楼高三层嘅「Lab Eat Bistro」好啱三五知己聚餐，工业风装修加上空间宽敞，坐得舒服又可以打卡；餐厅供应多款充满玩味嘅Fusion菜，集合多国风味更易拣到心头好。特别推介佢哋嘅牛扒，有齐唔同部位，俨如高级扒房！
集体回忆变创意美食
新菜式推介之一系鬼佬黯然销魂饭，睇名都估到灵感嚟自《食神》，不过大厨将猪肉做成既叉烧改为口感软滑嘅慢煮鸭胸，淋上秘制叉烧酱汁后再烧到燶边，将来自鸭肉嘅油脂香味锁住，达到外脆内软嘅效果！所谓鬼佬饭，就系用12只龙岗鸡熬出嚟既高汤同鸡油煮成既risotto，香气十足，愈食愈开胃！
鬼佬黯然销魂饭、有气冻柠茶
妈咪炒蟹就糅合妈咪面同避风塘炒蟹两大元素，以大家由细食到大嘅妈咪面取代炸蒜，做成软壳蟹嘅炸浆，香脆惹味。上枱嘅时候仲可以畀大家自己将妈咪面味粉同软壳蟹倒入纸袋Shake匀，有得玩有得食，童年回忆返哂黎！
妈咪炒蟹
一般拿破崙都系水果口味，呢度就选择加入糖葱饼代替酥皮！口感同样酥脆，而且多一种大家都熟悉嘅香甜。而旁边嘅奶油就用新鲜椰皇水制作，清新椰香衬托糖葱饼嘅味道，令人一试难忘。
怀旧糖葱饼拿破崙
特色Fusion菜推介
三文鱼先用日式柚子醋醃渍至入味，味道微酸。配搭Creamy嘅牛油果、清香嘅台湾鲜百合，同鲜美嘅黑鱼子，层次丰富又醒胃。
香柠牛油果三文鱼渍
个名好得意嘅爆浆乾酪热菇热菇系用多汁厚肉嘅大啡菇加上车打乾酪、Mozzarella乾酪等烤熟，切嘅时候拉丝效果超诱人！配搭酸酸辣辣嘅泡菜酱汁平衡返腻感。
爆浆乾酪热菇热菇
以海胆酱煮成嘅金黄色义大利饭，混入樱花虾，每啖都系浓郁嘅鲜甜。再加上甘甜粘糯嘅赤虾，三款海鲜嘅鲜味相辅相成，海鲜控必食！
火炙赤虾海胆酱樱花虾义大利饭
牛魔王必食！谷饲天然牛
餐厅选用美国365日谷饲天然牛，谷饲牛嘅特色系油脂含量多、油花分布均匀，达到大家最爱嘅大理石油花效果，而且肉质鲜美软嫩！钟意油花多啲嘅就可以拣牛冧上盖扒，系连接牛腰同臀部嘅肉，油花分布细致匀称、口感柔软，食落更系入口即溶！
特选级牛冧上盖扒
牛柳仔取自肩胛里面，每只牛只有一小块，所以系餐厅比较少见。特别在呢个部位运动量大、脂肪唔多但肌肉纤维比较细，比起一般牛柳更加嫩滑，而且肉质相当软腍多汁。最啱钟意食牛又怕会肥嘅朋友仔。
顶级牛柳仔扒
而呢款慢煮美国谷饲牛小扒特别适合各位女士，皆因系迷你版，慢煮24小时后肉质非常软腍，而且脂香同肉味平衡，唔会太大负担感。
慢煮24小时美国榖饲牛小扒
精选玩味Cocktail
见到呢个万寿无疆杯，系咪真系好有结婚「奉茶」嘅Feel呢？当然里面唔系茶，而系以波本威士忌混合蜜桃、青柠同英式早餐茶冲调而成嘅鸡尾酒，味道香甜易入口。
新抱茶
个名好过瘾而且会发光嘅「鸡尾酒群组」打咭一流。群组有四款口味，可以自选其中两款。紫蓝色嘅Purple用伏特加配搭荔枝利口酒同雪碧，颜色就嚟自蝶豆花嘅天然色素。另外三杯Jade、Golden同Nature都系用毡酒或伏特加加上唔同材料冲调而成，可以按喜好挑选。
鸡尾酒群组
于2022年4月29日至6月9日期间，首【50】名用户于【Lab Eat Bistro】使用相应OpenRice服务，消费满【$40.1 】并输入【MME20N】即减【$40】！仲等咩？快啲约埋饭脚开餐啦！