阿元來了 (已搬遷) 新店位置

清明放假專登過西環。。但好多都冇開就諗起呢間好hit既台灣菜等位，由7點半等。。。。。。到8點45，終於坐低，好罕有地，我冇發脾氣走人人，全部都係人。。。舖頭入面design得好有台灣夜市feel，蛋卷好好味，個人認為好食過荔枝角xxx蛋卷入面有最肥既肉鬆同芝士，但就好好味鹽酥魷魚鹽酥雞魯肉飯定肉燥飯，好香，唔會過鹹肉燥米粉，隻粉唔係廣東果d，係咪叫新竹米粉呢？總之就好食la如果，唔洗等咁耐位，我係會再黎既，不過多人等，又代表佢冇伏。。。人生就係充滿矛盾

好友極力推薦這台灣小店，可是幾次週末經過這店門口都大排長龍，便放棄了念頭。今天下班後便特意走來碰碰運氣，真想不到平日晚上八時許，店外還有十人排隊等候，還有外賣客在等外賣，果然「威名遠播」；既然一場來到，便唯有等等吧！可是今天真的來得不合時，兩部冷氣機竟然有壞了一部，擠逼環境加上酷熱天氣，確實有點令人卻步。在店外等了十五分鐘，終於輪到我，一坐下來便點了魯肉飯和鹽酥雞；不到五分鐘，魯肉飯已到，一小碗飯上鋪上一層色澤深褐，肥瘦平均的豬肉粒，吃一口，發覺味道濃郁，不鹹不淡，每一口飯也有帶點香氣撲鼻的豬油，非常可口。鹽酥雞轉頭便到，雞塊切得比其他店大一點，炸時加入了香菜和淮鹽，脆漿不算太厚，雞肉亦炸得嫩滑香口，很不錯。這小店有道地台灣的味道，價錢相宜，值得一試！

今日星期日想去遠啲既地方行下，唔知去邊，就上OpenRice 睇下邊度有美食就去邊，見到阿元來了排第一，咁我地就專程去試一試佢。去到都差唔多兩點，見到門口排長龍。可以問佢拎完飛去行下再返來，唔使企定定等。等左一個鐘到先入得去，入面都幾窄。我地叫左6樣野食。滷味拼盤有蛋、豬大腸、雞翼同豆腐。豬大腸冇騷味，好好味。雞翼好入味，好好味。豆腐都幾好，雞蛋就冇咩特別。香菇肉羹個樣有啲碗仔翅，入面有菇片同大大舊既肉，口感似碗仔翅，味道就似台灣麵線。魯肉飯我估應該係必食既，因為我見台台都有叫😂。魯肉飯細細碗，啲肉都算多，啲肉好淋，好入味，啲魯肉汁夠多，夠撈晒成碗飯來食，好味。鹽酥雞炸得幾脆，冇乜油，雞肉嫩滑，唔鞋，真係好好味。蚵仔煎都係呢間店既推介之一，佢既蠔仔算大粒，好飽滿。佢既底加左某種菜（我唔知叫咩名😅）特別香、特別好味。皇室奶茶都幾好，加左珍珠，但珍珠就唔夠煙韌。總括來講幾抵食👍🏻，幾好味。

上完堂難得齊腳一班人落咗西營盤搵阿元黎到等咗一陣就有得入去啦等嘅過程 我哋四個女仔 不斷畫畫畫 再we wa 鬼叫埋 結果四個人畫咗11樣野啦門口哥哥數到眼都突埋入到去 一坐低香噴噴 魯肉飯 就黎啦一流 魯肉加上d 汁 撈飯 perfecto台南擔仔米粉意外地surprising me不過d湯好快吸晒香菇肉條麵味道一般鹽酥雞 鹽酥雞排 炸花枝丸 酥炸魷魚嘩 鹽酥雞 好有 台灣嘅味道雞排都好嫰滑D 炸物一d 都沒有好油嘅感覺肉鬆起司蛋餅Cheese 加蛋餅一流如果多d 肉鬆就更好阿元嘅台灣腸仔 是日賣晒而轉了新menu 冇咗皮蛋 朋友覺得好可憐雖然剛剛喺台灣番黎但係已掛住台灣美食喺香港唯有食住阿元先

阿元來了在西營盤開了超過兩年，還剛在觀塘開了分店，窩夫與蝦子餅才第一次光顧。某週五約6時左右到達，不用等位，吃完離開時門外已站了等位和等外賣的人。冬瓜檸檬($23)的味道很特別，沒有想過冬瓜和檸檬可以走在一起，是夏天解渴消暑的好選擇。招牌魯肉飯($29)不可不點，秘製醬汁的厚度和份量都控制得很好，拌勻來吃非常滋味，雖然有肥肉但卻沒有肥膩的感覺。鹽酥雞($35)炸得很香脆，但完全不覺得油膩，雞肉亦不會太乾身。香菇肉羹米粉($45)有意外驚喜，肉羹爽口彈牙而且份量不少，水準之作。芝士蛋餅($25)做得不錯，但始終比不上台灣當地的出品。

