Burgeroom (美麗華廣場1期) (已結業)

🧚‍♀️以前去親銅鑼灣返，得閒就會幫襯呢間burgeroom~ 冇食一排依然水準照舊😋😋🦀軟殼蟹漢堡冇諗過隻軟殼蟹會咁大隻🤯🤯仲大過個包！ 加上岩岩炸起，脆卜卜真係好香好好食🥹 配上解膩嘅千島醬同新鮮嘅蕃茄生菜😋😋😋完全out of expectation🧚‍♀️🐮爆汁鵝肝牛肉漢堡淨係睇相都知道幾咁邪惡😍juicy到爆嘅牛肉加上又香又軟滑嘅鵝肝🥹 配埋車打芝士，每一啖都係幸福💕同快餐店食嘅漢堡冇得比！

同朋友黎尖沙咀美麗華商場行，最後入左burgeroom食漢堡包，餐廳環境有工業風格，設計好型格，仲用左好多車軚做裝飾。漢堡包款式有好多種，素食漢堡包、肉類、菇類等等，咩餡料都有，可以切合唔同客人既需要。芝士旋風薯條🍟 $60炸到脆脆地，又熱辣辣既扭扭薯條，再配埋好香既芝士，好夾，另外仲提供茄汁去點，真係好好味！鵝肝牛肉漢堡🥩 $168鵝肝好香，煎至微焦，入口即溶，味道濃郁，令整體口感昇華。牛肉漢堡扒好多肉汁，再加上自家製醬汁，配埋蕃茄、羅馬生菜，層次豐富。而且麵包輕輕烘過，表面微脆，內裏軟熟。加上，旁邊配有沙律，加左少許醋調味，食落清爽，食落唔膩。黑松露芝士大烤菇煙肉牛肉漢堡🍄 $130餡料好豐富，有大烤菇、煙肉、牛肉、蕃茄、生菜、芝士、黑松露汁。而大烤菇非常厚身，濕濕地同軟腍，加上半融芝士，食落去好juicy。再配上煎得香脆既煙肉，肉汁香濃既牛肉漢堡，層次分明，仲要個漢堡包大過塊臉，食到好飽，好滿足。整體來講，環境舒服乾淨，食物非常足料，亦有多樣化既漢堡包給你選擇，食得好enjoy！同朋友黎一路食一路吹下水，夠哂chill！🌟推薦指數：7/10💰人均消費：$200

今日黎到美麗華呢間專食burger既餐廳，門內外既裝修都好有美式風格，非常型格。除左一般既soft drinks，仲有得飲咖啡、生啤同cocktails添！✨軟殼蟹漢堡一見到真係嘩左聲，份量超大呀！廚師好貼心咁一開二，方便share食。軟殼蟹既炸衣炸得非常酥脆，而入面既蟹肉就好軟滑，味道鮮美，點埋上面既醬汁非常惹味！✨鵝肝牛肉漢堡上面有大大舊鵝肝，非常吸睛！開頭都會擔心牛肉加鵝肝會好滯，但食落又唔會，因為啲番茄、生菜balance返。鵝肝煎到外層焦香，入面嫩滑，味道濃郁，牛肉仲有超蟹肉汁，非常滿足！✨黑松露芝士薯條係粗薯條黎架，炸得勁脆。黑松露既味道唔算太濃，但芝士醬就好多！一定要趁熱食，如果唔係啲芝士醬就會硬晒～✨鱈魚手指鱈魚手指個炸衣比較厚同酥脆，但入面魚味濃郁，肉質嫩滑，有兩種口感，配埋酸酸甜甜既他他醬，好快就清哂！

超超超好食漢堡今日放工同男朋友行開尖沙咀黎到美麗華商場入面既Burgeroom食晚餐環境型得黎又帶點Chill既感覺，用車呔做間隔顯得額外特別黎到Burgeroom，男朋友話一定係要試最出名既王牌漢堡-鵝肝牛肉漢堡（$168）牛肉既肉質細膩而柔軟亦非常厚，咬落去口感一流，鵝肝味道濃郁，入口即融，配搭上濃厚既芝士，蕃茄，生菜等配菜，十分足料，不愧為王牌漢堡而我就試另外一個非常出名既蜜糖芥末大烤菇煙肉牛肉漢堡（$120）個包真係好大個！牛肉一樣又厚又好食，煙肉夠晒脆，配上無敵大烤菇，個包十分鬆軟，咬落去有唔同質感同層次，蜜糖芥末醬令到個包既味道更加多元化！ 最後叫多個黑松露芝士薯條 ($68) 同 蜜桃冰茶($38) 薯條一送上黎仲冒出陣陣既煙！非常新鮮。粗蕃條配上黑松露配上邪惡既芝士，真係好好食！而蜜桃冰茶好香桃味但美中不足係有少少太甜，如果叫少甜效果會更好！總結：味道 9/10環境 8/10服務 8/10總評 8.5/10人均消費 $150元左右

