馬祖台灣養生湯麵館 (和安里)

营业中

休息中

假期在中環中午時間想找餐廳午飯，在網上隨意搜索就發現了這間藥膳湯米線🍜這令我想起了台灣夜市裡美味的藥燉排骨☺️☺️，因此就選了這間餐廳。❣️是日餐單🐣蟲草花藥膳農場雞米線上桌時看到份量就震撼☺️☺️☺️不論雞件、蟲草花、雲耳還是米線也很多🥰🥰湯頭非常很清甜，原來加了很多紅棗和圓肉，充分平衡藥材的味道，亦非常滋補🥰🥰米線煮得彈牙，滲入藥膳湯吃令人不自覺吃多了🥰🥰🥰雞件不是雪藏雞，皮下脂肪少而且有雞味，但略嫌有點過熟。🐮藥膳古早牛肉湯手工麵弟弟較喜歡吃牛肉，因此點了這碗。湯頭顏色雖然深，但清澈不混濁👍🏻湯底牛味濃郁，藥膳味比雞湯輕，可以算是升級版的台灣牛肉麵。麵條即使浸久了仍保持彈牙，也不會黏糊。牛肉大件份量多，炆得入味之餘仍保持腍滑。蘿蔔也是大大舊，但出奇地清甜且沒有渣🥰🥰🐤鹵水雞翼味道是傳統港式鹵水，但值得一讚的是雞翼鹵的時間不會過久，雞皮仍然完整彈牙，肉質嫩滑且入味。🥟麻辣白菜豬肉餃餃子餡料則較普通，餃子皮偏厚但幸好柔軟嫩滑，配上麻辣油能增添餃子的特色。辣度比屬微辣，麻椒香則較重。小店位於蘭桂芳附近，下層坐位不多，樓上還有坐位，假日中午時間仍算容易找坐位。值得一提的是女侍應的服務態度🤵‍♀️很好，

馬祖之前已經食過幾次，份量足，抵食又好味，外賣自取仲有9折優惠，預計夜晚OT到好夜，食飽先有氣力做野，就同同事外賣個馬祖晚餐，食完繼續戰鬥。馬祖主打藥膳湯麵，有辣有唔辣，唔同配料配搭出約廿款唔同湯麵，全部幾十蚊有交易，另外亦有多款小食同唔同嘅罐/枝裝飲品，人均一百蚊唔洗已經食到飽。香辣藥膳牛肉湯手工麵($77) - 湯麵非常足料，大大個外賣碗都裝到滿晒，除左麵多，上面啲配料一樣咁多，外賣湯麵湯底同麵係分開裝，唔怕返到去啲麵索晒啲湯。牛肉湯有得揀大中小辣，我揀左中辣，辣得惹味又唔會太辛苦，湯底仲有少少肉碎。牛肉有四大舊，每一舊都好鬆麵又唔會痴牙。另外仲有兩大舊蘿蔔，好腍冇渣，索晒啲辣湯好正。麵底可以揀手工麵/米線/白飯，因為見有啲麵款手工麵要另外加錢，而我哩款係唔洗加錢，所以揀左手工麵，麵量好多，唔會太腍帶少少彈口。蟲草花藥膳農場雞米線($67) - 農場雞米線同樣足料，大大個外賣碗裝滿晒拎起都幾墜手。藥膳湯底好重藥材味，入面仲有紅棗、雲耳同蟲草花。雞件有四五舊，舊舊都大大件啖啖肉，肉質亦唔會太鞋。米線好滑口感好Q彈。滷水雞翼($28/3隻) - 雞翼好腍，滷得入味但又唔會太鹹。麻辣白菜

響我眼中 👁近乎係完美 😍超合口味米線 🍜台灣藥膳養生湯 🍲從未見我如此讚嘆 🤭約咗好耐終於有機會 🤤話說年紀大真係要進補 🥴本身聽到藥膳有啲驚味濃 😬如果勁大藥材味未必鍾意食 🤔做過資料蒐集之後發覺唔係咁 🤩即刻約我好姊妹一齊挑戰新口味 🥰有我鍾意嘅蟲草花同寶寶嘅黑蒜油 🧄先講我個清甜蟲草花藥膳農場雞米線 🤗無睇錯我個湯真係甜㗎所以先話啱哂我 😂食落滋潤但又無苦澀藥材味米線索湯彈牙 👍🏻加上滑得泥結實嘅農場雞雞肉成個無處挑剔 👏🏻想要更香更濃嘅朋友仔可以揀黑蒜麻油或香辣 🌶寶寶果碗無咁清甜但多咗份濃郁香蒜味道同油香 ☺️ 當初低估咗份量又高估咗大家嘅胃口叫咗兩個小食 🙄麻辣白菜豬肉餃同藥膳上湯墨魚春卷每份唔洗三十蚊 🥟不過下次再來相信我連小食都唔洗叫因為飲湯已經滿足 🤪最後想提一提大家不妨試吓佢個清香解膩嘅自家製冷泡茶 🍵馬祖台灣養生湯麵館：中環和安里6-7號聯安樓地下及M樓

這間小店格局的馬祖台灣養生麵，雖然空間不太大，但勝在地方乾淨企理。餐牌上選擇不多，主打用藥膳養生湯底做出數十款不同的配撘，可配上白飯/米線，另加錢可轉手工麵。價錢由65-$77，沒有加一服務費，在中環區中是平民之選。大大碗的蟲草花藥膳農場雞米線，湯底眼見有紅棗，杞子，但飲落會有一陣陣的藥材香味，應該有北芪黨參，味道濃而帶甜，配上大量草蟲花及木耳，感覺已經很養生。雞件份量都頗多，肉質嫩滑，仲有少少酒香味，這碗養生米線很適合這個秋冬食用，食完有暖身的感覺。另一碗的藥膳麻油雞配飯，藥膳湯底味道跟米線那碗差不多，但重點是多了麻油的香味，將飯倒入湯中，做成湯飯更為好食。餐廳還有提供小食，點了麻辣白菜豬肉餃，$28 有5 隻，上枱已聞到陣陣麻辣香味，但食落味道就比較淡一點。最後飲支自家製的桂花烏龍冷泡茶，清清淡淡，有一陣陣桂花味，夠健康。另外罐裝的黑糖薑母茶都很夠薑。

禮拜六收工最開心就食野。約定好再食哩間馬祖養生湯麵館。上星期食完，又一齊來到啦入到來坐低。睇下餐牌，大家都即刻諗好食乜。我叫左香辣藥膳牛肉湯手工麵。哩度既牛肉我至愛，又淋又香。咁係叫埋上湯時菜，哩個藥膳上湯菜係我食過勁讚。加多個麻辣白菜豬肉餃，麻辣醬好好味，連唔食辣嘅朋友都讚。食藥膳湯底配乜飲品好呢，都有多樣選擇，今次配搭桂花烏龍冷泡茶，絕配。又係美好的一餐。哩間價格合理，係中環唔食貴野都可以好正