Playa de Papagayo (已改名) 查看

今日去K11逛街，午餐揀了附近的西班牙酒吧餐廳🍹，好chill好舒壓……Playa de Papagayo位放尖沙咀N1出口，係Restarant & Bar，有一般餐廳嘅菜式，又有酒飲，食飯 飲酒 聊天都一流💯黑松露野菌意大利扁麵$138，黑松露味道非常香濃，野菌份量超多，意大利麵沾滿忌廉汁，好味 但唔會漏。羅勒辣肉腸炒紐西蘭青口配蒜茸多士$138，青口唔算好大隻，但幾入味，愈食愈辣🌶，連湯都全部飲清；多士好香脆，充滿蒜香🧄。小食：西班牙醬煮蝸牛$88，醬汁帶香料和牛油的味道，薯蓉香滑鬆軟，蝸牛口感獨特，幾爽口。甜品：脆糖杏仁芝士蛋糕配紅莓雪葩$65，餅底味道好突出，甚至蓋過淡淡的芝士味；紅莓雪葩好搶鏡，酸酸甜甜，清涼又好味。飲品方面，西班牙果酒🍹是我的首選，點了Regular Sangria $52，紅酒味道香醇，容易入口，加上水果粒，顏色和影相效果超靚❤整體而言，服務員態度很親切，環境開揚，食物選擇多，質素頗高，價錢不算貴，值得一試。

尖沙咀除了諾士佛臺之外，K11廣場對面的河內道也有很多酒吧。這次決定一試這一帶的酒吧，選擇了這間人流比較多的。想不到有意想不到的驚喜，酒吧的食物質素竟也那麼高。黑松露野菌意大利扁麵 Italian Linguine w/ Wild Mushrooms & Truffle Sauce - $138意大利扁麵掛滿濃郁的黑松露汁，充滿松露的飄香和忌廉的順滑感，麵條彈牙有口感，也有很多不同的野菌增添層次之餘，又更有咬口。慢煮鮮鮑魚海鮮薄餅 Slow Cooked Abalone & Seafood Pizza - $168即叫即製的PIZZA，薄批富韌性而不糊，邊位特別爽脆。鮮鮑魚切粒略帶韌脆有嚼頭；魷魚圈彈牙富水份；厚大的青口嫩滑而不腥；鮮蝦紮實彈牙；批底塗上莫薩里拉芝士及千島醬那鮮明的酸甜風味好惹味。烤焗香辣豬小脾 Baked Spicy Baby Pork Rib - $88三件豬仔脾肉質好鮮嫩，焗得好酥脆，有點香辣粉更惹味，底部墊著意大利黑醋沙律。Rose Sangria (with rose and cranberry) - $68酒底是西班牙的Sangria汽酒，口質稍甜，裡面有多

琴日難得唔洗OT, 於是相約友人到尖沙咀既playa de papagayo一齊happy hour下。餐廳好近港鐵出口，一上來就見到，好易搵，六點幾來到唔洗等位添！餐廳走西班牙風，大部分都係高枱高凳，岩哂黎chill既我地。先點了一客西班牙烤乳豬件配自家製酸椰菜薯蓉。本身我怕會好似平時食既乳豬咁肥，點知依度既烤乳豬件岩岩好，層皮唔會好燶，一咬落去啲肉汁出哂黎，加埋酸椰菜解膩，推介呀！之前友人推介過依度既pizza, 今次一於試下四式芝士薄餅。四種唔同既芝士mix埋一齊真係好香好濃，岩哂我依啲芝士控，pizza餅底唔厚，同芝士比例剛剛好。如果多一兩個人share就perfect啦！另外仲點了一客黑松露野菌意大利扁麵。黑松露好足料，成碟意粉唔會好乾身，值得一試。話明黎happy hour, 當然要飲返杯。鐘意飲tequila 既我點左chupa cabra, 加左橙同青檸，唔會好甜，收工後小酌一杯最適合不過。