離遠已見到大大個霓虹燈招牌 餐廳行型格路線 有啲似賽車場嘅感覺🛞🛞有超級多漢堡包揀 覺得唔夠配料仲可以加錢配自己想要嘅配料😋仲竟然有素食嘅漢堡揀另外仲有小食同沙津可以叫 呢度好多款食物都用左芝士製作 好邪惡但係我中意🤭另外牛油果醬都好吸引到我出面飲開啲水果茶得個甜字 好似飲糖水咁 呢度嘅果茶唔錯 甜度啱啱好之餘仲飲到好重茶味👍🏻好解渴好中意佢個牛油果醬😍好清甜幽香同滑身 再加啲芝士 蕃茄碎 好夾好有驚喜雞塊醃得剛剛好 亦冇肥肉👍🏻其實唔使點芝士醬已經好好食 但加埋芝士更加出色鵝肝我自己一直都好中意🥹竟然可以比我食到鵝肝漢堡❤️鵝肝入口即溶 味道香濃 漢堡扒本身好結實 切開時唔會散唒 好香牛味包底亦唔會做到好乾👍🏻上枱時已切開左一半 方便食用呢個組合真係好令人滿足🥹另外亦有沙津菜👍🏻兩個人叫左一個漢堡 兩份小食已經好滿足好飽喇😂

今日出尖沙咀買中秋賀禮, 見肚餓, 係美麗華兜咗個圈, 見到呢間主打burger嘅餐廳, 記得丫女之前話超好食, 咁岩又撞正平日未到六點, order burger仲可以加$30升級套餐, 有直薯條同埋飲品。餐廳以灰色做主調, 某d位置擺放咗車呔、鐵桶、齒輪等…感覺很有西化工業風。Burger款式配搭選擇多, 有齊牛、雞、鴨、魚、海鮮類, 就連素食都有, 同時亦供應小食、沙律, 同埋多款飲品。Burger list中, 我揀咗鵝肝牛肉漢堡再+$30 升級LUNCH BURGER COMBO (配薯條、飲品), 可自選非酒精飲品。 Burger食材疊得高高的, 要用竹簽固定, 伴有直薯條同埋加咗少少黑醋嘅爽脆新鮮沙律菜,半溶芝士跟牛肉漢堡扒溶為一體, 牛肉漢堡扒帶豐富肉汁, 肉味濃郁; 夾上清甜多汁蕃茄片、生菜, 同埋千島醬; 而焦點主角嘅鵝肝, 表面煎至微焦, 入口即溶, 濃郁甘香, 超超超正! 值得推介! 而包面亦輕輕烘過, 表面微脆, 內裡軟熟, 製作有誠意。飲品就揀咗熱榛子朱古力,面層有拉花, 口感香滑, 榛子味突出, 稍為甜咗d。另外再散叫咗個小食, 牛油果醬芝士薯條薯條沾上奶

今日咁岩去開尖沙咀做嘢嚟到美麗華商場裏面嘅漢堡包餐廳 餐廳以工業風格為佈置主調一入門口已經感受到型格嘅路線🤓 地下放了好多車呔 鐵桶 齒輪 牆身更有鐵絲網架及用霓虹燈砌成的招牌😎-同同事食呢個午市漢堡套餐😝 加$30 就包直薯條🍟 &無酒精飲品🥤🤤 呢度嘅漢堡真係好巨大🤩 一上枱已經心心眼😍 -🍔鵝肝牛肉漢堡 $168 啲芝士多到流晒出嚟🤤🤤 賣相吸引✨上面嘅鵝肝係整個漢堡包嘅重點鵝肝口感較軟腍 食落好香🤤 連同其他配料食 口感好豐富❤️😍 ☺️廚師細心地將漢堡一分為二方便食用-🥓🍔蜜糖芥末大烤菇煙肉牛肉漢堡 $120好大份漢堡 材料非常豐富🤩🤩 牛肉漢堡扒十分厚身而且仍能保持肉汁😋 大啡茄輕輕烤焗過好香菇菌味🤤🤤 煙肉都有2塊 稍為煎炒過 充滿鹹香😝 番茄🍅&生菜🥬新鮮 食落清脆鮮甜連同蜜糖芥末醬一齊食 味道一鹹一甜 層次豐富🤤🤤🍵荔枝紅茶 （跟餐）茶味偏甘溼 飲落慢慢散出荔枝香味🤤 解膩之選✨✨ 🍑白桃梳打 （跟餐）飲品調配比例合宜 飲落甜甜地😋 岩晒我😀 -🍽🍴總結 🍽🍴餐廳佈置風格型格 環境寬敞舒適 而且不設加一服務費 簡直抵食 性價比高🤩🤩💰

