十三姨 (通菜街)

营业中

休息中

鵝肝煎蛋撈飯$157本身都覺得鵝肝好香，但有時食得太多覺得好流，但係！佢哋鵝肝撈飯超級好味！超開胃！入面仲有啲XO醬等配料，口感好豐富多元化，食得好滋味十三飛 $85面底有好多選擇，仲可以雙拼，啱晒啲好貪心既人😂即係我。本身佢嘅配搭係粉絲加米粉，已經好合我口味。啲牛唔算超級有味，湯底唔錯，不過冇鵝肝飯咁有驚喜西多雞翼$40蜜糖雞翼啲friend，正常好食，單骨好方便張枱有辣椒醬，喺青椒醬！好惹味，加落面到好正！

十三姨一直都係小編IG徘徊，朋友個個都一直推介呢間火紅嘅十三姨。皆因佢哋嘅主打菜”老闆娘鵝肝煎蛋撈飯”非常吸精。今日我哋一齊去一試究竟。。。🔘老闆娘鵝肝煎蛋撈飯| $118評分: 🌕🌕🌕🌕🌗評語: 十三姨招牌菜。鵝肝有三大塊，唔係薄薄一片，都算幾厚非常足料。撈飯用上自家製XO醬同炸乾葱，XO醬都幾辣，不過辣得嚟好香，炸乾葱同半生熟煎蛋為撈飯增加好豐富嘅口感。另外有一壼自家製醬油，建議唔好加咁多，因為本身撈飯已經好入味👍🏼加少少以作調味就可以。唯一減分位係鵝肝嘅製作方法，廚師係用上焗，而唔係煎，個人認為焗鵝肝比起煎鵝肝較為失色。。。十三么 | $68評分: 🌕🌕🌕🌕🌑評語: 坦白講一開始以為呢款只係一個普通嘅麵食，但食落口又有啲喜出望外。十三么麵底用上粉絲拼米粉，咬落口感好好，完全拼合左粉絲嘅鬆嫩同米粉嘅堅韌口感！手撕雞非常幼嫩，雞叉燒比起一般嘅叉燒更有口感同味道。糖心蛋較為失色，因為已經接近全熟咁制。。。🔘 西多雞翼 | $36評分: 🌕🌕🌕🌗🌑評語: 十三姨將西多士嘅味道移植到雞翼之中。廚師將牛油雞翼炸熟，再淋上糖醬，雞翼脆身之餘亦帶有牛油香。。。🔻要預時間排隊入座🔻怕辣就叫少XO醬

係facebook見唔少佢既廣告 本人個人中意食鵝肝 諗住一試 餐廳環境ok 上菜速度都快鵝肝飯整體其實本來唔錯 只係無留意佢個自製xo醬原來甘辣 撈左飯之後搶晒成個飯所有味 好彩留起左小小鵝肝無撈後尾先食得出咩味 sad...另一個十三飛 牛腩唔林 牛肉亦好普通 而個湯底亦都唔夠味 整體加埋佢只係一個好普通既面 如果可以燜林d牛腩會好好d 朋友食呢個面表示唔ok串燒正正常常 不過size較細Overall 網上平台廣告水分比較多 但係唔試過又唔知好唔好食 呢間我就唔會再食第二次啦