如果你搵紧地道印度菜，甚至想包场嚟个印度party或者外卖到会，"Spice"都係一个好选择，佢哋嘅正宗印度料理好有惊喜！
呢度嘅用餐空间舒适，豪华VIP房甚至有舞池，全场可容纳共135人，咁正嘅环境好啱庆祝纪念日、宴会，又或经过突然想食印度菜又得。佢哋仲有一系列酒类同即调鸡尾酒，係忘却烦嚣好地方。
而家你仲可享受多项特别优惠！
优惠详情
Beer Tower优惠 凡惠顾Beer Tower，即可免费选择以下小食1款:- 厚薯条 / 鸡翼 / 炸鱿鱼圈
Combo Deal of the week优惠 凡惠顾任何牛扒，即可免费享受餐酒1杯。
*不可与其他优惠一同使用 |
正如餐厅名一词"Spice"，呢度嘅印度料理用多款香料入馔，味道层次丰富。印度菜fans可以喺轻快印度音乐下，享受与别不同嘅风味，发掘印度菜更多可能性。
印度蔬菜香饭Biryani
Biryani係印度传统香饭，米饭、香料加埋肉类 或 纯蔬菜配料焗煮， 米饭松软又吸满食材精华，係饭控必食！
呢度嘅米饭更加咗矜贵香料—藏红花，有种独特乾草甜味，而且对健康好有益处㗎。
香辣特色意大利茄汁麵
素食都有选择，少有嘅素意粉係用辣番茄酱、Kalamata橄榄、胡椒同辣椒煮製。长通粉好挂汁，番茄酱辣中带甜酸，就算素食都完全唔单调。
印度烧鸡薄饼
呢道印度烧鸡薄饼好吸引！Pizza上面係传统印度料理—烤鸡Tikka，鸡肉特以各种香料醃製，香料味浓。加埋其他配料如San Marzano酱、芝士等好惹味。
BBQ牛油烤鸡
烤鸡挂满绵滑番茄汁，香味扑鼻，满满酱汁好啱配印度薄饼。
Tandoori 烤鸡
“Tandoor” 係印度传统大窑炉，烤物有种独特烟燻味，亦係好多人锺情印度烤物嘅原因。呢道Tandoori烤鸡先用多种香料醃製鸡肉，再放入Tandoor烧出轻焦香味。
Lamb Rogan Josh
经典慢煮羊肉咖哩，以洋葱、红胡椒酱将羊肉煮至软腍入味。肉味慢慢喺口中化开，亦完全无羶味。
Rack of Lamb
将扫上芥末、迷迭香酱嘅羊排烤香，再搭配蔬菜、芝士～啖啖肉又唔会太腻，配酒一流。
Garlic Naan
Naan係印度传统薄饼，同样用大窑炉焗製，有多款口味。呢款Garlic Naan有淡淡蒜香又松软，配好多咖喱都好夹。
SPICE Restaurant & Bar
地址: 尖沙咀诺士佛臺1号2楼
电话: 21919880
