荳品店承载唔少人嘅童年回忆，但百年老字号越嚟越少。眼见香港嘅独特手艺逐渐消失，老板索性喺旺角登打士街开设「豆公馆」，每日新鲜制造传统荳品—豆腐花、原味豆浆、一口鱼肉煎豆腐等，同时推出轻甜微咸辣嘅招牌麻婆豆腐花，一反豆腐花固有印象，玩味甚浓。
每日新鲜制造传统荳品，保留香港逐渐消失嘅独特手艺。
招牌麻婆豆腐花。豆腐花唔会太甜，反而咸辣味几突出过瘾。
招牌麻婆腐皮蛋饼。老板特意飞到台湾改良蛋饼，现全店蛋饼都好似手抓饼咁酥脆。
同场有多款蛋饼，入门口味必食肉松蛋饼。
老板以木系色调、经典格仔地砖重现旧香港风格，一碗一碟均亲自挑选。
开业数月，豆腐花系列、豆浆蛋饼系列、炒面系列都陆续推出新口味。当中一定要试人气开心果新品—开心果豆腐花、开心果蛋饼，果仁味浓郁，仲要激多开心果碎碎!!
近年开心果人气爆升，而家连豆腐花、蛋饼都有得食喇。
超多开心果粒，加埋滑嘟嘟豆腐花撞出双重口感。
开心果蛋饼。开心果粒粒多到实现开心果自由啊，配埋朱古力酱好特别。
豆腐花系列中，除咗一直大人气嘅薑汁豆腐花、杞子元肉红枣黑糖豆腐花等滋补口味，更创作紫薯红枣雪耳豆腐花、泰茶麦芽桃胶豆腐花、麦芽黑糖桃胶花生豆腐花等。而且推出更多香港人comfort food—铁板蛋煎肠粉、豉油王炒米粉、麻辣咸牛肉乾酪刈包等。想当正餐又得，行过食碗豆腐花过吓扫街瘾又得。
薑汁豆腐花。开店以嚟一直大受欢迎，豆腐花加咗薑汁、薑片，薑味强劲好啱冬天食。
「豆公馆」以无限创作力，推出多款新口味豆腐花。
(左) 泰茶麦芽桃胶豆腐花。有泰茶独特茶香，加埋桃胶好养颜。
(中) 紫薯红枣雪耳豆腐花。香甜紫薯，同滋补红枣雪耳好夹。
(右) 麦芽黑糖桃胶花生豆腐花。浓厚甘甜，又有粒粒香脆花生。
陆续引入更多香港人comfort food，可当正餐又或扫街过口瘾。
(左下至上) 铁板蛋煎肠粉、吞拿鱼乾酪多、咸牛肉乾酪蛋饼。
(右) 麻辣咸牛肉乾酪刈包。
平时去旺角扫街要边企边食，「豆公馆」就有宽敞座位可以坐低慢慢食。唔止方便大家扫街，原来都系老板初心之一，希望保留以前街坊街里行入小店食碗豆腐花、倾吓閒偈嘅地道文化。呢个心意于「豆公馆」优惠更略知一二。小店特意为熟客、街坊同返工人士推出熟客9折优惠、邻里全年88折、65岁老人家8折，希望为旺角社区略尽绵力。
「豆公馆」优惠！
1) 熟客9折优惠 首次惠顾客人付款时，可向店员索取优惠券拍摄(图片可分享予亲友)。只要于下次惠顾出示图片，即享9折
2) 邻里优惠 全年88折 附近旺角商舖返工人士，出示名片/有效员工证/舖头名片，即享全年88折
3) 老人家8折优惠 65岁以上，出示身份证明文件即享8折 |
以前$20食早餐嘅日子，大家仲记唔记得? 「豆公馆」唔止保留旧时味道，连价钱都回带啊!! 每日朝早8am-11:30am都有「$20蚊早餐」，老干妈炒面、豉油皇炒面、老干妈炒米粉、炒米粉、柴鱼花生粥只系$20，仲跟配原味豆浆 或 无糖淡豆腐1杯，完全系佛心价钱。
其实呢度嘅早餐、全日单点都好抵食，全店食品都系$50以下。而且开到夜晚11点，无论你喺附近返夜班定喺旺角玩夜咗，都有间宵夜舖医肚。
「$20蚊早餐」带大家返去$20食早餐嘅日子，完全佛心价钱。
老干妈炒面。辣迷一定钟意，镬气炒面挂满辣椒酱，加埋爽脆蔬菜丝好有口感。
特盛豉油王炒米粉。只要+$10就有特盛double分量，超饱。
每日新鲜制作豆浆，全日有多款选择。
(左起) 黑芝麻豆浆、杞子元肉红枣黑糖豆浆、杏仁豆浆
豆公馆
地址: 旺角登打士街43号地舖