PizzaExpress (已結業)

是日同朋友行又一城,見到呢間有個 2人 set dinner , 而且唔多人, 於是入去試下 果日係星期一晚唔算多人, 所以比左中間D 4人枱我2個坐,加上有D 陽光射入黎, 靜靜地幾relax ~ 點左個2人set dinner 有焗麵包+沙律+Pizza + 甜品 +2杯drink 首先一開始黎左個麵包球,個麵包球焗得好金黃,而且新鮮熱辣 , 好有彈性, 正! 再配有3款醬料,不過我最like 牛油, 因為熱辣辣嘅麵包球加上溶化緊嘅牛油最basic 但最match最好食 之後就黎主廚沙律,主廚沙律基本上咩都有D, 味道少少酸幾開胃 ~加上材料豐富,沙律菜又幾爽脆, 總體幾好食,唔會食沙律食到悶 黎到主角 Parma Pizza ,睇相都見到 Parma Ham 份量不少, 絕對冇偷工減料 Pizza 面有兩種cheese 配合, 我估上面應該係Parmesan cheese 片 + Mozzarella cheese係Parma Ham 下面兩種cheese 加上Parma Ham 令到個pizza 好香濃, pizza 底又好脆 Good! 食完pizza 到甜品la,

朋友生日, 因為有小朋友, 所以揀左pizza, 諗住小朋友一定岩食 小朋友一黎到, waiter好醒目咁拎左個兒童餐menu俾我地, 雖然一個小朋友餐要$78, 不過我地都無叫到, 因為呢個小朋友乜都食, 唔駛特別叫小朋友餐除左兒童餐menu, waiter仲俾左張貼紙同圖畫簿俾佢, 張貼紙仲有英文教學, 小朋友見到超開心! 如果都唔岩, pizzaexpress仲有汽球, 帶小朋友黎食真係唔怕攪佢唔掂! 講番是日晚餐, 我地四個大人叫左個家庭餐, 包一個麵包頭盤, 一個沙律, 一個意粉, 一個pizza, 四杯野飲, 兩個甜品, 四大一細應該唔夠食, 所以後尾叫多左個pizza焗麵包球: 做左功課, 見到人人讚, 所以棄蒜蓉包叫左焗麵包球, 一黎到, 小朋友好鐘意食, 醬汁有三種, 應該係牛油, 檻欖, 酸甜, 一口一個既麵包球是幾好, 但我覺得未算好好味, 大部份小朋友食左, 所以我只試到配牛油, 牛油就好像牛油麵包一般正常, 有機會再試其他汁吧 蜜糖雞肉沙律: 餐係無寫明可以叫幾貴既沙律意粉, 其實係餐牌上既都可以叫, 所以叫貴d既係抵d的 跟餐係無麵包球的, 散叫先有, 始終

之前聽阿姨話pizza express無論由pizza到dessert都好好食。於是一家人星期日就去試試。以為會好多人，於是打咗去訂枱。不過原來唔多人囉，成12點幾去到都未坐滿。反而隔離嗰間就好多人排隊。睇咗一陣menu，最後決定叫個餐，好似幾抵食。要了一個麵包球，Honey chicken salad, parma pizza, 大蝦海鮮意粉配香辣蕃茄汁, chocolate glory & tiramisu。麵包球有三款醬可點，但三隻醬都無咩味，仲好油添。麵包球用上優質麵粉，好白淨，又煙韌。Honey chicken salad食完第一啖菜就已經好後悔叫咗個salad。實在太難食！d菜激苦呀！仲苦過飲苦茶。仲要食完喺脷底回苦甘味！恕我見識少，我真係第一次食d咁苦嘅菜。反而蜜糖雞肉就好好食，甜甜地，又烤得香。大蝦海鮮意粉配香辣蕃茄汁又一失望之作。完全feel 唔到有香辣蕃茄汁配個意粉囉！好乾，無汁，意粉乾爭爭，又唔係話好彈牙。海鮮款式少，屬雪藏貨，完全無味。價錢同質素唔成正比囉！parma pizza呢個係全餐最好食嘅。parma 量足，每一塊pizza上都有1-2片parma；仲有