星期天的早上11點原本想著到西營盤來個brunch... 剛巧路經阿元來了, 仲竟然發現有幾張吉枱!!! 一直都未試過食的我和好友都二話不說即時衝左入去坐~N年無去台灣的我心情超興奮, 未食已經好像已感受到那種台灣氣味... 坐下自己在餐紙上點餐, 方便快捷~ 而食物選擇都算多, 價錢都好親民!先來一個焢肉飯! 滷肉好淋身鬆軟, 而且不會太鹹! 配飯絕對一流~ 只嫌一小碗的size實在不夠喉, 何況我地仲share食!至於刈包, 一樣的滷肉但配以無味的饅頭包好似有點不夠好! 如果這個滷肉可以"多汁"DD, 相信口感和味道都會好得多!而不過不失的鹽酥雞, 幾新鮮又不會膩口! 最鍾意佢不是用太多粉醬炸的一種, 不錯!至於25蚊只有兩隻的台南府城蝦捲, 仲要是BB蝦... 味道ok但有點貴! 最後有驚喜的是咖啡磚奶茶~ 用咖啡做的小方形啫喱來代替珍珠, 很不錯!店子細細, 坐了一陣已看到門外有8-10人在等候! 坐近門口的我地都有點壓力, 加上店舖更建議食客用餐時間為30分鐘, 我地唯有速飲速食埋單去~不過值得一讚是店員一直都沒有趕我地埋單或者特登同排隊的客人講好快有枱等等... 

放左學同同學去西環第三街到搵野食，見到成條街沿途都有好多餐廳，唯獨是阿元來了既門口排晒長龍，見到咁多人肯等咁耐去食，就知呢間野唔簡單。攞完飛一邊等位一邊同同學睇住menu揀食咩好，由於我地太肚餓，唔小心叫左好多野食。👉🏻👈🏻 等左大約15-20分鐘，終於有得坐低。餐廳既裝潢好有台灣風味，加上唔少店員都係台灣人，真係覺得自己好似去左台灣既夜市。一坐低啲野食已經好快黎到。魯肉飯雖然望落細細碗，但一個人食就啱啱好，唔會有油膩滯感。魯肉鋪滿面，每粒魯肉都切到肥瘦相間，醃得非常入味，拌飯食就同飯既份量恰到好處。每食一啖飯，魯肉既油脂都溶入飯到，再配上調配得非常惹味又唔會太鹹既醬汁，簡直一流。食完幾啖魯肉飯再食酸蘿蔔，口感清新。鹽酥雞係即叫即炸，外層熱辣辣，椒鹽香口之餘唔會太鹹。入面既雞肉口感亦算嫩滑，有足夠肉汁，唔會太乾或者太老。香菇肉羹既湯比較杰身，入口香濃。驚喜既係肉羹入面既豬肉肉質軟棉得黎非常有彈性同有嚼勁，而且豬肉大大粒，份量亦算多，非常飽肚。咁多樣野食我最鐘意就係佢既刈包。刈包既外皮好似饅頭咁，包身蒸得好軟熟。入面亦都好足料，有一大塊充滿住油香既焢肉，肉質軟身之餘亦非常入味，油脂入口即

半年前去完台灣，回味無窮，但呢排去唔到台灣，所以我就去咗香港較出名嘅阿元來了，睇吓食唔食到係台灣街頭的味道！由於我嗰日比較忙，所以叫咗外賣。前前後後都係等左10分鐘左右，效率都好高，但好可惜嘅係佢哋冇比筷子匙羹我地講返啲食物啦！我哋總共叫咗四樣食物，總共＄142。阿元來了嘅蛋餅同喺台灣食嘅有啲唔同，佢哋加左一層芝士令到口感更加豐富。但我就唔係幾鍾意佢哋獨有嘅醬汁，我都係傾向返台灣傳統嘅蛋餅多啲。不過價錢都係＄25左右，所以都可以一試。之後就到鹽酥雞啦。講真＄25呢個價錢真係冇得彈。啲雞唔會炸到好多粉，外層炸的金黃色並且脆香，肉又保持到多汁鮮嫩。仲放左啲九層塔作點綴，令到鹽酥雞更香。至於雞肉飯，我就認為比較乾身唔係好啱我，但加左少少榨菜，令個飯唔會咁寡。佢亦都比滷肉飯更健康，應該會受女士歡迎。主角出場啦。其實我去阿源來了都就係想試吓個滷肉飯係咪同台灣既味道一樣。結果個滷肉飯可以話係好味過台灣嗰啲！你睇吓啲滷肉，肉同埋肥膏嘅比例係一比一，食完真係好滿足。加埋佢嘅秘製醬汁，拌飯一流唔會太鹹。雖然係比較肥膩，但都掩蓋唔到佢係我心目中近乎完美嘅一個滷肉飯！另外我哋叫咗兩杯特飲，包括百香果綠茶同埋

