1963 木十豆寸

营业中

休息中

平時食牛肉麵、滷肉飯食得多，今次依間身處唐樓既台灣野可以食到啲比較正宗、傳統嘅菜式。店主話自己嘅台灣菜偏向台南嘅口味，同香港平時識到嘅會有分別，因為香港食到嘅台灣菜通常都會經過改良去迎合香港人口味，店主想像原始嘅味道還原，所以餐廳用嘅醬料、米酒主要係由台灣直接入口。-1️⃣ 台式三杯雞飯 💰70（👅: 7.5/10）雞肉食落幾嫩滑，三杯雞嘅醬汁偏重味，有啲人會接受唔到嫌太鹹，我諗正宗台式應該係呢個味道，我個人可以接受，不過三杯雞唔太食到酒香味。滷肉份量足夠，夠撈成碗飯，肥瘦算均衡，入口溶化。整體唔係好驚人不過可以食到平時台灣菜小食既菜。-2️⃣ 茶燻雞佐烏籠茶漬飯 💰78（👅: 7.5/10）雞肉份量多，食落嫩滑，有肉汁，煙燻味重有小小茶香，雞皮食落唔油膩但香口，雞出色。茶漬飯無咁出色，覺得烏龍茶茶味偏淡，如果重啲會更好。-🧋黑糖奶茶💰15（👅: 6/10）味道偏淡，茶味唔太飲到，珍珠唔係彈牙煙韌，唔太推介。-🌟可惜係當日食唔到台灣地道既山菜好似水蓮菜，要睇個日來貨同季節。算係中價既台灣菜，比起野食環境更好，打卡一流，裝修格外用心，無論係舊式信箱、木門、印花牆紙、收音機、地櫃、古董電話、相機，

哈哈~ 同事話我知灣仔有間懷舊餐廳, 我拿拿聲打去BOOK枱同男朋友黎食,餐廳叫 1963木十豆寸, 原來已經推廣緊聖誕套餐啦~頭盤係三小碟, 好得!唯其是黃色果片冬瓜!!!真係極好味, 同埋食唔出係冬瓜!之後就上鳳梨苦瓜湯,其實有兩個湯比我地揀, 不過見近排熱氣, 飲苦瓜可以清熱!鳳梨苦瓜湯比較特別, 菠蘿中和左苦瓜既澀味,反而有點微酸呢~呢個菜叫 月見過貓, 其實唔知係咩菜啊, 見個名咁得意就試下啦~係台灣名菜, 幾好咬口的!主菜我地點左黑豚豬架, 配菜裝飾帶有聖誕氣氛;配合埋旁邊既洛神花醬汁勁勁勁好味呀!之後仲可以揀選滷肉飯或麻醬拌麵...台灣野梗係揀滷肉飯啦, 個汁調得好正喎, 真係帶有台灣味喎!食埋滷肉飯已經好飽, 但甜品又係好好味,呢個係Lady M版既tiramisu, 唔會濟或漲,而且甜度剛剛好; 如果送多件我都食得落, 哈~聖誕套餐原價為$299,早鳥優惠$249, 好在打黎BOOK咋, 呵 ^^y另外, 餐廳勁多打卡位, 由門口位就開始拍啦,同大家分享幾張懷舊風吧~

同朋友補足生日飯，想要坐得耐又可以影下相，就決定去1963木十豆寸試下！因為知道好多人，所以一早book定枱。由灣仔MTR行過去大約10分鐘，大約4:30去到，因為唔係煩忙時間所以成間店得3枱其實walk-in 都可以。店員帶左我地入去入少少的枱，成間店都好復古懷舊風，張張枱都可以影到靚相！！不過影相之前當然係叫左野食先啦，我地兩個人每人叫左一個lunch set 之後再share 食。古早味滷排骨飯滷肉飯d汁唔係好夠，所以一食曬上面d滷肉就得返白飯，但滷肉肥瘦都有，幾入味紅燒牛肉麵牛肉好淋而且入味，面的份量都多，結果食唔曬d 面餐具都好特別，明天再減肥真係好中point黑糖奶茶好可惜冇珍珠，不過黑糖味幾重，甜度適中岩燒提拉米蘇千層蛋糕甜品的選擇唔算多，但因為補足生日所以點都叫一件蛋糕蛋糕碟好靚，再加上Happy Birthday 的字樣，好適合影相，味道都唔錯，最鍾意佢唔會太甜

