庆祝圣诞咁大件事，一定要去高CP值、环境美食都超班嘅靓靓餐厅！
位于尖沙咀闹市顶楼嘅“KABOOM”，俨如尖沙咀空中花园。餐厅酒吧佔地两层，下层室内空间天花铺满长竹枝、悬挂藤灯，好似置身纯朴海边酒吧咁，卖点之一嘅落地玻璃可以饱览维港靓景～
顶楼嘅户外空间则放满阳草伞、宽敞藤椅，配上芬兰木材塑造满满外国气氛，远离繁嚣。开扬环境更可欣赏维港海景，室内室外都系一流嘅all-in-one casual dining好地方，好啱bookmark定庆祝特别节日！
【圣诞5道菜晚餐】摆盘+味道好惊喜！
Christmas嚟”KABOOM”可以一边饱览醉人维港夜景、一边食尽5道菜晚餐：餐汤、3选1前菜、4选1主菜、甜品同埋节庆鸡尾酒，由头食到尾都好满足。
【餐汤】
Lobster Coconut Bisque | 龙虾椰子浓汤
呢度有酒店级主厨设计一系列fusion料理。先有浓厚龙虾汤展开序幕，特别加入椰子令味道更加清新香甜，同一般饮到嘅龙虾浓汤会带点不同～
【前菜3选1】
Pan fried Foie Gras | 香煎鹅肝
大时大节想食得丰富啲，一定唔少得鹅肝啊。烤鹅肝入口即化，放喺烤软面包上面再加酸酸甜甜苏梅酱、香烤榛子果仁碎一齐食好有层次。
SOUS VIDE Lobster | 真空低温烹调龙虾
真空低温煮法会令龙虾产生美拉德反应(Maillard Reaction)，令肉质带复杂嘅香气味道。加埋龙虾啫喱、鱼子酱、高汤同埋清甜萝卜，呢个组合好食到难以抗拒啊！
Beef Carpaccio | 生牛肉片
经典冷盘之选有生牛肉片，以绿咖喱同香醋珍珠点缀，增添鲜味之馀仲可以带出淡淡牛香。连埋橄榄油、清爽洋葱同巴马臣乾酪一齐食，味道好夹。
【主菜4选1】
Carabinero Red Shrimp and Abalone Risotto With Sea Urchin Sauce | 西班牙红虾鲍鱼烩海胆酱义大利饭
盛载满满高质海鲜嘅义大利饭，用咗大只弹牙西班牙红虾+日式做法鲍鱼，配搭相当奢华!! 西班牙红虾既虾膏建议两种食法, 直接食用或者将虾膏加到义大利饭内同时每粒饭吸满浓郁海胆酱，食完有种幸福感。
Pan Fried Alaska Black Cod Fish | 香煎阿拉斯加黑鳕鱼
阿拉斯加黑鳕鱼以紧致细腻嘅白色肉质而闻名，无小刺做到啖啖肉嘅口感。配上香滑薯蓉同叻沙梅干酱调味，香口唔会好干。
Stone Grilled Australian Gundagai Lamb Racks | 石烤澳洲刚达盖羊架
东南亚风情主菜有呢款石烤羊架，羊肉唔羶好软腍。酱汁以咖哩配酸奶为基底，蘸住食味道相互平衡，突出到羊肉香气。主厨加入一个小心思，伴有今期流行嘅开心果栉瓜酱，同羊肉都好match！
Australian M6 Black Opal Wagyu Ribeye Steak | 澳洲M6 Black Opal和牛肉眼扒 (+$158)
Black Opal和牛由谷饲养殖约380日以确保油香同肉味既平衡，同时充满奶油香气。加上肉眼部位嫩滑多肉汁，就咁以基本调味已经好好食！配菜出奇地系泰式风情，时蔬佐以泰式辣酱，微辣香劲几开胃，同油脂丰富嘅牛扒相辅相乘。
【甜品】
Gingerbread Man | 薑饼人蛋糕
传统圣诞节唔少得薑饼人，”KABOOM”嘅薑饼人化身成牛奶朱古力慕丝，中间有薑味吉士+朱古力海绵蛋糕，丰富三重层次，作为甜品太过份喇!!! 隔篱仲有迷你圣诞树造型嘅蛋白饼，可爱的骰。
【鸡尾酒】
Festive Cocktail | 节庆鸡尾酒
饮返杯造型感满分嘅鸡尾酒完结整个圣诞旅程，过个深刻嘅圣诞夜～～
KABOOM
地址: 尖沙咀北京道12A号太子集团中心20楼
电话: 37088114