京都勝牛 (Tower 535) (已結業)

本來今日打算收工後去食韓燒（又去？！），點知臨時臨急取消左，好彩同行友人帶我黎呢間京都勝牛補返數。黎京都勝牛原來又係食熱氣野，呢度主打吉列牛，不過除左吉列牛，仲有吉列豬，吉列海鮮等等，亦有少量非吉列食品如丼飯。餐牌價錢唔算太貴，豐儉由人。仲有小食，甜品同飲品。第一次黎，叫兩份貴價少少既吉列牛試試先。京都勝牛三味套餐 $228 另加一顧名思義，京都勝牛三味套餐有三款牛，包括菲力牛，翼板牛同醬味薄牛，有哂label紙仔說明，感覺高級。菲力牛有5件，吉列皮當然夠薄脆，入面牛肉仲生，食落算幾嫩，不過牛味唔濃。翼板牛有7件，就比較熟少少，不過牛味稍為濃少少。醬味薄牛就有2件，上面撒上紫菜絲，醬味味道唔錯，不過就實在係太薄，唔係啖啖肉。如果嫌牛肉唔夠熟，服務員可開爐俾你自己整熟啲，我地就覺得熟度可以。不過上枱影完相食用時其實就只係室溫。跟餐配有咖哩醬，招牌牛排醬，山椒鹽，同芥末醬油。服務員上餐時都有介紹，枱面亦有單張説明。招牌牛排醬其實就唔太特別。芥末醬油就酸酸哋。咖哩醬味道相對濃少少。不過最後我地用左另外一個餐既“醬”黎點，先係最好食。一陣會介紹。M9後腰背 $285 另加一M9後腰背一開9件，

系OpenRice 排行榜見到呢間餐廳，京都勝牛，日本過江龍餐廳，決定試下。6點去到餐廳，吾洗排隊。門口睇到啲野食已經開始留口水！主食：京都勝牛三味套餐 $2283款牛包括有：醬味薄牛、翼板牛、菲力牛個人最中意翼板牛，裡面既肉非常嫩口，加上外皮有炸過，咬落去又脆又淋身，好正菲力牛對我黎講有啲難咬，可能比較厚既關係，但肉質都系好好，賣相好吸引。醬薄牛肉稍為比較油，比其他兩款略微普通。主食：京都風牛排鍋膳套餐 $148加烏冬 $15滑蛋汁配上烏冬好好味滑蛋汁偏甜，烏冬彈牙，而上面既系炸既牛肉粒，有驚喜，好脆口，建議先夾起，吾系外皮會變淋！套餐加$72 有甜品同$36野飲甜品：麻糬雪糕糯米糍 $58入面系抹茶雪糕，麻糬嘅外皮有啲苦同小小厚，旁邊既有曲奇脆脆，總括嚟講不錯的！飲品：熱情果鮮桃特飲 $36