一見到那3mm厚嘅油我已經唔想食。醉乳鴿太吸引，所以我食咗先記得影那個辣蟹好嫩好鮮，但個廚亦冇overcook。通常辣海鮮有D難食到鮮味。但係佢就係balance 到兩邊。仲有個鴨血，平時香港已經難搵。但佢哋又有。鴨血最正係夠滑同唔係好似豬紅咁全部係大陸唔知用乜溝出嚟。佢碟鴨血餸飯真係一流。我一個人食咗兩碗飯都係呢碟做成。西式氣氛，請一些你喜歡的人去一D都唔失禮。