紙飛機親子空間

营业中

休息中

小朋友開始慢慢長大，選擇餐廳時也會考慮到親子餐廳，而今次就去了紙飛機。紙飛機位置有點偏僻，就在郵輪碼頭內，但人流相對也較少。一進入餐廳已感受到它的空間感，有不同主題的玩樂區，多元化的玩具。愛文靜的，也有閱讀和畫畫的地方，而且定時有店員整理玩具，環境潔淨。店員也非常親切，除了主動協助顧客，對小朋友又有愛心，有笑容。紙飛機和其他親子餐廳一樣也有一套收費方式 : 兒童平日入場費$138/位，成人每位最低消費$100。餐廳有儲物櫃，鎖好個人物品之後就可以安心和小朋友四處玩。餐牌上也有好多選擇，當然唔小得兒童餐。喬治最愛雞軟骨椒鹽脆豆腐 $108雞軟骨惹味，椒鹽脆豆腐也非常香口。BBQ菠蘿咕嚕肉 $98咕嚕肉有水準，外脆內軟，醬汁酸酸甜甜，非常開胃。走鹽原味魚湯泡飯 $68魚湯泡飯走鹽，唔鹹小朋友都食得，鹽就另上，到大人食又可以落番。意大利朱古力手工冰淇淋 $28夏日炎炎，自己也叫了一杯朱古力手工冰淇淋消暑，朱古力味香濃，口感細滑。如果想帶小朋友放放電，享受一下親子玩樂的時光，紙飛機的設施完善，也是一個不錯的選擇。

有中菜食嘅親子餐廳，喺香港真係第一間，仲要有米芝蓮，梗係要試試啦～😎我哋7大2細，叫咗9個餸，同幾款飲品。其中一杯藍柑紅石榴變色蘇打，好有驚喜。好fresh，飲落去好舒服，冇諗過中菜餐廳有杯咁清新嘅飲品，讚!🥃前菜有8款，由於人多，我哋可以叫晒，每款細細碟，而小編推介係爆汁話梅蕃茄，酸酸甜甜，帶一種好似花香味，睇返餐牌，原來係話梅香，味道好夾，好醒胃。🍅另外推介走鹽原味魚湯泡飯，唔加鹽都好好味，魚湯鮮甜，仲有D米通粒粒比你加落去，食落卜卜脆，多重口感，好味。🖒鍾意濃味嘅，可以試吓肥牛麻辣香鍋，野味，麻辣香，餸飯一流。😋其他菜色都好味，親子餐廳嚟講，真係好滿足，大人食得好飽，又覺得好味，小朋友又玩得開心，真係一次過滿足晒多個願望呀！小編一定會再嚟~😊