今期推介一个高CP值，环境美食都超班嘅好去处！
位于尖沙咀闹市顶楼嘅“KABOOM”，俨如尖沙咀空中花园。餐厅酒吧佔地两层，下层室内空间天花铺满长竹枝，配上石砖墙身、藤椅木枱、悬挂藤灯，好似置身纯朴海边酒吧咁。
落地玻璃可以饱览维港靓景～坐喺藤椅揽住厚咕𠱸好chill。无论系食Lunch、Happy Hour定晚饭同朋友饮酒食饭都一流嘅all-in-one casual dining好地方呀！
顶楼天台外国Vibe
顶楼嘅户外空间则放满阳草伞、宽敞藤椅，配上芬兰木材塑造满满外国气氛，远离繁嚣。开扬环境更可欣赏维港海景，好啱闺蜜约会又或三五知己饮酒慢活。
估唔到户外都咁凉爽好风，就算怕热都唔使担心。(落雨嘅话会“KABOOM”会装上临时露营帐篷，所以落雨都唔使担心，而且依然好好vibe㗎! 好似真系去咗露营咁, 别有一番风味!)
酒店级主厨主理！东南亚风Fusion料理
呢度有酒店级主厨，设计一系列东南亚风fusion料理。一嚟到可以听住轻快音乐望维港靓景，轻酌两杯、食啲小食先。
【Small Bites for Sharing】
Menu有好多”Small Bites for Sharing”系列嘅佐酒小食，好似去咗Cocktail Party咁。
Chilli Salmon Cups | 辣味三文鱼小杯
一啖一件嘅三文鱼小杯，女生轻松食得有仪态啊。酥脆挞皮入面就有三文鱼粒粒、香辣酱、红葱头同清新青柠，轻辣风味同三文鱼好夹。
Deep Sea Tacos | 深海墨西哥夹饼
脆脆粟米饼皮包住弹牙鲜虾、清爽生菜、酸甜醃洋葱等，加埋特制泰式酱汁，每啖都有丰富层次同口感。
Red Prawn and Scallop Carpaccio | 红虾帆立贝生鱼片
好精致嘅海鲜前菜，北海道帆立贝、红虾真系双倍鲜味呀!! 配以特制泰式冬荫酱，辣中带酸更突出海鲜鲜味。
Yum Som-O Cajun Prawns Salad | 泰式鲜虾柚子卡真大虾沙律
唔想食太清淡嘅沙律，咁你一定要试呢个新推出嘅大虾沙律！大厨将泰式沙律洒满美国纽奥良地区嘅特有香料Cajun，有种独特微辣。每只大虾都好弹牙，又有啲轻甜柚子平衡吓几好食。
【Main】
“KABOOM”亦有多款主菜，绝对可以饮酒食嘢直落啊。
Baked Sambal Sous Vide Black Cod Fish | 叁巴酱烤真空低温慢煮黑鳕鱼
真空低温煮法会令黑鳕鱼产生美拉德反应(Maillard Reaction)，令鱼肉有种复杂嘅香气味道。本身鱼油之上加埋微辣咸香嘅叁巴酱、绵滑奶酪劲开胃，就算平时好少食鱼都会爱上!!
Grilled Spanish Octopus Thick Egg Noodle with Pad Thai Crab Sauce | 烧西班牙八爪鱼粗蛋面配泰式蟹酱
完美融合地中海、东南亚风味嘅创意料理。主角西班牙八爪鱼好大件，烧到又嫩又弹牙。汤底仲加咗香浓嘅泰式Pad Thai蟹酱，再用油浸大蒜、泰国罗勒、青胡椒粒等撞出层次，浓味控必食！
Thai Crispy Pata | 泰式脆皮猪手
德国咸猪手就听得多，大家有冇食过泰式猪手呢？ 餐厅用咗超大只泰式猪手，外皮烤到金黄酥脆，饮啤酒必食!! 好钟意佢配菜好多，醃萝卜、萝卜、西兰花等……可以肉同肉之间解吓腻，啱晒一班人share。
Tom Yum Coconut Risotto with Hokkaido Scallops and Sea Urchin | 冬荫椰子炖饭 配北海道帆立贝及海胆
泰国经典冬荫风味x义大利炖饭，秋冬食真系好满足。浓郁冬荫酱同椰奶做基底，炖煮出酸辣饱满饭粒，加埋北海道帆立贝、海胆好丰富。
【专业调酒师 | 即场调制合适你心情嘅专属鸡尾酒】
Damn Pissed Off!
充满活力嘅鸡尾酒，完美结合伏特加、热情果酱同菠萝汁，带嚟清新嘅热带风味。呢款鸡尾酒特点在于佢嘅生薑风味，有种独特嘅辛辣感。
I Feel Loved
我谈的那场恋爱...就像这杯Cocktail，集合了威士忌和荔枝酒，带有玫瑰菊花甜香又清新，加点点酸酸的橙汁，甜的苦的酸的混合在一起，“This is exactly what it tastes like to be in love!”
I Need To Clear My Mind!
青柠Vodka加咗苦瓜糖浆，呢种独特风味真系无咩试过，仲有种清新醒神感觉。当然仲有柚子汁、金桔汁、青苹果糖浆，增添酸爽果香。
Lets Get Cracking
呢款奢华鸡尾酒，以伯爵茶威士忌结合朱古力Liqueur，带嚟浓郁香味，同时夹杂阿华田、焦糖、燕麦奶嘅轻甜味道。相信女生都会好钟意呢款鸡尾酒
KABOOM
地址: 尖沙咀北京道12A号太子集团中心20楼
电话: 37088114