九鬼居酒屋 (高街)

营业中

休息中

好多香港人同日本人一樣，放咗工唔係去食拉麵，就係去居酒屋銅鑼灣呢間好正嘅居酒屋，開到去西環，氛圍較閑靜，亦好有feel第一炮當然食刺身壽司盛開一開胃門先，呢個組合有齊時令魚生鯛魚切經柚子調味更清新，燒鰹魚切外皮勁脆，魚肉煙燻味超香濃拖羅壽司油香豐腴，齒罅留香鯛魚壽司非常爽身，就似清晨嘅大海咁清爽。鰤魚壽司口感豐郁，啖啖都有陣鮮香仲有甜蝦小卷，仍然食到綿綿蝦肉跟住就食串燒喇，黑豚腩肉質厚實，肥瘦梅花間竹，層次分明雞軟骨同出面食好唔同，骨肉亦係梅花間竹，爽口又香口用雞肉棒打勻醬油蛋漿，然後撈雞肉咁一齊食，雞肉棒又爽又香，肉感骨感俱全羊架燒到好似西冷咁靚，一定要連埋肥肉一齊食，會食到好似和牛咁綿嘅感覺蔬菜串燒同樣好出色，燒萵筍唔係度度有，可以燒到扣得住水分，又keep到爽潤，太堅喇翠玉瓜配木魚碎咁食，增添魚鮮香，為爽脆瓜肉帶嚟新境界

放工想飲返杯食少少野去居酒屋就啱晒🙈唔會太飽肚又有小小野食下咁,呢間居酒屋細細個,同幾個朋友黎傾下計都唔錯,食物質素不過不失,價錢都幾平😉《蟹籽沙律 $58》沙律都幾大份,係青瓜絲蟹籽沙律,好清爽好開胃😌《三文魚/赤身壽司 $38》壽司都幾好食,刺身都幾新鮮幾有油脂感!《雞皮餃子 $48》大大隻雞皮餃子,炸得好脆又冇想像中咁油膩,咬落去仲有少少爆汁感,幾好食😋《雞腎/黑豚腩/鹽燒雞翼 $38/48/48》串燒就試左三款,調味簡單,餸酒一流,食岀食材既原味,燒得幾好食👍🏻《稻庭烏冬-野菜入 $58》飽肚之選😂烏冬幾Q彈,湯底都幾清甜,配埋大量蔬菜🥬好健康😂九鬼居酒屋西環西營盤高街80-86號麗賢閣地下A及B號舖[⭐️5分為滿分]味道⭐️⭐️⭐️環境⭐️⭐️⭐️服務⭐️⭐️⭐️價錢⭐️⭐️推薦⭐️⭐️⭐️

經過門口，就比紅色既燈籠吸引住，餐廳環境充滿住日本風情，牆上掛住日本特色畫作，走日本武士型格路線。木造既燈罩散發出溫暖既光芒，令人感到舒適放鬆．餐廳仲有埋戶外位。黑松露枝豆非常獨特既配搭，香氣獨特既黑松露，巧妙地同枝豆結合，入口黑松露香氣緩緩釋放係口腔中。壽司今次試左2款壽司．分別係三文魚壽司同埋鰤魚壽司，三文魚有相當厚度，口感鮮美，鰤魚肉質緊實，2款都非常新鮮。串燒今次試左3款串燒 - 黑豚腩、鹽燒牛舌心厚切、同埋芝士紫蘇雞胸卷。黑豚腩脂朌同瘦肉既比例恰到好處，咬落去充滿住油脂香，鹽燒牛舌心厚切烤得剛剛好，外皮微焦，入口有嚼勁，芝士紫蘇雞胸卷做法創新，風味獨特，雞胸肉既口感鮮嫩，紫蘇葉既香氣獨特，芝土既濃郁口感為整道菜增添左豐富既層次感。沙律菜類今次想食得健康少少，叫左蟹籽沙律同埋炒野菜，蟹籽既鮮美同清爽既青瓜絲，非常清新，炒野菜即叫即炒，有鑊氣。雪榚窩夫窩夫夾住士多啤梨味雪糕，味道香甜帶少許酸。