留港过圣诞想有啲新意，不如试吓呢间花花黎巴嫩餐厅“RUE DU LIBAN”。呢度由黎巴嫩人Imran Khaleel开设，佢年轻时远赴瑞士读书，之后喺高级酒店开展职业生涯，对料理要求好高㗎。而家佢夥拍埃及总厨Maged Makram，以超过40年入厨经验设计多款料理。
今次圣诞套餐就食到红石榴糖蜜煎鸡肝、焗开心果仁脆皮羊架、蜂蜜乾酪焦糖饼等等共6道菜，喺浪漫节日一嚐地道黎巴嫩料理，只系$498/位咋。
黎巴嫩餐厅“RUE DU LIBAN”圣诞套餐，只系$498/位。
“RUE DU LIBAN”法文意指黎巴嫩街道，蓝色门口已经好有外国气氛。
天花挂满色彩缤纷花饰好唯美，喺花海包围下过梦幻圣诞。
即刻睇吓“RUE DU LIBAN”圣诞套餐有咩食啦～
热汤｜鲜虾浓汤
首先饮啖浓汤暖吓胃先。自家用虾壳煮出浓郁鲜味，汤身醇厚又会食到啲虾肉。
鲜虾浓汤用虾壳煮出浓郁鲜味。
沙律｜炸茄子薄脆红石榴酱沙律
沙律分量惊喜地多！满满新鲜蔬菜夹杂核桃、薄脆片、炸茄子等，清爽得嚟又够香口。配埋甜甜酸酸嘅红石榴酱，绝对会极速清碟。
沙律有满满新鲜蔬菜，再夹杂核桃、薄脆片、炸茄子等，清爽香口。
前菜｜贝鲁特鹰嘴豆蓉 / 烤茄子蓉
今次套餐分别有冻盘前菜、热盘前菜。冻盘前菜2选1都系中东经典豆蓉，并会跟配脆片或彼得包蘸嚟食。
贝鲁特鹰嘴豆蓉以鹰嘴豆为主，质地顺滑又重豆香。另一款烤茄子蓉就有烟燻香味，捞埋富奶香嘅芝麻酱几有层次。
贝鲁特鹰嘴豆蓉。以鹰嘴豆为主，质地顺滑又重豆香。
烤茄子蓉有烟燻香味，捞埋芝麻酱几有层次。
前菜｜红石榴糖蜜煎鸡肝 / 香烤羊肉肠
另一款热盘前菜2选1都好香口，红石榴糖蜜煎鸡肝口感柔滑，咬多两啖会慢慢渗出鸡肝风味，配埋甜甜哋嘅红石榴糖蜜好开胃，平时唔食内脏嘅话都可以试吓啊。
如果圣诞夜谂住饮酒，拣另一道香烤羊肉肠就好啱喇。比平时嘅香肠丰富好多，因为咬开会有多种香料风味同肉香，外层又烤得轻脆，佐酒一流。
煎鸡肝配上轻甜红石榴糖蜜。
香烤羊肉肠佐酒一流。
之后就轮到主菜上场，5款主菜有齐烧鸡、牛助条、羊架、盲鰽鱼柳、杂锦蔬菜选择，照顾晒唔同人口味，就算一班人食饭都无烦恼啊。
主菜｜烤酿烧鸡
圣诞餐只系$498/位已经有成只鸡，CP值真系好高!! 下层铺满嘅紫椰菜、栗子应节之馀，仲吸满鸡油精华㗎。
原只烤酿烧鸡，CP值极高！
主菜｜招牌慢煮牛助条
牛助条分量有惊喜!! 慢煮后肉质好腍，用叉已经轻松拮到大大件肉出嚟，连埋绵密薯蓉一齐食正呀。
牛助条慢煮到好软腍，连埋绵密薯蓉一齐食正呀。
主菜｜焗开心果仁脆皮羊架
2024年系属于开心果㗎～ 好多开心果料理都相继爆红，连黎巴嫩菜都可以食到佢嘅魔力喇。开心果仁脆脆可以锁住肉汁外，食落仲金黄酥脆又有坚果香味。配上有嚼劲又细腻嘅羊肉，一脆一嫩双重口感。
焗羊架充满开心果仁香，外脆内嫩几吸引。
主菜｜香煎盲鰽鱼柳 配柠檬奶油酱
柠檬奶油酱汁好有记忆点，清新柠檬混合浓郁奶油味，好有提鲜效果。而且鱼皮煎到好脆卜卜，绝对系令人满足嘅鱼料理。
柠檬奶油酱好有记忆点，鱼柳鲜味更突出。
主菜｜杂锦蔬菜煲配印度香米
食素或追求健康嘅朋友都有选择，多种色彩鲜艳嘅蔬菜炖煮至软嫩，充分释放蔬菜嘅甘甜。将蔬菜精华捞匀粒粒分明嘅印度香米一齐食，健康开胃。
推荐食素或追求健康嘅朋友，蔬菜煮得软嫩甘甜。
甜品｜蜂蜜乾酪焦糖饼 配香草义大利冰淇淋
平时香港好少食到金黄酥脆嘅甜品，呢道嚟自中东嘅Kunefe真系好有新鲜感。口感丝丝脆口，内馅反而充满奶香。连埋香草义大利冰淇淋、开心果碎碎一齐食又系另一种风味。
中东经典甜品Kunefe，口感丝丝脆口，内馅反而充满奶香。
“RUE DU LIBAN”圣诞套餐菜单
RUE DU LIBAN
地址: 尖沙咀山林道22-26号地下A号舖
电话: 23102922