燒肉801

营业中

休息中

作為燒肉愛好者，燒肉801絕對係抵食之選！話說癮起，梗係要嚟嘆番個燒肉套餐🤤食肉獸出動！ 神盛有特上牛胸腹肉、腹前牛小排同牛板腱肉，非常腍甜，牛肉味濃郁。牛胸腹肉油脂豐厚鮮甜，牛小排同牛板腱肉都肉質結實，有咬口。 黑豚盛黑毛豚無骨小排經過燒烤，脂肪已經溶化，肥而不膩，外皮十分香脆。厚切煙腩肉經過醃製，非常入味。日本熟成豚香腸，外皮脆卜卜，內裡juicy。 牛舌(鹽味/醬油)追加咗鹽味同醬油牛舌各一份，肉質軟嫩。 杏仁豆腐好嫩滑，杏仁味勁香濃，亦有淡淡嘅豆腐香味。 非常欣賞餐廳嘅醃料醬汁，味道啱啱好，唔會太鹹或太淡，烤過後燒肉夠晒入味。

最近我去了尖沙咀The one隔離一間日式燒肉店叫Yakiniku 801，試左佢地既黑毛和牛盛Single, 黑豚盛, 烏賊，同埋豚腹胸肉整體感覺非常好！先講食物，口感豐富、肉質鮮嫩，超好吃的！如果你鍾意口味偏濃的話一定要試!我個人最推薦的是他們的502烏賊，絕對是必點, 另外黑毛和牛同豚胸腹肉都好好食😋在服務方面，服務員快手又友善，非常注意客人需求總之，如果你想找一家好吃的日式燒肉店，享受良好的服務經驗，那麼Yakiniku 801絕對是一個值得一試的好地方！

Bookmark咗哩間餐廳好耐，今次終於可以打卡。店鋪裝修得好日式，兩人都可以安排到卡位，坐得好闊落。淺漬青瓜，青瓜預先醃制過，食落酸甜脆口，前菜黎講唔錯。可樂同蜜瓜汽水，食開烤肉一定要飲碳酸飲料, 蜜瓜汽水好少見，飲落好重蜜瓜味，好飲！神盛，包埋特上牛胸腹肉，腹前牛小排同牛板腱肉，加埋38HKD仲可以配埋冷面同泡菜。三款牛肉每款都有3件，全部都好高質，微微燒下已經可以食，食落好重牛香同埋好juice，勁like！冷面一份都算大，食落好清爽，湯底唔會覺得好酸，唔錯。黑豚盛，包埋黑毛豚無骨小排，日本熟成豚香腸同厚切煙腩肉。日本熟成豚香腸好好味，有少少煙肉香味，仲爆曬汁水TIM，兩條完全唔夠食。厚切煙腩肉真係好厚切，食落兩件已經飽咗。牛舌盛，包埋鹽味牛舌同醬油牛舌，牛舌好厚切，預先醃制過，唔洗點醬已經好夠味。牛小腸，香港能食到牛小腸嘅鋪頭真係唔多。牛腸處理得好乾淨，食落好脆口同埋肥膏好香，好啱鐘意食內臟啲friend。哩間燒肉最like係提供好多盛，啱晒食得唔多，又想食多幾款唔同品種嘅女仔，同埋質素都好高，一定會encore！