庆祝纪念日或生日等，拣餐厅一定唔可以马虎。除咗食物质素之外，餐厅嘅环境同气氛都好重要。西餐厅Chef Stage De Eddy Chu位于尖沙咀站附近，位处19楼嘅优势当然就坐拥广阔嘅城景。经验丰富嘅老板身兼主厨，入行逾30年，最擅长融合各地菜式，加入新元素，为食客带嚟新鲜感。今次为大家介绍下佢哋将平时 a la carte最受欢迎既菜式集于一身嘅 Tasting Menu，既有海鲜，亦有肉食。
生蠔 / 矶煮鲍鱼 / 冻虾
以海鲜作为一餐嘅开始，绝对系一个「好开始」。生蠔、矶煮鲍鱼同埋冻虾都非常新鲜，而师傅更特别为佢哋创作咗一个自家制嘅酸甜香草汁，除咗能够闢走腥味外，最重要系可以更突显海鲜嘅甜味呢。
生蠔 / 矶煮鲍鱼 / 冻虾
松露煮日本年糕
作为餐厅最受欢迎嘅菜式之一，原来呢道菜系老板以前参与比赛嘅创作菜式嚟，以日本年糕搭配义大利松露奶油汁，味道浓郁，口感烟韧。
松露煮日本年糕
焗连壳食法国田螺
田螺可以连壳食？呢道由法国进口嘅菜式，或者会颠复咗大家嘅想像。原来系用面粉做咗个「壳」，酿入田螺肉，将之焗香，配埋巴黎牛油汁，有韧劲嘅田螺肉连埋微脆嘅壳一齐食，口感丰富。
焗连壳食法国田螺
黑松露磨菇汤
混合咗3种磨菇再加松露碎煮成嘅黑松露磨菇汤，甫上枱已经散发阵阵香味，入口香滑之馀，更有蘑菇碎粒可以咀嚼，增加层次。
黑松露磨菇汤
鲜鲈鱼柳酸甜香草汁
选用加州鲈鱼柳，肉质细致鲜甜。只需要轻轻加少少盐作调味就得，因为咁先可以食到鱼肉原先嘅鲜味呀，当然点埋酸甜香草汁，就更能提鲜啦。鱼皮煎至脆卜卜，好香口。
鲜鲈鱼柳酸甜香草汁
烧羊鞍
钟意食羊嘅朋友，一定会钟意呢个烧羊鞍。餐厅特意选用蒙古羊肉，羊膻味会比一般嘅更重，而且肉质软腍，就咁食已经好够味，但如果想加埋砵酒汁或红酒汁淋面都冇问题。
烧羊鞍
杂菜土豆烩安格斯牛腩扒
牛腩扒即系牛腹肉，带有雪花，牛肉味香浓之馀，更有啖啖油花嘅香味萦绕。
杂菜土豆烩安格斯牛腩扒
橡果级黑毛猪肉
厚切嘅黑毛猪扒非常腍身，师傅安排搭配清新嘅菠萝同义大利罗勒香草，层次有所变化外，最重要系能够去油腻，中和腻感。
橡果级黑毛猪肉
法国鹌鹑胸配虾肉蘑菇汁
坊间较少机会食到呢道菜式，嫩滑嘅鹌鹑胸，配埋爽弹嘅虾肉，带出新鲜感。
法国鹌鹑胸配虾肉蘑菇汁
是日甜品
完美嘅一餐当然要有甜品作结，不过考虑到大家可能已经食到好饱，师傅细心地设计咗啲细细份嘅甜品，既能满足嚐甜嘅心愿，但又唔会饱得过份。
是日甜品
于2022年4月29日至6月9日期间，首【50】名用户于【CHEF STAGE de Eddy Chu】使用相应OpenRice服务，消费满【$20.1 】并输入【MME20J】即减【$20】！仲等咩？快啲约埋饭脚开餐啦！
CHEF STAGE de Eddy Chu
地址: 尖沙咀亚士厘道17-19号19楼
电话: 23030999