雙魚座咖啡館

营业中

休息中

✨ 龍蝦汁扇貝海鮮意大利飯（$88）海鮮都放得幾多，食落啖啖料，龍蝦汁味道適中（我比較淡口味覺得味道岩岩好，閏蜜就覺得少淡），整體味道唔錯 😋。✨ 原隻油封鴨腿配牛角包窩夫、煎蛋及糖漿（$188）牛角包窩夫正常發揮，油封鴨腿如果再入味同淋軟啲就更好 🫣，沾咗蛋汁增加咗惹味感。伴碟仲有薯蓉、翠玉瓜等等，唔會單調。✨ 龍蝦湯（跟晚餐+$38）小龍蝦肉都唔少，湯味道濃偏稀身冇顆粒感。✨ 煙三文魚沙律（跟晚餐+$28）份量非常合理，菜菜拌上酸味嘅黑醋仲有少少開胃感 😂。✨ 咸蛋黃單骨雞翼（$78）岩岩炸起嘅雞翼好脆口，沾滿惹味咸蛋黃醬真係好邪惡但好香口 🫣，唔錯。✨ Affogato（$50）Espresso配上雲呢拿雪糕，食落咖啡嘅苦味同雪糕嘅甜味非常平衡。✨ Baileys Latte（$72）加入咗Baileys酒嘅熱Latte更暖胃亦增添咗一份香醇感，飲落除酒味突出外奶味同樣亦突出。·係旺角著名地標T.O.P及旺中附近相對地冇咁繁忙嘅街道上，有一間開業不久嘅新Cafe，好符合店名我同咗我雙魚座嘅閨蜜一齊去 😂。店內空間感幾足，以木色為主增加咗一份柔和感。店員服務態度殷勤，整體出品亦不錯

前幾日約咗好朋友於旺角見面兼食晚餐，途經花園街街市發現對面新開咗一間cafe，以白色作為主調，窗外見到唔算多人就入去食晚餐。餐廳名為雙魚座咖啡館，唔知店主喺咪雙魚座呢。內部環境簡約，我地仲以為會有更多星座/雙魚座的裝飾。<龍蝦汁扇貝海鮮意大利飯配龍蝦湯> $88+$38龍蝦湯味道濃郁，仲有幾粒龍蝦肉。意大利飯香滑煙韌，入面有蝦、扇貝、蠔、蘑菇等配料，配料與飯的比例接近1:1，啖啖都食到海鮮，幾足料。<四重芝士pizza配蜜糖> $108四重芝士pizza薄餅底薄脆，芝士亦有拉絲效果，淋上蜜糖味道鹹甜鹹甜。<Single espresso +piccolo> $ 68Single espresso 雖然一小杯，但質感濃厚，苦澀回甘，相信會喺咖啡愛好者之選。Piccolo 拉花好靚，相較之下牛奶味較出，呢個會比較適合一啲唔慣飲咖啡嘅朋友。整體而言，餐廳環境和食物質素正常，勝在地理位置優越，有機會路過可以一試。