Burgeroom已經食過好多次，每次都係好掛住佢啲充滿肉汁超Juicy既牛肉漢堡而黎。-每次我都會叫🍔鵝肝牛肉漢堡 $168鵝肝絕對唔細，入口即溶，唔會太熟。牛肉充滿肉汁，包有淡淡牛油香。-🍔特量芝士牛肉漢堡 $109芝士真係好多，流哂出黎，但係黎到已經結哂😕-🍗單骨雞翼配蜜糖芥末醬 $60好脆好野味😋😋-🍹冰茶 $38菠蘿、荔枝、桃味我都試過哂，首先唔會太甜，而且好多碎左既真果肉，飲落好Fresh.

鵝肝牛肉漢堡($168)，餡料包括有鵝肝、牛肉、蕃茄、生菜，鵝肝厚身飽滿，有光澤是鵝肝自身既油脂，食落滿口充斥住油脂香味，吞左都keep住餘韻停留在口腔，牛肉有肉汁，而且被一層半溶芝士包住，可以每一啖都食到芝士。黑松露芝士大烤菇煙肉牛肉漢堡($130)，餡料包括大烤菇、煙肉、牛肉、蕃茄、生菜，大烤菇唔乾身，好軟腍，牛肉漢堡食落仲會咬到一粒粒細小牛肉，可增加咬口口感，黑松露醬味道岩岩好，唔會太濃或太淡。香脆雞塊配芝士醬($70)，共有6粒，每粒都沾滿芝士，芝士醬經過店家調製，質地帶有“杰”身，芝士味道更濃郁，雞肉塊帶有少少脂肪，肉質好嫩滑。

成日聽呢間咁出名，今次終於有機會食下佢， 平時見到鵝肝都冇話好想試，但今次試完呢個鵝肝牛肉漢堡$168，真係超難忘！鵝肝入口即溶估唔到同個牛肉咁夾，牛肉勁Juice，個包又勁口，所有嘢夾埋好有口感，同平時啲burger係兩個層次😂😂佢個單骨雞翼配蜜糖芥末醬$60，識落好脆口一啲油膩感都冇，而且單骨非常容易咬，佢食緊蜜糖芥茉醬酸酸甜甜咁！叫埋杯蜜桃冰茶$38，好Fresh算太甜☺️☺️整體而言佢嘅漢堡真係值得一試，即使唔敢食鵝肝都可以試吓！

之前食過，都有水準，難得星期日經過，點知無乜客，咁就順勢再食，可惜今次食過之後永遠唔會再食。叫咗一份鵝肝牛肉漢堡，軟殼蟹鵝肝漢堡，旋風薯條同飲品。漢堡份量足，軟殼蟹鵝肝漢堡係好食嘅，新鮮炸起夠晒熱，漢堡包都有烘過。旋風薯條都係新鮮炸起，夠脆同份量足。可惜牛肉漢堡，塊肉係食落無肉味同「梅」，唔似一般食嘅肉質，肉入面有白色組織，真係食完驚肚痛。要求更換嚟過一份肉，今次肉熟不過多筋，但都係唔好食，下次都係幫襯其他漢堡店...最後希望餐廳可以改善下啲肉

