大和堂咖啡店

营业中

休息中

咖啡店身處的唐樓是戰前建築物，建於二十年代。原舖是一間叫「大和堂」的藥行，1932年創立後在九龍城屹立八十載。藥行2017年結業，2018年咖啡店開業。老闆將舊舖活化為懷舊咖啡店，保留大和堂的名字和裝修，水吧位置還有近百年歷史的百子櫃。

Bookmark左呢間cafe好耐 但見好多人排隊就諗住遲下先黎 點知遲遲下遲到唔記得😂 今日的起心肝早啲去食11點半去到冇咩人排 等左10分鐘到就有位啦 🙈 叫左三樣野食 一個all day breakfast 一個極邪惡薯條 同埋一個雞蛋仔🤤 淨係賣相都拎爆位啦 估唔到味道都超好味 兩個人叫左成台野食唔知以為幾日冇食野呀😂😂 呢間cafe果然冇令我失望 無論係餐廳環境 食物質素 衛生情況 一定會再黎encore!!!😂

活化係香港都市一個好重要嘅城市永續概念，或許拆過一幢舊建築物比起保留舊建築物所賺到的錢會更多更多， 然而要保留都市嘅魅力， 並不是一味靠輕建幢幢棟高聳入雲而又族新的建築物。 九龍城大和堂在未成為cafe之前，是一所已由1932年起已經執業的中醫館， 老中醫去世後由新老闆租下鋪位，改建成cafe, 讓客人可以還想一邊在這裏喝咖啡一邊欣賞舊區街景, 也同時可以保育本土建築的文化發展。 今天來這裏的目的 除了要醫肚外 ，也想藉喝咖啡的同時，品賞這間已經有八十多年歷史的中醫館 的一磚一瓦， 無論是門外鐵閘、金漆招牌、或是店內的百子櫃， 也是認識城市建築發展的好地方。店主把中藥舖的百子櫃、中醫執業證、牌匾等等都保留下來。 百子櫃裡放著茶葉，而咖啡豆則放在中藥玻璃瓶裏。 牌匾、鏡身與及鐵閘等等，也變成cafe裝修的一部分， 能夠保育之餘也不失時代感。Caffee Latte店內的咖啡豆分別來自巴西和埃塞俄比亞, 全部都是由本地烘焙， 口感細緻滑順， 牛奶泡沫雖未至於極幼細，但咖啡豆豆香香甜醇厚，比起連鎖咖啡鋪更有一份細緻。Mocha 朱古力味淡雅迷人不過甜， 鮮奶甜香，奶泡也算綿密， 飲落潤滑可口

呢日晨咁早10:30黎到因為之前見呢間野好多人打卡仲驚要大排長龍好彩早到即大和堂前身係一間中醫藥堂行醫左幾十年去到2017年就結束營業去到而家老闆將佢轉型為咖啡店但就保留左好多舊時嘅裝潢擺設一入去店員就比menu我地揀好可以出櫃台落單本身老公想點佢個大蝦意粉但原來有好多食物都要11:00後先可以order Egg Benedict佢底層係多士底黎個人麻麻呢個口感都係鐘意muffin底多dAvocado Toast咖啡唔算貴覺得佢嘅咖啡比食物出色Fruits WaffleWaffle 唔夠熱好一般我地坐到十二點到都開始人多好就好在冇人趕我地走亦都冇一開始話要幾點交枱喺呢d咁受歡迎嘅餐廳算少有

喺九龍城周圍都係泰國野、泰國野同泰國野嘅時候，下午茶喺呢頭都唔知食乜好，行行下見到呢間叫「大和堂」咁得意位處於騎樓下低嘅舖頭，好奇心驅使下去睇下發現原來係cafe黎嘅，咁岩哂，於是入去試下。雖然係平日下午，我地入左去之後慢慢開始出面見到要排隊啦。上網查下先知呢間cafe原來為左保育一間好耐歷史面臨後繼無人要執嘅中藥舖，所以改裝成cafe，將所有舊嘅擺設、百子櫃等都保留落黎，令顧客一入到去都能夠感受到以前中藥舖嘅氣息，成個概念都好有意思。因為舊樓嘅關係，佢嘅樓底係好高，即使麻雀雖小，但唔會有焗促嘅感覺，外面用上大量玻璃做門面令室內有充足嘅自然光，好舒服，所以岩哂我帶左部電腦可以喺呢度一邊食下午茶一邊做野。見到每張台都有插頭位同掛袋位，感覺好貼心。食物方面，呢度有一般cafe嘅burger、all day breakfast同意粉之類，當然仲有cafe必有嘅咖啡。我比較少飲coffee，怕苦，所以揀左mocha，太耐無飲mocha因為次次都中伏會飲到落得太多可可粉變左更苦嘅經驗，但呢到嘅iced mocha剛剛好，不是太甜又有朱古力味。朋友叫左杯latte，佢好欣賞呢度嘅咖啡味燶燶地岩佢口