唔使飞去大坂都可以食到正宗又好味嘅大坂烧！红磡呢间新开居酒屋「火舞町」主打铁板烧同大坂烧，大厨从日本回流，跟当地厨师学艺超过10年，今次就将关西传统风味同技术一齐带过嚟新店～更以传统大坂烧糅合创意，创作出8款唔同口味嘅火舞棒，包括双层海胆、乾酪，甚至系芫荽，新鲜感满分。
新张限定88折！ 用OpenRice网上订座即享受全单88折加送拖罗刺身 *优惠期有限 |
拖罗刺身
8款创意口味火舞棒
传统大坂烧分量都唔细，如果两三个人食其实试唔到几多款。所以大厨就精心研发出火舞棒，以大坂烧为蓝本，改为分量较细又容易进食嘅棒状，再加上唔同配料，卖相别致。八款口味中首推双层海胆，即系新鲜日本海胆再加海胆酱，鲜味Double Up！香草牛油蟹肉同啖啖龙虾都好啱各位海鲜控。
火舞棒（香草牛油蟹肉、麻辣、乾酪、芫荽、双层海胆、原味、啖啖龙虾、蕃茄）
传统风味大坂烧
想试返啲传统菜式，呢度亦有猪肉、乾酪、香葱大坂烧选择。为咗呈现关西地道风味，面糊同酱汁都系自家制作，面糊加入大量椰菜丝，而酱汁味道酸甜解腻。猪肉就选用鹿儿岛黑毛猪嘅猪腩，肉质柔软、油脂丰富，铁板烧过后更香口！
大坂烧即叫即制
猪肉大坂烧
即席炮制日式铁板烧
客人可以坐喺吧枱前，欣赏厨师即席制作铁板烧
当造海鲜以铁板烧方式享用亦系唔错嘅选择，特别系餐厅设有吧枱座位，可以欣赏到厨师团队即席炮制铁板烧，过程色香味俱全，未食先兴奋！推介包括澳洲龙虾尾，龙虾肉饱满弹牙，简单用牛油烧香，再加上酱油就可以带出龙虾本身嘅鲜味。
澳洲龙虾尾
厨师团队手艺精湛，睇住师傅好熟练咁将新鲜虎虾起壳拆肉，食落啖啖肉特别爽。而且烧嘅时候加入虾膏汁，顿时香气四溢，令人食指大动！
虎虾（两只）
关西风鲜味关东煮
居酒屋另一主打系关东煮，清澈香甜嘅汤底系师傅用上大量唔同种类嘅日本鱼干熬煮而成，鲜味十足而唔会盖过食材本身原味。清甜无渣嘅白萝卜、口感软糯嘅麻糬福袋等吸饱汤底精华固然好味。大厨亦特别推介牛筋串，牛筋牛肉相间口感丰富，而且都非常软嫩入味。
关东煮（白萝卜、鸡蛋、蒟蒻、油豆腐、魔芋丝、炸鱼饼、半片、麻糬福袋）
关东煮（八爪鱼）
关东煮（牛筋）
打卡必点九宫格刺身
餐厅亦有供应多款新鲜刺身，每日由日本空运直送唔同种类嘅海鲜。心大心细咩都想试就最啱点季节刺身 - 九宫格啦！用精美木盘奉上九款新鲜刺身，当中最受香港人欢迎嘅马粪海胆、拖罗、牡丹虾会固定供应，其馀六款就由主厨挑选时令款式，例如最近就有带子、荧光鱿鱼等。
季节刺身 - 九宫格
更多招牌美食推介
呢碗酱油渍拖罗海胆三文鱼子饭非常丰盛，配料多到完全睇唔到啲饭！中间系酱油渍拖罗，适当嘅咸味衬托出中拖罗嘅鱼油甘香，入口即溶而无筋，配搭同样甘甜细腻嘅海胆，同咬开即爆出鲜味嘅三文鱼子，三重鲜味交织，一试难忘。
酱油渍拖罗海胆三文鱼子饭
居酒屋招牌小食之一玉子烧，呢度亦绝对做得唔马虎，选用以蛋黄味道浓郁着名嘅日本新纪元卵，半熟多汁嘅玉子包住半融嘅乾酪，系幸福嘅味道啊。
乾酪玉子烧
坐吧枱可以同师傅互动
卡位私隐度高又舒适
火舞町
地址: 红磡黄埔天地百合苑商场(第9期) 地下九号水产5号舖
电话: 23367997