今日終於約到一個好耐冇見既朋友，就返我lunch time既時間，我地約左係我公司附近既一間台灣餐廳見面...間餐廳易揾得黎又幾文青feel喎⋯⋯樓梯間既氛圍好適合影相😆偷偷地影左幾張😝上到餐廳朋友已經坐低左，所以唔洗等四圍既環境睇得出有精心設計過，啲擺設都好精美，一入到去已經覺得好復古feel，有周杰倫半島盒子既感覺哈哈！不過聽聞平時都好爆，怕等得耐既可能可以打個電話book位先哦！🤗我叫左一個麻油雞麵線set,朋友既係豬手加魯肉飯～等左冇耐，已經聞到味！浸麻油味離遠就聞到，真係好香🤤最近都好凍，食麻油雞真係好適合☃️😋夠味之餘又唔會覺得漏，雞肉滑，啲麵線不得不highlight一下，唔似米線咁煙un，不過好索味，係真真真好食！份量合適，有三小碟小菜伴隨，好好味，食下飯又食下蕃茄仔，好開胃，冇諗過咁夾😍木製既餐具好靚☺️☺️朋友食既豬手我都有試😝好爽滑😍魯味夠😍唔會好似平時食既豬手咁覺得一口肥膏～加埋個飯，真係好好食😭下次我都要叫呢個！最重要係杯黑糖奶茶！！甜甜的，裏面仲有啲好有咬口既啫喱，好似食梗長條型既透黑色小丸子咁😝😛 飲完之後我細聲咁講左句"好温暖☕️"哈哈😆短短既一個半鐘lunch

自從看完動畫"你的名字"後, 經常在腦裡loop著主角重覆地問著"你的名字是...ぎみのなまえは"這一句, 想得入神時, 嚇然看到"1963木十豆寸"的招牌因為你的名字, 進入一道舊式的樓梯, 再上到一間餐廳, 時空交錯地好像墜入懐舊的時光隧道一樣, 花樣年華般的故事, 產生了微妙的感情, 氣氛味道陳設確實是花心思營造出淡淡的情懷,  但客人太多, 根本細味不到各式各樣的擺設, 所以決定滿足我的肚子多於眼睛,  午餐是定食, 有配菜和主食, 份量適中, 價錢相宜, 灣仔區這般的價錢的餐廳, 難免吸引有很多客人前來櫻花蝦炒飯櫻花蝦是我喜愛的, 原來還有大蝦在內, 喜出望外, 金舌頭的我, 都覺得飯炒得有鑊氣, 有香蔥的氣息, 不太吃飯的我, 竟然吃下一整碟...配菜的蕃茄好像有梅汁, 酸酸甜甜, 好開胃的前菜, 加上另外有一道好像青木瓜絲沙律, 有點芭樂汁的味道, 好清新, 反而炸菜不是我的菜, 而且浸水太久, 沒有什麼味道似的紅燒牛肉麵麵條是有彈性好煙韌, 紅燒牛肉好入味炆得洽到好處, 帶有牛筋和脂肪, 尚算正宗牛肉麵麻婆豆腐雖然麻婆豆腐不是最好的醬汁, 有麻油蔥花的香味加上軟滑的豆腐

相信來呢度食嘢嘅原因都系被裝修吸引咗，確實係幾揼本，無失望。講裝修我外行，食客請自己評價。食物早有所聞，唔好味。諗住紅燒牛肉麵最安全，點知最安全的食物最危險。 湯底唔鹹，所以D麵都唔鹹，但系極度油，食每一啖都油到個咀好似搽潤脣膏，唔該嗮，但系而家係夏天喎，我條脣夠潤。D牛肉俾人煮到柴咁韌，又無味，隻牛知道自己塊肉俾人咁遭窒，泉下有知真係嬲到攞牛角撬死個廚師。 估唔到成個餐最好味係D配菜， 有三款，車厘茄，薯仔絲，椰菜，醃到酸酸地，夠爽脆，正。呢D係咪叫妹仔大過主人婆？我直頭想專食妹仔 ，大婆行開（講緊碗麵咋，唔好諗錯） 好啦，公平D，黑糖奶茶唔錯，黑色啫喱（仙草粒？）代替珍珠，口感唔錯，奶茶茶味唔算濃，但算好飲。如果純打卡，最好叫杯嘢飲坐下就算，除非你想驗證下我上面講ge 係真唔係。