仝堂茶聚

营业中

休息中

Fusion 點心 - 仝堂茶聚 同朋友午間聚會好多時都會去飲茶嘆下一盅兩件嘆下茶今次由朋友揀左九龍塘又一城嘅Fusion點心餐廳環境都靚靚有特式不過座位有d逼茶 - 冇乜特別，普通茶點心有啲非常有特色仲有卡通造型中式麵包，小朋友勁中意奶黃小豬包叫比小朋友食，賣相可愛奶黃量適中不會太滯黑金流沙包熱辣辣上台非常好食燒腩仔配埋芥茉醬好好味惹味而不油膩椒鹽白飯魚之前食打冷食過之後上左癮白飯魚好適合椒鹽粉醬厚度啱啱好食起來冇骨百花蘿蔔糕蘿蔔糕配上一層薄薄地嘅蝦滑脆炸口感特別更添咬口不過略嫌油左少少其他點心包括排骨、鳳爪、牛肉球、蝦餃、金錢肚都十分好味！值得再次幫襯！PS 當日全部職員都十分Nice !!

今日嚟又一城同屋企人飲茶，係OpenRice見到呢間未食過，就嚟食下。過左晏就最繁忙嘅食飯時間，兩點幾先嚟到，唔洗等位就可以入座。打開menu發覺都好多選擇，有燒味，小食，點心，小菜飯麵等。因為得兩個人，所以只係嗌左4樣野食。👍🏻鳥巢芋角($39)依家有好多酒樓都冇做芋角，呢到嘅芋角幾新鮮又好有心思係上面放咗半舊鵪鶉蛋。上到枱因為係即炸，食落幾脆口同熱辣辣。咖喱魷魚($43)食落咖喱汁比較濃稠，同有少少辣，魷魚都有少少韌。黑金流沙包($49)流沙包唔算好流沙，味道一般。👍🏻塔門蠔仔泡飯($93)蠔仔泡食落都幾多隻蠔仔，湯飯入面仲有肉碎，芫荽，炸蒜。鹹淡適中。如果有多啲湯就更好。餐廳整體感覺座位舒適，食物都多選擇，下次應該會同屋企人再過嚟試。

星期日一家大細同爺爺嫲嫲去飲茶，都係朋友介紹第一次黎。好彩一早訂左枱，如果唔係有排等。去到等左大概15Mins就入座，呢到冇得選擇茶葉，有少少失望，雖然茶味都算唔錯，但係老人家就覺得麻麻地。我地坐係外面大枱，方枱飲茶都比較少。但係環境都幾好，裝修都幾特別，唔算係傳統茶樓。叫左好多野食，有金錢雞，蝦餃皇，流沙包。但係推介就係神之叉燒飯，$218 一碗。完條叉燒免切，問左店員係用日本豚肉，味道口感有別於一般燒味鋪。下次有機會再黎食過!

其實本身唔係諗住食佢😂不過本身個間執咗轉咗佢 見到個menu都幾多嘢揀 所以都入咗去試下。相就唔多ge,, 因為食食吓已經掛住食無影lu~黑金流沙包: 係流沙ge,, 賣相都好令脆皮燒腩仔: 皮好脆 半肥瘦 唔痴牙都唔會太肥 好得叫咗個唔知燴飯 同 麵，... errr名就唔係太記得 不過味道都好好,, 係份量少咗d,, 不過佢都有寫明係2人份 所以係我地人多share分得少唔關佢事😂😂😂甜酸咕嚕肉: 要讚ge炸得d肉脆皮 但唔乾 甜酸醬味道都好好 而且就算凍咗都無話特別出油冧哂 推薦~仲叫咗個蜜汁叉燒 都燒得唔錯 好蜜好juicy,, 唔算係半肥瘦 肉ge話係瘦肉 不過唔會硬都唔痴牙,, 都力推~臘腸卷 同 菜正常水準la~~~ 我地5個人 8碟 lunch係夠ge,, 不過有2個係老人家所以都會食得比較少。menu上有寫2人份量都真係for 2人ge,, 就唔好諗住多😂menu上份量建議係可信ge另外一提 壼茶係好飲ge~ 完。

好耐無嚟九龍塘又一城了，行個圈有啲食店都轉咗，本來想試間食蒜頭嘅西餐，但係隔離嗰間話幫襯就送每人半隻乳鴿，所以就試咗先唔好蝕底，入去見到個餐牌，價錢唔係平嘅，中式嘢食，而環境都幾舒服嘅，可能早唔係太多人。叫咗幾樣嘢食，雖然好似細碟咗啲，但我就覺得味道非常出色，值得推介。當中嘅胡麻脆海蜇粉皮，估唔到咁出色，胡麻醬味濃，加上粉皮食超正，海蜇變咗配角。娘惹麥皮蝦，$89得兩隻，睇相以為好大隻都算啦，但嚟到就細隻好多，覺得相當貴，但味道好食，我連麥皮都差啲食晒，而送的乳鴿都好好食，但比較細隻。