之前放工後約埋朋友想喺尖沙咀食飯正思考緊食咩嘅時候，朋友就推薦左呢間大部分人都「零抵抗力」嘅餐廳😏🌟鵝肝牛肉漢堡（$168）牛肉漢堡加Cheddar cheese絕對係經典組合🍔🧀漢堡用自家製醬汁煎香加上半融嘅芝士，非常惹味，令人食指大動而口感細膩嫩滑嘅鵝肝令成個漢堡變得更加高級，味道昇華不少😋配埋蕃茄、羅馬生菜添加口感層次原本想拎起再影相但係肉汁實在太多，不斷溢出，忍唔住要食左先🙈鵝肝牛肉漢堡仲配有沙律🥗有火箭菜同生菜，落咗少少醋調味，清爽解膩🌟軟殼蟹漢堡（$108）冇諗過軟殼蟹會咁大隻，麵包都覆蓋唔到全隻蟹🦀軟殼蟹炸漿唔厚，炸得金黃酥脆中間仲有蟹膏甘香嘅味道，鮮味十足👍配埋蕃茄、羅馬生菜同自製他他醬，感覺清爽開胃而加入檸檬汁嘅他他醬，亦令軟殼蟹更加鮮甜🍋🌟黑松露芝士薯條（$68）一睇見個薯條已經流晒口水金黃香脆嘅薯條加上熱溶嘅芝士，非常邪惡🍟🧀芝士仲混合埋濃郁嘅黑松露，香氣撲鼻薯條亦炸得適中，唔油膩☺️所以我同朋友好快已經食曬🤓餐廳環境闊落，坐得舒服😉而且位於美麗華廣場，交通非常方便最適合食完就去隔離DONKI 行下、消化下😝

之前朋友一直說這間漢堡店的分量很大又很好吃,所以我終於來決戰一下🤣因為價錢不貴性價比也很高,而且不需收加一服務費,朋友們的讚賞評價令我十分期待🤭環境空間寬敞舒適,設計上很有美國風格🇺🇸迷你牛肉漢堡⭐️下午茶套餐$60,包一杯飲品罐裝可樂和熱茶,漢堡細細個很可愛😍有牛肉和魚柳漢堡選擇!牛肉肉質鮮嫩多汁,加上漢堡包外皮烤得外脆內軟很好吃😋鵝肝牛肉漢堡$168⭐️漢堡包分量十分巨大🤪鵝肝加牛肉真的是絕配😋鵝肝鮮美厚實滿滿的油脂在口中分布,食半個已經很有飽足感,十分推薦👍真的一試難忘🙆‍♀️旋風薯條$30⭐️薯條炸得金黃酥脆,令人一口接一口😋荔枝冰茶$38⭐️茶味香濃荔枝甜味適中好飲😋

今日嚟到尖沙咀食漢堡~ 呢間都幾隱蔽，我同朋友兜咗幾個圈先搵到。餐廳係半自助形式咁，要去cashier先點餐同比錢，再等waiter送餐。雖然係漢堡，但一啲都唔平架！可以跟自己喜好去加配料落漢堡，我朋友就加咗塊佢至愛嘅菠蘿呢個大烤菇芝士漢堡賣相唔錯，一打開就見到塊牛好juicy，不得不講塊包烘得啱啱好，外脆內軟。但自問唔係好識點樣食大份嘅漢堡，最後食到五馬分屍咁呢個就鵝肝牛肉漢堡！本身對漢堡餐廳嘅鵝肝不予寄望，但真係一試難忘。塊鵝肝好彈，食落非常嫩身，只有外層係較為實，入面軟得嚟又鎖住肉汁，非常高質。切開睇，鵝肝做到五成熟，外面金黃色，入面帶粉紅，真係好有驚喜！有啲後悔自己無叫到呢款漢堡。雖然係漢堡，但份量非常足料，我地食完都已經好飽。

同朋友係美麗華行完街，攰攰地唸住係附近搵間餐廳試下。咁岩大家都想食burger，所以就唸住試下burgeroom～🍔😻1. 鵝肝牛肉漢堡🤩‼️ • 9/10同出面一般嘅餐廳唔一樣，塊鵝肝同塊牛肉係差唔多size架!!!😂😂😂 2. 特量芝士牛肉漢堡🧀🍔 • 8/10🐮牛肉嘅肉質鮮嫩，好juicy！🤤不過因為個包太大，冇可能就咁用手拎得哂嚟食，要搵刀叉幫下手～🍴之後仲叫左2份小食share😬1. 香辣單骨雞翼配蜜糖芥末醬🍖 • 9/10好貼心呀，將雞翼分一半上，可以食得方便啲。👍🏼2. 鱈魚手指配他他醬🐟 • 5/10個人認為可能係炸得有啲耐，食落有啲硬。🤔