星期日休閒的一天，同P大人出尖沙咀tea一下，去試試呢間食西班牙菜既酒吧。唔使等位，我地最愛!坐底睇睇menu，好多選擇喎，不過我一早鎖定左目標 黑松露野菌意大利扁麵!!哈哈哈，我超喜愛意大利麵喇!P大人揀左陣，揀左西班牙風乾火腿薄餅。意粉首先送上，飄黎陣陣松露香味，出晒煙咁熱辣辣，我忍唔住喇!!扁麵軟硬度適中，正!!sauce好creamy，超級好食!pizza都送到，pizza上面有ham同埋火箭菜，樣子都幾吸引，即刻食返塊先!pizza都好味呀，餅底夠脆，sauce同個ham好夾，讚呀!我地仲叫左兩杯飲品Apple-ita ，沙冰既感覺，好飲!Mojito，足料，好飲!總括，環境、食物、服務都好好，下次搵多幾個朋友夜晚黎飲野睇波先

早前晌西環嘅Chico Chica品嚐過一餐味美嘅西班牙菜，仲喺記憶猶新之際，今日同朋友嚟到尖沙咀嘅Playa de Papagayo食晏，同樣以西班牙小食（Tapas）掛帥，但就同時兼賣唔少意大利菜式 。雖然聖誕啱啱過咗，但與老友相聚，只要心情好，一樣可以好似過節日咁開心！非辦工日尖沙咀嘅中午都比較靜，同樣，顧客都比平時少，依度地方大，樓底高，故此空間感更強。再晏啲，雖然客人多咗，但仍感覺自在舒適 。餐廳周六、日及假期嘅早午餐時段（Brunch, 12:00pm-5:00pm）正正做緊正價餐牌嘅七折，點菜就可以更手鬆 。不過，餐廳所指嘅時段，我就覺得喺午餐及下午茶時段喇（Lunchea）！優惠又豈止於此，人頭計加多$118（要點選食物及只限於12:00pm-4:00pm）就可以任飲紅酒、白酒或氣泡酒（Cava，只有法國出產先可以叫香檳），啱晒酒鬼。當然，好似我哋唔喺個個都咁飲得，散點一渣西班牙生果酒（Sangria）共享嚟高興吓，反而喺個幾上算嘅選擇。攤開個餐牌，一大頁有乜選舉都一眼睇晒，種類包括西班牙小食、湯、沙律、薄餅、漢堡、意粉、燒烤、主菜、甜品。西班牙小食（Tapas）

聽講呢間餐廳開咗大約個幾月，平時經過仲以為係酒吧，比人飲酒傾計佐小食，是晚朋友們約喺呢間餐廳食DINNER，初初擔心唔多飽，但原來只係我諗得太多，呢間餐廳除咗係酒吧，亦都係一間西班牙餐廳，除咗有多款酒外，前菜、漢堡包、意粉、甜品乜都有，質素都唔錯脆烤乳豬件配自家製酸菜＋薯蓉讚！乳豬皮好脆口，肉嫰味道淡而香，一咬啲肉汁必出嚟，我更愛佢嘅配菜，酸菜口感似燒過嘅椰菜，頗開胃，而薯蓉亦不錯四式芝士薄餅薄餅好薄好脆，咬落去好似食薯片咁，佐酒一流！自家製毛蟹肉漢堡配薯條必點！市面上少有呢個組合，切開已見到一絲絲蟹肉，啖下蟹肉好足料，連埋清新蔬菜減低油膩感，連佢嘅椒鹽薯條都好出色，食極唔停呀！羅勒辣肉腸炒藍青口配芝士蒜蓉包我本身唔係咁鐘意食青口，不過我頗欣賞佢熱辣辣嘅蒜蓉芝士包，佢唔只有蒜蓉味，更滲有啖啖芝士，很不錯～～ 餐送嘅小包4人根本唔夠分，之後友人再額外叫多個大芝士蒜蓉包添！黑松露野菌意大利扁麵未食已嗅到好香嘅黑松露味，意粉頗CREAMY，不錯！平時餐廳星期一晚最少食客，但呢間晚市已經有八成滿食到飽飽，走時唔洗20步就去到西鐵站，超方便呀！