農米莊 (豉油街)

营业中

休息中

諗住快食個晚餐又唔想咁平凡單調，襯冬天想補下個身，試下佢特色米線，點左懷舊藥膳雞湯米線($59)、黑蒜雞湯米線($60)，小食叫埋鳳凰盛宴($58)，真係雞🐥全部都係雞🐔。好事成雙，一試藤椒魚皮($58)。懷舊藥膳雞湯米線($59)雞湯味濃，雞件都有6-7舊，肉質嫩滑，配菜料好足好養生，一邊食麵一邊不自覺飲埋個湯😋份量剛好！推介：🐾🐾🐾🐾🤍價錢：🐾🐾🐾🐾🤍味道：🐾🐾🐾🐾🤍賣相：🐾🐾🐾🐾🤍黑蒜雞湯米線($60)蒜味唔算濃，偏鹹，麵較少，但都算特色米線，同雞件味都夾，雞件肉質嫰滑。推介：🐾🐾🐾🤍🤍價錢：🐾🐾🐾🤍🤍味道：🐾🐾🐾🤍🤍賣相：🐾🐾🐾🤍🤍鳳凰盛宴($58)個名好犀利，又鳳凰又盛宴，的確係大包圍一次過食想食嘅小食。以價錢黎比較抵得住一碗米線，只包括三款雞小食，特色黑金雞翼、泡椒無骨鳳爪、花雕醉雞翼，每款3件，唔算太抵食。雞翼肉好實的的，好似放左一排，黑金味似黑蒜加土匪味，好鹹😅推介：🐾🐾🤍🤍🤍價錢：🐾🐾🤍🤍🤍味道：🐾🐾🤍🤍🤍賣相：🐾🐾🤍🤍🤍藤椒魚皮($58)😍😍😍驚喜！驚喜！驚喜！好好食要講3次！藤椒味好出，麻而不辣，超惹味，份量超多，魚皮爽口彈牙！會令人想encore🤤推介：🐾🐾🐾🐾

自從疫情之後，所有商場同舖頭都收得好早。秋風起夜晚行過旺角想食啲暖野，見呢間開得咁夜就試吓。上菜速度都算快，姐姐服務都ok。椰子雞湯米線有椰子味，香味甜味俱備，入口順滑，雞嘅膠質有煲出嚟，唔會好稀，亦都唔會太稠太漿口搞到嘴唇痴立立，我認為濃稠度啱啱好。除咗雞之外有基本配料，唔會咁悶。唯一美中不足係落咗椰絲，我唔係咁鍾意飲湯時食到。不過飲晒成碗湯都無口渴，值得一讚。黑蒜雞湯米線黑蒜係養生之選，朋友初起感冒決定當佢食療。蒜味唔算好濃，食完都冇話特別口臭，容易入口，但略嫌個湯鹹咗少少，所以朋友都冇飲晒。

又黎到最愛既米線😍佢地既湯底好多都係藥膳湯，冇落味精，食完唔會口渴😋而且藥膳味濃郁，湯連埋米線食真係好正👍雖然賣相差左小小，不過味道真係好唔錯🤣🍜黑蒜雞湯米線（$45）午餐時間黎到，唔洗等位直入lunch set 配一杯野飲黑蒜雞湯係我心中呢間鋪既第二位第一位永遠都係藥膳雞湯米線不過呢個湯黑蒜味超濃郁，中意蒜味既朋友可以試下😋雞肉都算多件而且有肉👍野飲叫左熱奶茶（+$2）熱奶茶就麻麻地，茶味太重而且苦澀，唔會再叫🤦‍♀️/😋食物質素：7.5/10🍽️用餐環境：5/10💰性價比：7.5/10👣回頭率：8/10/📌農米莊 (豉油街)旺角豉油街68號地舖

每次經過都人很多，所以找個機會午餐時間和同事去試一試這家農米莊藥膳米線。宣傳標榜無味精藥膳湯底，感覺比一般的養身健康米線本身沒什麼特別，和連鎖的一樣沒咬口。湯底可能因為沒下味精或過份調味的原因，藥膳味略淡，吃完不會口乾口渴。

🐥農米莊🐥 有趣的名子，途經旺角想找點吃的 在旺角真的不難找。貴為不夜天的街道，宵夜時段真係好多選擇。行行下就見到呢間餐廳主打食雞 米線湯底亦係招牌養生，有藥膳湯底`椰子雞湯底`黑蒜湯底`芫茜湯底；辣既有酸辣雞湯底`麻辣雞湯底，真係好多選擇呢。唔食米線亦都有飯類`小食`湯飯`湯粉麵，應該點都會揀到一款岩自己。而呢度出夠食雞湯米線，我都唔錯過呢。藥膳雞湯底🐥🍜真係好有藥材煲雞湯既味道，真係好健康既感覺。而雞件滑滑 配上米線，真係好養生之選呢。黑蒜雞湯底🐥🍜黑蒜近幾年被推舉為健康食材，呢度又招牌健康之選 當然都要試試吧。黑蒜味唔會話特別重，亦唔會過油，都唔錯。..下次宵夜時段諗唔到食咩❓大概呢度會係其中一個好選擇。

今日晨早流流出到旺角，好多想食嘅鋪都未開，之前食過一次呢間米線幾好味就帶朋友嚟試一試大約11點嚟到，客人冇平時咁多，之前食過一次懷舊藥膳雞湯米線覺得唔錯，但今次想試一試其他口味就叫咗黑蒜雞湯米線同埋椰子雞湯米線黑蒜雞注米線上枱嘅賣相麻麻地，入面嘅配料比起懷舊藥膳雞湯米線差少，有菇、豆卜、腐竹，雖然入口食到黑蒜嘅味道，但並唔係好濃郁，唔知係咪太早嘅原因，d米線好腍同埋好碎，用筷子好難夾到嚟食，要用埋個羹幫手先食到椰子雞湯米線亦比想像中差，一上枱已經聞到椰香，但淨係食到椰奶嘅味，好似食西米露咁，配料同黑蒜味差唔多，冇乜太大特別再食呢間都只會食懷舊藥膳雞湯米線🤢

