饞。台式食堂 (如心廣場二期)

营业中

休息中

台灣每一個地個都有唔同嘅風土人情，加上經歷咗時代變遷，台灣料理不賣弄花巧，真材實料，最能反映台灣樸實嘅人情味。鹽酥雞代表夜市嘅暄鬧，滷肉飯代表一種平民簡樸嘅生活，唔知大家有冇呢個感覺呢？ 今次嚟到荃灣如心廣場二期呢間簡約台灣料理，唔知點解今次食到台灣嘅味道。 鹽水雞($76) 💕鹽水雞係台灣經典小食，係涼拌小食嚟，加入蒜蓉青瓜、蘿蔔、雲耳。因為用鹽水煮熟再冷卻，所以雞肉肉質比較爽脆，第一次喺餐廳食呢味菜，份量都幾大，有成十幾件。有人話鹽水雞可以追溯到五胡亂華時期，鮮卑嘅宮廷美食。 鹽酥雞 ($66)鹽酥雞炸得好酥脆，炎炎夏日冇乜胃口，當然要食返啲香口嘅開胃小食。 轉滷肉飯(+$10)魯肉飯係我嘅最愛，因為我最喜歡撈飯，幾時都係台灣菜必食。 轉手撕台灣走熱雞肉飯(+$18)看似普通嘅雞肉飯其實係源於二戰結束之後，美軍帶火雞到台中附近繁殖，當地小攤就用火雞做出類似魯肉飯咁，慢慢演變成台灣嘅家常菜，多數用蒸熟嘅雞肉鋪喺飯面。估唔到一碗雞肉飯都有歷史背景🤓 台式酸辣湯有別於上海酸辣湯，湯唔係咁結，質地係普通湯品。湯都十分足料，有好多唔同嘅材料，好有誠意。 青檸愛玉凍💕令人好懷念台灣夜市🥲愛玉凍

❀ 饞•台式幸福食堂 #荃灣 ❀❗️簡單帶出幸福味道 抵食台灣一人套餐❗️——————————————————星期六經過如心廣場，見到呢間台灣餐廳大排長龍，見佢主打一人套餐，都有唔少傳統嘅台灣食物選擇😆價錢合理，仲唔使加一。裝修簡潔明亮，有個半開放嘅廚房可以睇到入面製作嘅過程。雖然覺得都幾好味又抵食，不錯啊😌！.✷𝑀𝑒𝓃𝓊✷☞ 一人套餐 包括主食、台式酸辣湯 (3.8/5)/青檸愛玉凍 (4.2/5).♥ 牛筋牛腩麵 $88 (3.8/5)牛筋牛腩都非常入味🐮全部都勁太嚿。牛腩夠腍，最正係牛筯都好腍，係有好重骨膠原嗰種感覺🔥。湯底亦略帶藥材香，但唔會太鹹/太酸。唯一敗筆係啲麵條，同壽X牌頸都長真係好似 (前一日先喺屋企煮完)，偏向腍身冇咬口。而且每條都非常工整，應該係機器製造🙊。.♥ 鹽水雞 (4/5) $76 轉手撕台灣走地雞飯 $18 (3.6/5)一向鍾意鹽水雞多過鹽酥雞，啖啖肉得嚟健康好多，而且醬汁都好好味，但香港有鹽水雞賣嘅地方真係比較少 (通常食開ET鹽水雞)，難得呢度都有！雞嘅份量比ET更多更大舊，而且唔會太鞋。配上唔少蔬菜，係健康好味之選👌🏻。另外加錢轉雞飯，呢個就相對普通

⿻⿻ 饞·台式幸福食堂𓏲𓏱𓏭𓏭今次去嘅呢間餐廳喺荃灣如心廣場 個招牌嘅設計好可愛 真有台灣個種簡單又文藝嘅感覺 入面嘅裝修都係明亮簡潔 𓐠佢地主打一人套餐 除咗主菜同白飯仲可以揀要湯或者甜品 每款份量都超大 連白飯都係大大碗 價錢都係六十到八十左右 好抵食！叫咗鹽水雞同藥燉排骨 每次去台灣都會食藥膳排骨 排骨嘅肉質一啲都唔柴 食咗湯底嘅藥材味 再點少少附送嘅腐乳嘅話更加惹味 湯底好濃藥材香特別係當歸嘅味道鹽水雞全部都係肉冇骨頭 仲有爽口嘅木耳同蘿蔔 拌咗醬汁夠香又唔會太鹹 甜品嘅青檸愛玉凍好清爽 酸酸甜甜嘅汁加上冰涼嘅愛玉 最近咁熱啱晒 推介大家揀呢個小食嘅價錢相宜 份量唔細嘅肉燥青菜同四季豆都係廿五蚊左右 椒鹽四季豆好香 鹹鹹地咁送飯一流 想食啲蔬菜嘅話一定要嗌碟 見到好多人點佢地嘅鹽酥雞 睇落都幾吸引 中意食鹽酥雞可以試下～𓏲𓏱𓏭𓏭一人套餐(鹽水雞+青檸愛玉凍) $66一人套餐(藥燉排骨+台式酸辣湯) $80肉燥青菜 $25椒鹽四季豆 $24