影片
更多
2021-12-16
1470 浏览
天氣轉冷，打邊爐就最好。掙扎左好耐，最後都係決定返黎温野菜。上次食宮崎黑毛和牛肩脊肉放題，今次揀左平少少既鹿兒島產和牛，茶美豚放題， 星期一至四正價$558另加一。價錢包湯底任選1款$29以下。湯底一共有12款，唔少都要加錢。鰹魚湯鰹魚湯係以江户時代傳統製法(手火山式)煙燻鰹魚。味道都唔錯，不過冇乜特別。藥膳湯 加$10藥膳湯有百合，南北杏，沙參，玉竹，京蔥，蒜頭，薑片，白芝麻粒等。服務員拎左個九宮格，上面有九種藥材，問我哋有冇咩藥材唔食，仲可以加多啲想要嘅藥材如杞子。不過之後再想加料就要俾錢。服務員將一個迷你藥材包放入湯。個湯味道幾好，不過個人覺得藥材味唔夠。特別嘅地方係個湯加左豆豉。上次食秘傳月見壽喜鍋就越食越口渴，今次就完全唔覺。先黎每人一件胡麻豆腐，同一兜蟹柳梛菜絲沙律。胡麻豆腐質素正常，蟹柳梛菜絲沙律我地直接話唔要。先黎3盒肉類。鹿兒島黑毛和牛肩脊肉一盒3塊，油花都靚，不過明顯見到肥膏，切得唔會太薄。食落勁嫩口，而且牛味都唔錯，我地食到停唔到口。質素比美上次食貴d嘅宮崎黑毛和牛肩脊肉。不過鹿兒島黑毛和牛肩脊肉後期嘅牛就較多肥膏。鹿兒島茶美豚肉眼就較韌，豬味都可以，不過我地已經
上次食宮崎黑毛和牛肩脊肉放題，今次揀左平少少既鹿兒島產和牛，茶美豚放題， 星期一至四正價$558另加一。
價錢包湯底任選1款$29以下。湯底一共有12款，唔少都要加錢。
鰹魚湯
49 浏览
0 赞好
0 留言
鰹魚湯
鰹魚湯係以江户時代傳統製法(手火山式)煙燻鰹魚。味道都唔錯，不過冇乜特別。
藥膳湯
$10
48 浏览
0 赞好
0 留言
藥膳湯 加$10
藥膳湯有百合，南北杏，沙參，玉竹，京蔥，蒜頭，薑片，白芝麻粒等。服務員拎左個九宮格，上面有九種藥材，問我哋有冇咩藥材唔食，仲可以加多啲想要嘅藥材如杞子。不過之後再想加料就要俾錢。服務員將一個迷你藥材包放入湯。個湯味道幾好，不過個人覺得藥材味唔夠。特別嘅地方係個湯加左豆豉。
上次食秘傳月見壽喜鍋就越食越口渴，今次就完全唔覺。
胡麻豆腐
28 浏览
0 赞好
0 留言
先黎每人一件胡麻豆腐，同一兜蟹柳梛菜絲沙律。胡麻豆腐質素正常，蟹柳梛菜絲沙律我地直接話唔要。
鹿兒島黑毛和牛肩脊肉
34 浏览
0 赞好
0 留言
先黎3盒肉類。
鹿兒島黑毛和牛肩脊肉
34 浏览
0 赞好
0 留言
鹿兒島黑毛和牛肩脊肉一盒3塊，油花都靚，不過明顯見到肥膏，切得唔會太薄。食落勁嫩口，而且牛味都唔錯，我地食到停唔到口。質素比美上次食貴d嘅宮崎黑毛和牛肩脊肉。不過鹿兒島黑毛和牛肩脊肉後期嘅牛就較多肥膏。
鹿兒島茶美豚肉眼
28 浏览
0 赞好
0 留言
鹿兒島茶美豚肉眼就較韌，豬味都可以，不過我地已經無再encore。
最後一份係英國安格斯牛肋肉，我地直接叫收走。
總括而言，呢個價錢有15款肉類任食：
美國和牛肩胛眼，
鹿兒島茶美豚腩肉，
鹿兒島茶美豚肉眼，
鹿兒島茶美豚梅肉，
鹿兒島黑毛和牛肩脊肉，
澳洲M9和牛肩脊肉，
英國安格斯牛肋肉，
美國牛肋肉，
美國牛胸腹肉，
美國上級牛肋肉，
丹麥豚梅肉，
丹麥豚肉眼，
丹麥豚腩肉，
新潟雞爽肉，
丹麥雞腿肉。
不過都係個句，當你有最好既肉任食真係唔再需要食平ｄ個ｄ肉。
鹿兒島茶美豚梅肉
26 浏览
0 赞好
0 留言
鹿兒島茶美豚梅肉既豬肉味濃又算嫩，好食過肉眼。
新潟雞爽肉
23 浏览
0 赞好
0 留言
一如上次，新潟雞爽肉超爽嫩，雞味好濃，我哋不斷追加。
呢個價錢包27款野菜任食。識食當然食日本菜，我地只攻日本菜。
日本生菜，福岡啡金菇
23 浏览
0 赞好
0 留言
日本生菜普通左d。今次福岡啡金菇比上次仲好食，超級爽甜，可能因爲我地用藥膳湯整！
九州梛菜
22 浏览
0 赞好
0 留言
九州梛菜超甜。
日本豆苗同福岡水菜都翠綠不過質感少許硬。蝦丸麻麻哋。
鍋肴有26款任食。試過蝦丸麻麻哋。其他鍋肴望落都係普通料，冇試。另外都有5款前菜任食。飽肚既白飯，烏冬，中華麵，蕎麥麵我地完全無叫。
飲品選擇唔多。
白桃活乳酸梳打
18 浏览
0 赞好
0 留言
白桃活乳酸梳打味道幾好，唔算太甜或太假。
橙汁就唔多得，假假地。波子汽水已經幫你開左上枱。冰水要自己叫。
總括而言，同上次感覺一樣，肉類同日本菜質素高，上菜速度快，冇乜漏單，不過食物選擇唔夠多。今次服務就差少少，無服務員幫手加湯，需要加料等等都無服務員理會，可能因爲座位少人經過。坐到４人座位，都勉强算舒適，私穩度高，見到2人座就肯定唔夠位。今次食平少少既鹿兒島黑毛和牛肩脊肉（其實都仍然唔平）都夠滿足，感覺同上次食宮崎黑毛和牛肩脊肉差唔多。
张贴
