原来午市都有高质印度菜㗎～呢间绝美宫廷风印度餐厅“CHUTNEY”，午市套餐有前菜、主菜、甜品；免费跟配窑炉即烤印度薄饼一客。绝美宫廷风环境，体验完全唔同嘅印度料理。
绝美环境，沉浸式享受印度气氛。
门口悬垂金色绸绢好唯美。
【“CHUTNEY”午市印度套餐】
前菜 | 4选1
狮子唐辛子小食(Shishito Chilli Chaat)
炸到金黄嘅狮子唐辛子好抢眼，辣中带脆几香口。连埋茅屋乾酪、奶酪、罗望子酱等一齐食，层次好丰富。
Tandoori 烤鸡髀(Tandoori Tangdi Kebab)
“CHUTNEY”用餐区可透过大玻璃望到厨房，两大Tandoori窑炉频频新鲜出炉，呢道烤鸡髀就系其中之一喇!! 所以鸡髀肉有阵炭香，上面仲洒满巴马臣乾酪，配埋薄荷酱几有风味。
大虾印度青瓜沙律(Shrimp Kachumber Salad）
前菜拣沙律都几吸引，全部外国直送嘅新鲜蔬菜，有心内美萝卜(Watermelon Radish)、迷你生菜(Baby Gems)、番茄等。酱汁系清凉嘅薄荷汁，加埋两只大虾几满足。
咖喱炖菜(Keema Pav)
如果你钟意浓味嘅印度菜，好推荐拣咖喱炖菜。咸香碎羊肉超多超绵密!! 捞埋脆薯条中和吓腻感，配面包食好吸引。
主菜 | 5选1(跟配印度薄饼)
几款主菜都偏浓香，好夹免费跟配嘅印度薄饼啊，可拣原味／干胡芦巴叶／蒜蓉味。
牛肉丸咖喱(Beef Goli Kebab Masala)
用牛肉剁成嘅牛肉丸，好食到牛肉肉感同香料味，咬开仲有啲肉汁𠻹，用薄饼夹住食又系另一种风味。
Chutney印度牛油鸡(Chutney Butter Chicken)
今次午市套餐有招牌菜牛油鸡，用午市价钱食好抵。炭烧本地黄鸡，加埋个牛油汁劲香啊。咖喱都唔会好浓，轻甜带奶香。
杂菜咖喱(Paneer Jalfrezi)(V)
素食者可以拣杂菜咖喱，浓郁咖喱加茅屋乾酪，好啱配印度薄饼食。
杂菜印度香饭(Vegetable Biryani) +$48
好有地道风味嘅印度香饭，每啖都好食到奶酪杂菜，再配啖豆汤几正。
鸡肉香饭(Chicken Tikka Biryani)+$58
印度风味嘅烟燻炭烤鸡肉几大件，用薄饼包住鸡饭食，双重淀粉+蛋白质好满足啊！
追加优惠 | 烤肉拼盘(Mix Tandoor Platter)+$318
同场仲可以用追加烤肉拼盘，有Tandoori窑炉烧澳洲五星羊扒、澳洲盲曹、印度烤鸡。
CHUTNEY
地址: 中环云咸街75-77号嘉兆商业大厦4楼
电话: 23300027