黃昏去左西環貨櫃碼頭，夜晚再來西營盤食阿元來了的確係一個好行程。7點來到已有長長人龍，十張枱大概要等三十分鐘。要留意用餐時間只有三十分鐘， 真係有 d 趕點餐不久就來左魯肉飯， 熱辣辣既飯， 再加上肥豬肉，非常惹味令我想起台灣旅行時， 在其中一家街坊小店食既肉燥飯雖然聽之前食評話鹽酥雞普普通通， 但仍想一試。反而又不錯！酥脆可口， 雖然偏油再來係蝦捲， 反而覺得蝦捲普通， 好似酒樓既鮮蝦捲咁然後係芝士蛋餅， 入面的確有濃濃既芝士再加上煎蛋， 好味， 但好飽肚最後叫左野飲， 個人認為好好飲， 冬瓜茶既甜， 同奶蓋非常match 留意一點， 30分鐘叫用餐時間可說非常準時， 剛到三十分鐘已有服務員提醒， 個時我同友人才食到一半…不過服務態度係好既， 全程都有禮貌

早前在西營盤區覓食時，無意中發現這間人氣極高的台式小店，趁著假日便專程來試一試。遠處已看見一群人潮，但繁忙時段限時三十分鐘，所以叫號也挺快的。門面掛著多個特色招牌，店內並排著木檯櫈，座位之間距離是較狹窄。灰色的牆身貼滿廣告街招，吧檯掛著幾個燈箱，營造出台灣夜市的環境，獨特又有個性。<魯肉飯>小小的一碗飯，魯肉份量也挺豐富，肥瘦參半，滷得非常入味。米飯也盡吸收了肉汁的精華，帶點濕潤。<刈包>軟熟的包子夾著一大塊豬腩肉、荽茜蔥、花生碎，甜中帶鹹，口感和味道各具層次。但略嫌腩肉偏肥膩。<鹽酥雞>雞件炸得金黃香口，皮脆肉嫩，灑上鹽及調味粉，甚有地道水準。<珍珠奶茶>吃台灣菜必點飲品。奶味重，面層有一層泡沫，小粒珍珠彈牙煙韌。

自從港島西地鐵開左之後，西環就愈黎愈多好野食。因為今日有少少想食台灣野，就專登去左西營盤幫襯「阿元來了」。阿元永遠都係勁多人排隊，好彩今次攞左飛係附近行左一陣，等左15分鐘就有得食，萬幸。魯肉飯非常足料，魯肉好入味，加埋少少魯肉汁，1分鐘就KO哂成碗飯叫左個魯肉飯只需要加10蚊就可以加野飲，味道唔算太甜，幾好！因為要一次過落單，所以份芋圓一早上左台。芋圓非常有咬口，湯水主要有冰糖味丶紅豆同埋少量珍珠仔。食完魯肉飯飲就岩哂，清一清味蕾雞肉非常嫩滑，但係唔算好香口。同台灣夜市食嘅鹽酥雞比較就缺少一種孜然粉嘅味道作為一個芝士控，蛋餅入面滿滿嘅芝士味真係好感動。加埋少少嘅辣醬，好醒神刈包蒸得好軟熟，豬肉煮得好軟好入味，入面夾埋少少莞荽同埋炸菜，令到個包唔會太肥膩兩個人食飯計埋飲品同糖水都係人均80蚊，分分鐘重便過係台灣夜市食野。而且唔洗專登飛過去台灣，抵呀！

西環自從有港鐵搞搞震後，很多食店都進註該區，不過未見其利先見其害，租金直線上升，很多老店都撐不住，結業或搬遷了。在第三街的一角，一間叫阿元來了的台灣小吃店，在門外看到長長的人龍，賣的是數十元一碗的魯肉飯，吸引了不少食客願意在大雨之下久等十多二十分鐘。我們二人入到店內，看到很有台灣墾丁的風情，食店內充斥著不少台灣島民獨有的特色裝潢，非常吸引大家的視線。店內的空間不大，但食客都沒有露出不滿的神色，反而專心地享用店員提供的食物。我們點了一客鹽酥雞，兩杯飲品，鹽酥雞是即點即炸，製作需時，而奶茶等很快便上檯了。這杯是咖啡磚奶茶，內裡有咖啡凍，而奶茶的茶和奶配洽到好處，茶味不單濃厚芳香，奶味亦非常純滑鮮甜，配合咖啡凍實力質感，喝起來絕對是一杯可口的飲品。這杯是黑糖牛奶珍珠，第一口喝下，發覺牛奶味很重，繼而是黑糖的甜味令飲品變得非常甜和可口，好像在飲牛奶雪糕的感覺，而底部的珍珠韌度剛剛好，提升了口感之餘，並令整杯飲品不會變得太單調。鹽酥雞上檯時，看到有白煙冒出，而脆皮上撤了椒鹽和黑椒，入口外脆內嫩，而肉質多汁而滑溜，選用了雞翼旁的大塊肉位，比起白肉更能吃到雞肉的鮮味。看到這樣的小店做出了美味的菜色，

