Le Cafe (香港諾富特世紀酒店)

营业中

休息中

網上見到灣仔Novotel「Le Café」做緊優惠， 係openrice訂座有7折優惠， 每晚首50位訂座客人，送海膽天婦羅， 好似幾抵喎！ 就同屋企人黎嘆下～😏 10月1日至12月8日期間做緊「細味東瀛」海鮮主題， 有刺身、生蠔、各款冰鎮海鮮， 仲有好多日本🇯🇵料理如燒鰻魚、西京燒等。 為左食海膽天婦羅，可以去到幾盡！😂😂 我地好早就到，食到啦！😎 天婦羅炸至香脆， 軟嫩鮮甜海膽，可惜無得添食！ 日本直送刺身 (日本天使蝦、北海道帶子) 任食即開生蠔，有美國🇺🇸、澳洲的， 美國生蠔幾大隻，幾肥美， 澳洲生蠔個頭比較細，但勝在海水味濃，味道鮮甜，肉質creamy。 多款冰鎮海鮮：青口、凍蝦、翡翠螺、松葉蟹腳。 仲有爐端燒、天婦羅🍤、西京燒、即煮日式拉麵🍜， 其中嘅流心蛋做得相當好， 蛋香十足。 關東煮：九宮格內，藏有多款熟識的小食，總有款合心意。 甜品方面，都幾多樣化， 有沖繩紫薯芝士蛋糕、青森蘋果焦糖蛋糕、水信玄餅等。 仲有男女多幼都鐘意嘅朱古力噴泉和MÕVENPICK雪糕， 任食可以食返夠本！😏

📣 300蚊食到Dinner buffet？!😲😲依家Novotel Le Café做緊半價，星期一至四晚4位以上最平300蚊就食到海鮮主題自助晚餐，好抵呀。！-☆「哈囉·蝦蠔」主題海鮮自助餐食物種類選擇不少，海鮮、刺身、中西湯、沙律、芝士盤、熱葷、即製粉麵、甜品、雪糕等等…… 最正係有2款生蠔任食😊，即開生蠔好新鮮肥美，仲有即製焗蠔，必試芝士菠菜味🧀。果汁亦任飲🤗，仲要雪糕係Movenpick，食到飽飽都要隊返2杯🤤。另外要留意係熱葷種類較少，及食物普遍較鹹，但300蚊既價錢齋食蠔同海鮮都抵到無朋友啦🤪😂。

適逢聖誕節，Openrice又有優惠，就同屋企人試下香港島Novotel嘅自助餐。自助餐area唔太大，同其他地方唔同就係佢有一個自助飲品區，可以自製檸檬茶，任飲果汁，連啤酒都可以任飲。聖誕節有聖誕特飲、聖誕西餐、聖誕甜品等等。魚生方面都可以，竟然有超大隻紅蝦刺身，不過質素就麻麻啦。有西湯同中湯，沙律選擇都多。甜品方面，有成個甜品架，自製pancake機，有朱古力漿比你自己寫message係隻碟度，朱古力噴泉，最緊要係任食Movenpick雪糕！味道都多，有楓糖核桃、士多啤梨奶凍、咖啡、雲尼拿，開心開心！提提大家，因為餐廳可以通去出面，所以每一次去廁所都要禁密碼。

食自助餐，很多時重點都會放於蟹腳、生蠔、青口等的海鮮，又或者是刺身類別上，熟食的項目較易被忽略。但對於只能吃熟食或偏好食熟食的人士來說（例如我，哈！），也都想吃個自助餐來放縱一下。 位於灣仔駱克道Novotel一樓的Le Cafe，就以東瀛の味 • 生蠔海鮮為主題，提供日式料理的自助晚餐，除了海鮮、刺身外，更有多款日式美食供應，可以盡情享受一下和風盛宴！ 自助晚餐由6:30PM至9:30PM供應，收費為星期一至四：成人 $508，小童 $318；星期五至日，公眾假期及前夕：成人$538，小童 $338。成為酒店面書專頁粉絲，或使用openrice的優惠都可享有65折，折後即$380 一位（未包括加一)，而且每2位成人可免費攜同1位4-12歲的小童吃自助餐；生日之星亦有免費優惠，真是著數多多！ 入口處、餐廳內均以日式的擺件做裝飾佈置，色彩十分絢麗，搶眼又配合主題。食物方面，前菜、刺身、海鮮、熱葷、甜品等，就連飲品都有自己的區域，每張檯都擺得滿滿的十分琳琅滿目，令人急不及待要巡視一圈！ 先是刺身類別： 以東瀛和風做主題，魚生、刺身當然是主打項目之一。雖然只有四款刺身：三文魚、