吉列牛忌廉烏冬專門店 (百樂中心) (已結業)

適逢東京奧運開幕 就介紹吓吉列豬嘅朋友吉列牛就係位於銅鑼灣嘅吉列牛忌廉烏冬專門店唔使我多講 都知一定要嗌吉列牛定食 ($246)除咗可以嘗試吉列牛之外 仲有埋忌廉烏冬個餐仲包括味噌湯、麻醬豆腐、白飯、蕃茄仔可以話係超級豐富🥳吉列牛自己燒 個人認為五至七成熟就啱啱好咁樣就可以令到牛嘅香味澎湃啲有咬口得嚟又唔韌 件件都披住香脆金黃外皮架😆至於忌廉咖喱烏冬 係夢幻嘅組合食之前記住將忌廉和咖喱烏冬撈勻等忌廉沾上每條烏冬 口感就會好creamy😋最後加多一客雞軟骨餃子($38)啖啖肉兼有咬脆卜卜嘅感覺 推薦‼️額外推薦大家試吓佢哋嘅特飲($38)配合夏天嘅Passion Punch 就係百香果味而Citrus Ocean 係柚子味道 兩杯都好飲👍🏻👍🏻-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

之前已經聽過朋友推介過呢一間忌廉烏冬餐廳，見賣相已經好吸引，成碗忌廉好似龍捲風咁，整得好精美。今次同老公放假嚟銅鑼灣早啲上嚟食個午餐先，叫咗呢一個忌廉咖喱烏冬，嚟到時見到個烏冬真係非常讚嘆，整得好好，好靚，而且忌廉融入烏冬原來係好好食嘅。令到個湯底非常濃郁，帶有奶油香味，一絕。我哋重點咗呢一個芝士薯仔年糕！好推介！好好味好軟熟呀，芝士好香濃。另外重點左呢個吉列牛set！店員好細心幫我哋點起左呢一個熱爐，俾我哋慢慢整熟呢啲吉列牛，再點佢哋比嘅醬汁好好食。連飲品嘅賣相都好精緻💙而且餐廳係用電子自助點餐覺得乾淨企理又快捷。

生日梗係食啲又特別，又好食嘅餐廳啦！揾到呢間忌廉烏冬專門店，果然無揀錯吉列牛定食定食包括前菜、湯、白飯同一碟吉列牛！粉紅色嘅吉列牛，望落都唔錯！就算燒到十成熟，一咬入口質地都好腍，點埋Wasabi同沙律醬一齊食，夠滋味！唔錯咖喱忌廉烏冬（牛）表面有一層白雪雪兼勁厚嘅忌廉，唔講以為係一碗忌廉甜品用筷子一夾入面，夾出一條又一條嘅烏冬，每條烏冬都掛住淡黃色嘅咖喱汁，入口爽滑，好特别！仲有忌廉汁入面藏咗一口牛肉粒，都好入味蒜片牛舌芯呢碟牛舌值得一食好耐都未食過咁腍嘅牛舌啦！最怕食到啲好靭嘅牛舌，呢個真係好柔軟好腍而且蒜片炸到金黃色，夾住牛舌一齊食，一入口就散發牛脂加蒜香味，好食到令我回味無窮Citrus Ocean一杯內外都咁清新嘅特飲，裏面有啲柚子果肉，飲得出係柚子溝梳打汽水，果香味十足，清甜解渴，真係唔錯！最正嘅就係味道唔會死甜Rose Garden淡粉紅色嘅玫瑰梳打汽水，入口有淡淡玫瑰清香，少甜！啱晒鍾意花香味嘅我

銅鑼灣的吉列牛忌廉烏冬專門店，性價比甚高，而且食物質素穩定，今次已經係第4次幫襯！套餐二百零蚊包兩個主食同埋兩杯嘢飲，以銅鑼灣呢個地段黎講，真係抵到爛！熱柚子蜜 set +$8甘甜可口又潤喉！Citrus Ocean set +$18帶柚子的香氣，好看又好喝！日式秋葵 $38爽脆的前菜，柚子醬油配木魚和芝麻，令這碟秋葵更惹味開胃！咖哩忌廉烏冬滿滿的忌廉，質地鬆滑輕盈的，泡沫感的忌廉味道不會太濃郁，食晒成碗都唔覺滯！忌廉令咖喱味烏冬更為香滑，令人食唔停口！裡面仲有好多一口牛粒，軟腍好味！吉列牛定食有齊味素飯，味噌湯，豆腐，車厘茄，沙律，同埋主角吉列牛！比其他餐廳的較為厚切，每一片都有更多肉汁，肥瘦均勻的，賣相吸引！生熟度隨個人喜好調節，個人喜歡7成熟，燒出了牛脂，更為香口和惹味，正！

都有一段時間無出去食好野啦，返工返學真係太累了。今日終於得閒少少，一於收工去食d好野獎勵下自己。閒日食飯真係舒服d，唔洗同人迫又唔洗等幾個鐘位。依間餐廳叫得做吉列牛，梗係必食推介。兩個人黎，都有幾個餐可以選擇，等大家唔洗咁傷腦筋食乜好。可以兩份吉列牛定食一人一份，又可以一吉列牛定食，一份忌廉烏冬，等大家開心share試多幾味。價錢又唔係貴，二人餐都係三百蚊左右，係銅鑼灣旺區算係抵食推介。今次無要set，鐘意散叫多d選擇！吉列牛定食，份量算多。特別在於每枱都有個爐仔，鍾意幾多成熟都可以自己控制。建議唔好煎太耐，煎到兩面岩岩轉色就夠啦。肉汁先唔會流失，肉質又夠嫩滑，加埋趣卜卜既吉列面，名副其實嘅外脆內軟，點埋芥辣醬又係另一種嘅感覺！加埋白飯一齊食，冇咁油膩之餘仲夠晒飽肚。原條鰻魚蟹子釜飯，估唔到係驚喜之作，原來鰻魚下面各有一層蛋絲同紫菜，加埋蟹子撈勻黎食，味道真心唔錯。而且份量多到真係要開心share先食得晒。鰻魚比想像中大，燒得岩岩好，食落無膩口既感覺。仲有個火係窩下面熱住，冬天慢慢嘆都唔怕凍晒。小食—海鮮薯餅。熱辣辣新鮮炸起，味道黎講都ok，但係就無乜海鮮既口感！沙律醬係薯餅既靈魂所在

家姐來搵我食午餐，當然帶她食好野啦，網上推介牛肉需要自己動手燒，好棒賣相吸引，簡直超豪華有牛肉，有飯，麻醬豆腐，麻醬車厘茄，加埋麵豉湯十幾块牛肉呈現眼前，三成熟，牛肉邊炸酥脆邊食邊燒，牛肉放左石板上停留幾秒，根據自己喜歡去燒出不同熟度，牛肉燒出香味，軟身滋味，好食用蠟火保持熱度，一分鐘後才可以打開好多海鮮啊：帶子，蜆肉，蟹籽；超豐富，新鮮美味，帶子厚身大大粒，大過5元港幣，蜆肉勁多，起碼都有15粒以上，連埋蟹籽和蛋，加少少醬汁撈起吃一口，好香好好食濃郁紫薯味，越飲越爽清香的薄荷味，檸味帶出醒胃，底層可以食到柚子，又有得飲又有食環境一流，坐得舒服，望到靚靚私人樓，令人食慾大增好多選擇，下次應該選下小食