築地日本料理 (金百利廣場)

营业中

休息中

同朋友行街行到攰又有啲餓就去左呢棟大廈搵食，咁岩朋友想食日本野就揀左呢間築地。因為時間尚早餐廳只係得一兩個人，可以兩個人坐卡位。我地兩個人大概叫左兩個主食同兩三個小食，但都好抵同飽。大推呢度既芝士玉子燒。平時我好少食因爲驚好甜同細份，但呢度既玉子燒非常大份，食左兩件都飽左一半，而且有芝士喺上面，味道岩岩好，唔會太甜太咸或者太漏。我見openrice有朋友推介釀鵝肝燒雞翼，所以就叫黎試下，因為係即整，要等大概二十分鐘，不過都值得等下，因為真係燒得好香好脆，入面仲有鵝肝，唔好口感，不過就少啲只係得兩隻，當嘗鮮一下。我主食揀左海之逸魚生丼，估唔到一百蚊都有咁多刺身，仲好新鮮，而且切得非常厚，可以大啖咁食如果想再平啲，推介食佢地既套餐，因為計過都好似好抵，果個特上兩人餐仲有刺身盤，有機會黎呢頭再食下。

第2次再次築地, 青森鮑魚~~成個菜連伴碟都超水準~~原本只係保持一試無嘗心態~無諗過禁好味~下次絕對值得為左食呢個菜再去築地~7色反卷都唔錯, 可以1次過試晒唔同口味, 而且芒果幾開胃,鵝肝雞翼都幾特別~~而且整得唔錯~唔會好乾身~同好燶~係個牛油帶子偏咸左D~~甜品牛乳布甸保持水準, 值得每次都叫~~>3<期待下次再有驚喜~

提前父親節,同父母三人食日本料理,行完銅鑼灣怕等位等好耐,所以早少少6點幾去食,經過金百行就選擇父母鍾意既日本菜,見到有間築地,覺得叫得築地既都應該可以食新鮮野就去試下喇.上到去可能晚市未鐘,人就唔多既,有幾枱客,但侍應都有三個,地方唔算大,但環境都可以,牆身佈置都幾有日本風味.三個人就叫左個2人餐另加小食:刺身壽司拼盆(刺身夠凍,厚切,都正係兩隻甜蝦夠鮮甜)天婦羅拼盆(脆花唔太厚適中,南瓜正)串燒拼盆(味道唔會太咸,最驚喜係串唔知青椒定辣椒,甜得黎又有輕輕既辣味)加埋個湯烏冬,湯底係豬骨湯,幾好味.另加小食:鵝肝雞翼(咬落口有淡淡既鵝肝味,亞爸話既).七色彩卷(每件壽司都有一小片芒果肉响面,而七件都用唔同既魚生配搭,又幾特別).芝士肥牛露荀卷(嘩嘩嘩...咬落口有好香既芝士味,而露荀又清甜,加埋牛肉,好正呀)最後食埋牛乳布甸(雖然up唔到相,但玻璃樽細細地,食落唔太甜又夠牛乳香)總括成餐都好味,而兩位老人都食得開心.下次可以去試埋其他小食.p.s期間開始人多,但收碟上食物裝茶速度都ok