主打精致Omakase 嘅「彤」，单系细致摆盘已睇得出非常用心。行政总厨拥超过20年日本料理经验，带领几位逾10年经验师傅制作时令日本料理。
呢度食材每日由日本丰州市场直送，并按四季引入各款时令食材，恰如日本师傅坚持不时不食。而家午市、晚市都有多款Omakase 套餐，味道摆盘同样高质，性价比相当高。
【晚市Omakase 推介】
晚市推介「极」套餐，有渍物、刺身、热食、寿司、手捲同乌冬等，相当丰富。
前菜渍物
师傅会按当日食材、食客口味即席设计料理，所以每次嚟食都有机会唔同㗎。今次渍物就有鱿鱼渍，Q弹微酸好开胃。
刺身6品
日本令和生蠔出名大只厚肉，甫推出已经大受欢迎。而家亦系时令季节，钟意肥美口感一定要试。
同场多款刺身都好新鲜鲜甜。
海胆超多呀！入口Creamy。
煮物
呢度不乏烧物，将鲜鱼烧至外脆内嫩，上碟已见鱼皮微焦金黄。
手握寿司10品
想睇一间日本料理店用心与否，细观寿司饭就略知一二。师傅特别用新泻鱼沼越光米，并改良山吹赤醋，保持米粒Q弹微酸突出刺身鲜味。
Omakase 有机会食到坊间少见嘅寿司，而且拖罗都一定好肥美！
最后仲有热汤、乌冬、甜品或水果。
