雞翼山 (裕民坊YM²)

营业中

休息中

之前有個friend話呢間嘅雞翼好好食話要攞嚟做散水餅我仲話佢太騎呢散水餅送雞翼叫人哋點食而且一啲儀式感都冇😒不過自從我上次試過一次文青玫瑰雞翼之後我絕對覺得真係可以拎嚟做散水餅仲可以令人留下深刻印象（正面嗰隻）😂😂❤️文青玫瑰雞翼呢款雞翼我今次係我第二次食賣相已經非常之吸睛上面有一塊塊玫瑰花花瓣好似後宮妃嬪下午茶食嗰啲糕點咁永遠都係咁fancy🌸估唔到雞翼呢一樣咁麻甩嘅食物都可以做到但係並唔係剩係得個樣食落去都有震震玫瑰花香味我估佢應該落咗啲玫瑰花糖漿🤔唔知大家有冇飲過玫瑰花茶就係嗰一隻比較濃嘅花香味令到平凡嘅蜜糖雞翼昇華咗幾個境界🌹💛黃金鹹蛋黃雞翼呢個雞翼我買緊嘅時候已經有個姐姐走過來問係咩名堂我都同佢大力咁推銷呢個鹹蛋黃雞翼因為我覺得應該幾好食🤣🤣雖然未食因為裏面嘅店員喺度整緊嘅時候已經散發左一個非常之甘香嘅鹹蛋黃味出嚟再加埋雞翼嘅油香真係好難唔令人停低腳步索一索再買個外賣返屋企Btw真係要提一提佢啲雞翼全部都係即叫即整勁新鮮！熱辣辣咁樣😍😍😍啲鹹蛋黃覆蓋成隻雞翼厚粉過夏蕙姨💕最衰我趕時間如果唔係我就會即時喺度食而最後嗰個姐姐真係買咗一盒雙拼返屋企我覺得我應該要收返廣告費😆🤎章魚燒

之前見過唔少介紹雞翼山，我當然唔執輸！今日去開觀塘，緊係要試下位於裕民坊既雞翼山😍雞翼即叫即做，我點左3款唔同口味既雞翼，等一陣就拎得🎈文青玫瑰雞翼4隻同款口氣，雞翼好香玫瑰味！外層係甜甜既玫紅醬包住脆口既雞翼，口感好獨特！果然係店中人氣No. 1😍食下食下就食哂！好正😍🎈黃金鹹蛋黃雞翼呢係真心不得了😍完全係邪惡既代表🤣金黃既鹹蛋包住雞翼，雞翼香脆唔駛講，鹹蛋碎基本上係滿滿咁包住每一隻雞翼，煮好既時候簡直係香氣撲鼻🥰🎈三重芝士雞翼身為芝士控既我，一見到呢款已經即點無抗拒😂雞翼煮好既已係雞翼上曬上芝士粉，之後再比另一個勁滿既芝士醬我沾黎食，好食到癲😍芝士醬夠濃烈！滿滿芝士味好幸福😍🎈白桃檸檬烏龍果茶優惠價加$20就可以享用（原價$28），果茶茶味突出，滿滿白桃同檸檬味，最驚喜係唔甜😍清香消滯，食住雞翼飲好爽呀😍雞翼山既雞翼果然好吃👍🏻口味選擇多而且出色👍🏻要再黎試其他味道呢😍

🌟🌟之前聽朋友介紹過雞翼山，果然係名不虛傳，除咗雞翼，仲有好多元化既小食，連雞蛋仔、蝦多士、關東煮、蘑菇飯……真係乜都有👍🏻🌟🌟雖然有咁多嘢揀，今次一定要order雞翼先，我就試No.1 & 2 既文青玫瑰雞翼和黃金鹹蛋黃雞翼。🌟🌟黃金鹹蛋黃雞翼，充滿鹹香味，加上炸到脆卜卜嘅雞翼，雖然好邪惡，但惹味到無法抗拒😍😍🌟🌟文青玫瑰雞翼，賣相吸引，有少少玫瑰花瓣，甜甜蜜蜜，好juicy 好sweet❤️🌟🌟外賣袋粉紅色，好搶眼🤩🤩🌟🌟值得一讚係外賣盒的設計很貼心，有兩個窿防止倒汗水影響雞翼品質，除此之外，外賣盒對環境傷害減少👍🏻🌟🌟店員服務態度非常好，雖然只係外賣，但態度絕不馬虎。

今日去Apm商場買嘢之後，友人提議去裕民坊商場嗰度行吓，呢個新商場雖然已經開咗一段時間，但一路都冇機會去，今日終於有機會可以去望下有咩新店。經過一排既小食店行到商場地下，朋友提議買啲小食返去食，望到呢間雞翼山，之前喺旺角都見到有分店，估唔到喺觀塘都有佢嘅蹤影。落單都好方便，只需要喺佢嘅舖頭前嘅自動落單機就可以。好味有好多款，我揀咗兩隻，分別係麻辣同埋山葵蟹籽。雞翼全部都係即叫即炸，非常新鮮黃金鹹蛋黃味雞翼，非常勁香口邪惡，除咗有鹹蛋黃味，蛋黃醬都好Creamery。原本仲好驚佢太鹹，點知調味適中入口岩岩好喎。山葵蟹籽雞翼亦好好食，山葵味幾重，唔會太辣，而且醬料嘅份量非常多，唔驚最尾一隻雞翼唔夠醬。見到佢呢間分店特別有關東煮，下次我諗我都會試吓外賣佢地會好貼心送埋個靚靚外賣袋，之後都可以重覆用