% Arabica (裕福大廈)

营业中

休息中

話說 之前去過呢間咖啡店既鰂魚涌店, 對佢既咖啡念念不忘 今日 再約朋友黎 西環店 ! 店鋪位於海邊, 加上簡約既純白日系裝修, 超有feel啊 香港人 就係需要一個咁既地方 放空一下… 一間只賣咖啡的咖啡館, 所以, 呢度係無小食之類既野供應架~ 不過就有唔同既咖啡豆出售, 相信真係愛咖啡既人 會愛上呢度 同上次一樣, 我都係揀左 Matcha Latte (Iced) $60 天然既抹茶甘味, 同鮮奶混合得好好 (鮮奶係用我喜歡既明治鮮奶) 兩者味道平均~ 同時唔會過濃, 係令人飲得舒服的一杯 Americano (Iced) $40 (Short) (Tall size: $45) 呢度既咖啡, 都可以選擇Blend或Single Origin 朋友鐘意試試唔同烘豆師既個人風格, 所以揀左Single Origin 飲落的確係無其他咖啡豆沖出黎既酸味咁重! 反而係果味突出D 而且口感清爽, 夏天飲係幾正 覺得呢度的確好岩weekend黎飲杯咖啡, 望下海 : ) 飲到好既咖啡, 心情自然會好

% Arabica喺堅尼地城開張後，人龍一直源源不絕。為嘅除咗係一杯靚咖啡外，仲係為咗佢個打卡位。堅尼地城嘅% Arabica分店位於海旁，店舖一望出去就係一望無際嘅海灣，吸引咗好多唔同人士嚟打卡。仲會有人為咗打卡，冒住生命危險去到車路影相添🤣呢到仲有第二層，一片浩藍嘅海洋景色盡收眼底。呢日終於到我嚟打卡！店面純白色，走簡約風，色調柔和，如果唔係咁多人一定好舒服。咖啡豆來自世界各地，可供選購。叫咗Matcha Latte同Spanish Latte。好多客人，但大多都係喺度打卡，所以等唔耐就有。Spanish Latte (Hot tall) ($50)拉花好精緻，特登唔冚蓋，比你睇到拉花。蓋可以自己喺側邊攞，打完卡好冚返蓋喇，唔係好易倒瀉🤭聞落咖啡味好香，飲落味道濃郁，帶點甘。Spanish Latte用咗煉奶代替鮮奶，味道甜啲，口感更加幼滑。Matcha Latte (Iced) ($60)鮮奶用咗明治鮮奶，品質保證💯抹茶味同奶味都好濃郁👍同樣地，飲管喺側邊自己攞，所取用嘅係紙製嘅環保吸管♻️。整體嚟講喺呢到嘅過程幾舒服，又可以打卡。咖啡價錢大致貴星星克少許，但起碼唔係機沖，貴少少唔