臨近新年，要開始辦年貨。收工同老婆快快手食個晚餐，就去買野。路過呢間「農米莊」，就唸住入去食個簡簡單單嘅米線。一坐低，見牆上寫住“ 一碗可以連湯都飲晒嘅米線“，心唸個湯底係咪真係咁勁呀~望望餐牌，湯底都有成7款選擇。價錢真係有平有貴，最平$48，最貴成$98嘅花膠同龍蝦湯底。黑蒜雞湯米線 $58 - 黑蒜湯底幾杰身，味道好濃郁。米線同雞件份量就比較少，但除咗有農米雞件，仲有配料: 冬菇、雲耳、支竹、時菜。雞件好嫰滑，但雞味唔算太濃。鮮雞湯四寶米線 $38 - 老婆點左鮮雞湯，佢話咁先原汁原味。呢碗有龍蝦丸、貢丸同墨魚丸之外，同樣有配料: 冬菇、雲耳、支竹、時菜。兩個湯底都試過，鮮雞湯的確比較鮮甜，而黑蒜濃郁程度亦同樣出色，我地都真係差唔多飲晒個湯。凍咖啡  +$8

窩夫與蝦子餅早前在果欄買水果後在旺角一帶找地方吃晚飯，想起之前有網友推介過的椰子雞湯米線，便去試試看。農米莊的牆上寫著「一碗可以連湯都飲晒嘅米線」，看來米線是不二之選。窩夫點了養顏首選的椰子雞湯米線，椰子雞湯呈奶白色，充滿椰香，沒有肥膩的感覺，自小愛喝椰子雞湯的窩夫差不多把湯喝光，喝後不會覺得口渴。蝦子餅則點了健康之選的黑蒜雞湯米線，黑蒜雞湯呈黑色，採用自家製的黑蒜，成本較高但味道香濃得多。兩款雞湯米線都有農米雞件、冬菇、雲耳、支竹、豆卜和時菜，農米雞件非常好吃，肉質嫩滑帶鮮味，有驚喜，冬菇也做得不錯。 除了米線，窩夫與蝦子餅還點了兩款小食，其中一款是農米莊首創的黑金雞翼，跟預期的味道有點出入，有點失望。另一款小食是爆芝松露墨魚餅，同樣有點失望。農米莊的小食水準麻麻，但窩夫與蝦子餅還是會為了那碗沒有味精的雞湯米線而再來的。

情人節避開放閃的人潮，去吃米線。選了農米莊，試其特色湯底。黑蒜雞湯米線配雞件、冬菇、雲耳、支竹、豆卜和時菜深啡近黑的湯底，有黑蒜味，但不算濃。可能有雞件的關係，都幾油。配菜很少，生菜只有一塊，豆卜一開二，雲耳、支竹各兩塊，冬菇只有一粒。雞件反而夠多，皮香滑，但肉不嫩滑。米線份量不多。被染上淺啡色，滲有少許黑蒜味，味道還好，但煮得太腍，口感麻麻。友人的酸辣雞湯米線，不油不膩，酸辣開胃，比黑蒜佳。椰子雞湯幾清，椰子幾香。全都有雞件，但這兩款吃起來都幾清，沒想到最油竟然是黑蒜。柚子豬軟骨份量足夠，肉炆得腍，其中一兩件有大大的軟骨，十分爽口。有些連著脂肪，吃起來更腍更香。柚子醬不算太甜，味道可以。爆芝松露墨魚餅墨魚餅炸出來似腐皮的效果，少少脆，咬開時有少少韌。沒有墨魚的鮮味，勝在煙韌。松露和芝士下得足，但奇怪地味道不太出，整個味道偏淡。米線和配菜普通，主角是湯底，想平平地吃碗有特色的米線都可以。吃得比譚仔舒適，不會怱怱忙忙，可以慢慢坐，服務有禮，不會被趕。

已去過農米莊多次, 每次都是去食午餐. 雞湯米線是必叫的, 佢地有幾款湯底, 我最常叫是黑蒜, 懷舊和椰子這三款湯底.本人覺得懷舊雞湯較特別,有D 藥材味. 其次是黑蒜,個湯底應該落咗唔少黑蒜才有這種效果.   至於椰子湯底都好正, 碗湯白濛濛有濃濃的椰子味, 每次都幾乎飲晒D湯.最初去都食過幾款小食,但無乜特別, 之後再去都無叫了.  set lunch 嘅選擇又是肥膩膩的居多, 所以大多是選蒸雞飯, 但蒸雞似是炆雞多D. 但呢到嘅質素不穩定, 有時個湯底唔夠熱, 有時杯奶茶是苦的, 有時俾你D雞得堆骨. 不過我會因為個湯底再去的.

今日Lunch去食黑蒜雞湯米線，平時我夜晚去食要$58，原來lunch $48，仲要+$4就有凍飲！其實哩間嘢剛剛開張到宜家都食過好多次，全部特色嘅米線我都食過晒，哩間嘢我覺得最好食係啲雞，有雞味，雞肉又唔鞋，同埋啲雞皮好薄，無乜脂肪，因為我本身唔鍾意食雞皮，太肥膩，所以哩間農米莊就岩晒我。佢果3款雞湯米線比較濃味同惹味係黑蒜雞湯米線，米線軟硬適中，不過唯一唔好係哩款黑蒜味個湯會比較多油。