Avobar (已結業)

因為較早前K11musea有商場優惠，整咗啲餐飲券，於是今日就去試吓呢間專食牛油果嘅西餐廳（個人係牛油果🥑控）。由於下午茶時段，所以舖頭入面客人唔係好多，我哋比安排坐咗喺圓形梳化位，好舒服呢！😍猶豫咗好耐最後決定叫三樣嘢。Egg Benedict Toast 蛋上面嘅醬比起一般egg benedict既醬特別,佢係再加埋牛油果醬，所以個醬汁好香同好creamy，蛋下面仲有一層牛油果片，嘩真係冇得頂！不過蛋煮得比較熟，冇咗蛋汁流出黎嘅感覺，呢度爭少少。另外去行晒煙肉煎到好脆口，加埋麵包一齊食口感豐富。🥰Avo Bun Beef個包雖然綠色，但同普通麵包差唔多味道。入邊嘅牛肉用類似少少甜豉油嘅醬汁煮過，所以食落去有啲日式醬油鍋嘅味道。再加上下面一層口口嘅牛油果，真係飽到頂住個胃。旁邊嘅配菜清新爽口，食完感覺冇咁漏。❤️Avo Banaberries（Smoothies)聞落去好香牛油果味，但食落去冇咩味😂就連其他生果甜味都好少，可以唔使試😝

營養學角度，on diet更應該吸取好油，對心血管健康同降壞膽固醇都有幫助💁🏻‍♀️但外食一族都幾難搵到好油，出面用嘅油好多時都含大量反式脂肪，好在坊間都多咗唔少有營食肆，例如呢間主打牛油果菜式嘅avobar🥑薄片牛油果成花狀擺放於中心，四周環繞蕃茄、鮮蝦、水波蛋、煙肉、芝士、粟米等多種食材，底層舖有羅馬生菜，有齊纖維、crab、protein，營養豐富。牛油果估計來自墨西哥，特性係油份重，口感更creamy，飽足感更高，無草青味，較適合大眾口味；Bacon煎得卜卜脆，減低油膩感；蕃茄仔同生菜爽甜有水份，食得出係新鮮食材；Salad主要靠cheese同bacon嘅鹹香天然提味，感覺更健康。餐廳所有burger嘅麵包都以原個牛油果取替，上下夾住不同配料。我揀呢款係由牛肉切絲混合蕃茄salsa而成，牛肉同酸甜味十分相配，更輕盈醒胃；旁邊嘅芹菜根沙律好爽脆，加咗沙律醬調味更易入口。整頓午餐最值得加分係完膳後既滿足而又無落唔到嗝嘅飽滯感，感覺對比其他外食對腸胃負擔無咁大👍🏻👍🏻