金記海鮮飯店

营业中

休息中

小時弟真喺好少過荃灣食飯，今次朋友叫到，點都要俾下面啦！老友話想試吓依間新開嘅小炒店喎，咁咪跟佢試吓囉！舖頭都幾乾淨，門口仲有個四層嘅魚缸養住幾條海魚，為客人提供新鮮海鮮，都幾有誠意！聽老板娘講，原來佢哋嘅醬汁都自家製，所以同其他嘅舖頭都有幾唔同！我哋幾個麻甩仔，叫咗四樣餸！首先緊喺食佢主打嘅《金記招牌炒蟹》！真喺特別，佢哋用上生猛糕蟹，火喉十足！我依個最怕食蟹嘅麻甩點都要試返隻蟹鉗！嘩！真喺超大隻豬手！坦白講，我真喺唔鍾意食豬手，但依到嘅《黑椒咸豬手》真喺令我改觀，醬汁香而不辣，揀選嘅咸豬手肉質彈牙可口，又非常入味，火喉十足！可見師傅十分有料到！依到《麻辣雞煲》又喺一絕，小辣已經非常刺激味蕾，食完真喺眼光鼻涕都流哂出嚟！但越食越想食，正！而且揀選嘅雞肉新鮮，非常嫩口！小炒皇真係周街都有，依到嘅《金記XO小炒皇》真喺非常特別，用上自家秘製嘅XO醬，要有咸香有咸香！，要有香辣有香辣！送飯送啤酒真喺超一流！自家秘製嘅醬汁真係零舍不同，就算喺其他舖頭可以食到嘅菜式，喺依到都特別出色！下次要再試吓！