端午節既時候有幸試到佢既南部糉，超好吃的說所以今日決定黎試一試佢其他菜式今日兩點半黎到諗住會少啲人喇，點知一去到見到有成十幾人排緊隊😱 唯有買外賣去公園食喇，有得食好野，就算要我坐地下食我都得架XD外賣等左十幾分就有喇，跟住就去左前面既佐治五世公園坐低開餐皮蛋豆腐係凍既，梗係食左先喇的的式式細細杯三十五蚊其實都唔平佢既皮蛋豆腐同出面大部分店鋪既唔一樣，佢係將皮蛋同豆腐一齊打爛加入調味料蒸熟再雪凍，每一啖都食到皮蛋既蛋香，又唔會怕好大陣豆味，如果個面再加少少肉鬆唔知夾唔夾呢因為係外賣既關係鹽酥雞係唔熱架喇，雞肉食落去都仲係嫩嫩的，咬落去好juicy，仲有一樣野好就係佢既味粉好均勻，唔會覺得一舊好咸一舊冇味雞肉飯原來係雞絲黎既，呢個飯個汁甜甜地，唔知係咪南部既口味呢雞絲唔會好鞋口亦唔會痴牙，佢咁樣方便我坐係公園食唔洗怕食既時候會跌左舊雞XP今日最想試既魯肉飯呀一打開個盒見到啲肥美既魯肉就即刻流晒口水，仲聞到個陣台灣既魯肉飯香氣，我就知道一定唔會有錯！果然食落口就係台灣既味道，豬油既油香加上個魯肉汁，滲透每一粒飯，將飯同魯肉一羹一次過放入口，我覺得好幸福呀，忍唔住一啖一啖咁食，呢個魯肉飯既汁

非常喜歡去台灣旅行，成個旅程使嘅錢同去澳門過夜差不多。尤其是台北，行街食嘢咩都有，滿足唔同嘅朋友仔都可以！台灣乜嘢食都有，平貴任君選擇，但其中一樣我最喜歡嘅係魯肉飯，台幣十蚊就有碗，細細碗做早餐或下午茶一流！心血來潮好掛住魯肉飯，但又無得去台灣，點算好？呢間小店完全滿足我嘅心願啊～同男人去阿元來了，點咗兩個飯，分別係魯肉飯同焢肉飯。先講魯肉飯，佢唔係肉碎狀，而係帶少少肥嘅肉丁，非常入味，有時好怕食呢啲撈汁嘅碗飯唔夠汁，呢度剛剛好，亦都有好多肉丁，絕對足夠當午餐～只係略嫌多肥咗少少，食完有啲膩！另一個就係焢肉飯，食落去似扣肉嘅感覺，應該用五花腩做，味道香濃。但同上面一樣，多吃會有少少油膩感。去台北必點嘅肉羮，呢度份量唔算細，兩個人分享下都可以。味道OK，但太重筍味，我個人就覺得有少少嗆喇！鹽酥雞都係我飛佛，呢度都有成六、七件，即使多一兩個朋友仔點小食Share都OK！味道方面都非常地道，另一可改進就係有啲大件，如果做到一口食哂一件就更perfect ! 埋單都係百幾蚊，已經叫埋飲品，都幾抵食呀！一定會返轉頭呀！

尋日黎到摸門釘 原來星期一休息！今晚再戰阿元來了~~~~!!大約8:30黎到 等左大約15分鐘就有位一入到黎 就見到好有台灣特色既裝飾而且 呢度嘅員工都係講普通話感覺好似去咗台灣咁啊難得黎到 兩個人仔忍吾住叫左好多野食 好吸引啊!!黎到阿元 必食嘅一定係魯肉飯$29肥肉喺口內同美味既肉汁混為一體真係會令人回味無窮 想encore多幾碗!!另一樣非常推介嘅就係刈包$30入面嘅腩肉又係好香好多汁 仲有碎芝麻、香菜同砂糖做配料真係好好好好味鹽酥雞$35炸得好香脆 吾會太油膩既感覺 可以一試吞拿魚蛋餅$25呢個普普通通啦 Overall 黎講，阿元來了嘅性價比真係好高所以我係會不停繼續encore架可能係香港最好食嘅台灣野