天吉屋 (已結業)

ALL STAR丼 (包括軟殼蟹，茄子，四季豆，魷魚，虎蝦，溫泉蛋，洋蔥等）無誇張真係好好食天婦羅疊到成座山咁高份量一啲都唔少女仔一個人食其實好飽超級飽🤢唯一缺點就係天婦羅好多食到尾會有啲油膩不過唔緊要佢有任食椰菜沙律本身自己唔鍾意食椰菜但佢嘅椰菜係甜甜地唔會苦再配埋柚子沙律汁都幾開胃解油膩天婦羅炸得啱啱好熱辣辣上枱溫泉蛋流心可以撈飯食個人最驚喜嘅係天婦羅洋蔥坦白講有啲似outback嗰個炸洋蔥圈不過佢唔會好多粉而且甜甜地真係好好食成日都見到排隊排長龍但自己就大約等咗半個鐘價錢比一般其他餐廳食天婦羅丼飯貴一半不過質素我就覺得物有所值🤤不過如果排太耐隊我就唔太建議😓

日本過江龍天吉丼！小妹係一個好鍾意食天丼既天丼fans😍去到日本嘅時候都試咗唔少，一直都心掛掛 今次終於有機會係香港試吓，一試愛上！今次試嘅係All Star 丼，有10款天婦羅，有黑虎蝦，軟殼蟹，海紅鯛配紫蘇葉，什錦炸物（洋蔥同櫻花蝦)，雞肉，茄子，南瓜，四季豆，溫泉蛋同魷魚。個人覺得最好食係佢既蝦同埋溫泉蛋🤤撈落個飯真係絕配💯值得一讚嘅係，所有配料嘅炸粉都唔會太厚，識落好脆口！鍾意食天婦羅嘅朋友值得黎一試🙂

又要介紹天婦羅啦 呢間係朗豪坊都開左一段時間啦 我之前次次去都有勁長嘅隊 難得我上次可能過左lunch時間唔使排就入到去lu~~ 呢間係可以任添椰菜絲食仲會有啲柚子醋好開胃 同天婦羅食可以解膩 叫左最抵食最平個款【All Star丼】基本上乜都有齊連軟殼蟹都有！！仲要蝦魚魷魚雞肉茄子四季豆同溫泉蛋！真係食曬啲天婦羅都已經飽曬所以飯真係食唔曬我最鍾意嘅温泉蛋都有天婦羅 仲要係流心架好高水準👨🏻‍🍳呢間啲炸粉唔會太厚仲要keep到酥脆 呢間嘅炸物會比「天丼」更勝一籌但係價位亦會高少少 因為呢度全店嘅丼都要100蚊以上但係呢個質素非常對得住個價錢真係明白點解咁多人排隊

同朋友5點多行完街去到朗豪坊搵食。見到有間食天婦羅丼飯既餐廳，好似係新開既，睇個menu好日式，好似係日本過江龍，幾吸引所以條隊長長地都決定排隊試下，好在未係好肚餓😛🎎menu / 裝修都好有日本既感覺😍，雖然款式不多，但日本精神 夠專注👍🏻我同朋友揀左一款叫All star丼，貪佢咩都有齊！🥗落單後好快就有椰菜沙律食正！仲要係無限tim食👍🏻🍵想提一提佢杯茶同平時有d唔同味，朋友話係牛蒡茶，幾特別～🍤重點來啦！超大碗 天丼😍佢同我之前喺日本食過既正宗天丼一樣，天婦羅上面淋左個天丼汁，個天婦羅脆中帶少少汁，一路食都唔會覺得好乾，佢仲有我最喜歡既日本牛蒡漬物！可以好好balance返炸物嗰個油膩感覺。🥚最欣賞佢個炸流心蛋！伴飯一齊食真係一流～其中有舊魚包左紫蘇葉，好食好特別，係香港未食過！但日本好常見～炸洋蔥同雞肉都好食有啲驚喜👍🏻 🦑但係舊魷魚本人就覺得有啲怪，好似一舊好林嘅魚蛋🤪但overall性價比好高，天婦羅多過飯咁😂 超足料！性價比高！連同行老公都話好滿足好飽～不過食完炸嘢，真係要飲返涼茶下火😂 但真係好食，為食係值得既🤪 會再食👍🏻 下次要試埋佢個3食御膳🤤

排長龍嘅日本人氣「天吉屋」到港啦！個日咁啱去旺角朗豪坊，於是就去試下日本東京的「天吉屋」好出名個個爭住食咁，排曬長龍最後，我地排到腳都痛差唔多一個小時先入得主打即炸天婦羅丼飯嘅天吉屋有獨特調製嘅粉䊢比例令天婦羅light一啲，冇咁油膩配上自家製成無味精嘅鰹魚汁真係十分講究，勁吸引All Star丼 ($108)入面包括：黑虎蝦🦐 有兩隻孖住炸，唔夠爽囗軟殼蟹🦀 好正，蟹味濃醇海紅鯛配紫蘇葉🐟可能係我食過最滑嘅炸魚櫻花蝦炸洋蔥餅超特別，似炸雜菜餅雞肉🐥好大塊，口感同味道正常茄子🍆、南瓜、四季豆都OK溫泉🥚撈飯一流魷魚🦑好正，勁軟熟不過成個丼有一個通病就係唔脆lorrrrrrrrr介意嘅朋友就衡量下啦😉今次叫嘅All star 丼一次過有齊海鮮、肉類同蔬菜大家都可以試試另外，天吉屋嘅沙律係免費任添配上柚子醬油，好refreshing又冇咁heavy下次如果唔使排隊😂😂😂我一定要去食份量十足嘅🦀🦀🦀🦀🦀香港限定軟殼蟹丼🤩🤩🤩🤩🤩🤩🤩