又有台湾排队店开嚟香港啦!! 喺台湾已经开咗50间直营店嘅「肉多多火锅」，将60-70年代最地道嘅台式爆炒石头锅发扬光大而爆红。店员会即场喺你面前落酱爆炒出浓郁汤底，未食已经闻到好香啦～ 难怪在台湾连续三年网路声量好感度霸主!
台湾年轻人大爱！欢乐台式服务! 一齐夹公仔!
「肉多多火锅」嘅欢乐台式服务好吸引，有夹公仔机「欢乐夹夹乐」，消费满$100就有代币1枚，所以走嗰阵一定玩到夹公仔㗎。
铜锣湾店系「肉多多火锅」首间海外分店。
简约木系环境好舒服。
可以望住咁靓景打边炉。
主打欢乐台式服务，走嗰阵记住玩埋夹公仔呀。
欢乐台式服务唔只有得玩 仲好感受到台湾人嘅细心…
店员会有剥虾涮肉服务，轻松解放双手。自助区又有冰淇淋、甜品任饮任食。最惊喜系漱口水、芳香剂、孕妇抱枕、发圈都有，女生一定明嗰种贴心程度～
自助区提供冰淇淋、甜品，任饮任食。
生日优惠: 免费兑换生日肉蛋糕
嚟紧年尾生日嘅话，更加推荐嚟试呢间台湾过江龙。因为当月寿星，可以免费兑换生日肉蛋糕，以无激素梅花猪砌成嘅花花蛋糕，肉控表示系食过最心心眼嘅蛋糕!!!! 呢度仲有个「晚八活动」回馈食客，每晚斗快打指定电话+ 讲指定口号，最快嘅食客即获肉配料一碟㗎。大家都抱住玩嘅心态热烈参与，几好气氛啊。
当月寿星会员，可免费兑换生日肉蛋糕。
肉量超足！系肉控最佳生日蛋糕啊。
【正宗台式爆炒火锅】
汤底一定要拣款爆炒锅啦，我哋拣咗招牌爆炒海味石头汤之外，再贪心啲拣埋猴腮雷台式麻辣汤做鸳鸯锅。全场有3款爆炒汤底、9款正常汤底拣，最出名系我哋今次食嘅爆炒石头汤，石头酱系用几种海鲜、蔬菜特制㗎。
招牌爆炒海味石头汤，员工即席落肉爆炒。
再倒入石头酱、蔬菜逼出香味。
店员一开始会落肉炒香先，再倒入石头酱、蔬菜爆炒，用热力逼出肉片油脂、蔬菜鲜香，未食已经闻到好香啦。最后倒入特制底汤，撞出鲜甜浓郁味道。
最后倒入特制底汤，撞出鲜甜浓郁味道。
另一款猴腮雷台式麻辣汤底，系专为唔食牛朋友设计嘅台式麻辣汤底。以多种辛香料及特制麻辣酱，配搭浓郁豚骨汤烹煮而成，味道温润香醇，用嚟涮肉或海鲜都好夹。
猴腮雷台式麻辣汤底，专为唔食牛朋友设计嘅台式麻辣汤底。
追加优惠！
+$49 双人菜盘及刀削面 +$6 纵贯线卤肉饭 |
【人气配料】
澎湃系列～肉瀑布
超吸睛肉瀑布，重点就系肉多多!! 4层肉仙气登场～ 有顶级霜降牛 / 顶级低脂牛；比利时橄榄猪 / 无激素梅花猪，牛+猪各选一。我哋拣咗顶级霜降牛，雪花好靓，牛味都好浓；而比利时橄榄猪主要以橄榄、谷物餵饲有种独特肉味，而且一啲都唔韧呀。
超吸睛肉瀑布，4层肉仙气登场。
(左) 顶级霜降牛，油脂雪花好靓。
(右) 比利时橄榄猪，富独特肉味。
时蔬宝盒。新鲜蔬菜一解肉腻，延长战斗力！
鱼控天堂！多款海鲜配料
呢度唔只肉多多，海鲜都几多～ 除咗最人气嘅蛤蜊、鲜蚵、扇贝、蝴蝶虾等等等，鲜鱼选择惊喜地多—鲷鱼、鲈鱼、黑鱼、红鱼。全部可以叫半份(除扇贝外)，只系约$58-$68，完全系爱鱼之人福音。
鲜鱼选择惊喜地多。可以叫半份，就算两个人打边炉都可以食多几款。
鱼肉好新鲜，打边炉可以保留弹牙肉感。
【回味台湾夜市】
「肉多多火锅」身为台湾过江龙，除咗带嚟60-70年代最地道嘅台式爆炒石头锅外，仲有一系列夜市美食!! 淀粉人士必嗌卤肉饭，卤肉咸咸甜甜几开胃。而且饭量啱啱好，满足到淀粉感觉又留到肚打边炉。
台湾经典卤肉饭，饭量啱啱好可以留肚打边炉。
另外印象深刻系下港白糖粿，外层炸到脆卜卜，咬到入面就烟烟韧韧，好似食紧炸过嘅糖不甩咁。有原味/芝麻/紫薯/花生拣。
夜市美食下港白糖粿。外脆内烟韧，当甜品几过瘾。
肉多多火锅
地址: 铜锣湾糖街25-31号Sugar+ 3楼
电话: 29822118