大門食堂 (將軍澳廣場)

营业中

休息中

今次男朋友帶我黎佢既「飯堂」食沾麵。餐廳環境都幾大幾開揚，檯與檯之間都好闊落，坐得舒服。當日下晝3點幾食，得返一兩檯客。我地好快諗好食咩，想落單時叫極都無人理我地，幾個伙記圍埋係度吹水，望都無望過黎 最後一個應該係屏風後休息緊?既經理走出黎幫我地落單...呢方面餐廳要正視下。食物方面，我叫左「黑蒜油沾麵」。湯底香濃，麵質粗身，煙韌彈牙，掛湯能力佳!湯底配料有幾塊肉、荀、魚板、大蔥。係幾香既，不過有DD鹹，食到最後要飲水。不過總括黎講都算係CP值高既沾麵。而男朋友當日叫左「大門沾麵」。試過兩款，我都係鍾意重口味既「黑蒜油沾麵」多D。重口味朋友仔識叫一定叫黑蒜油。