召唤一众想无限食海鲜嘅大家!! 一直深受欢迎嘅香港康得思酒店自助餐餐厅The Place,2024年3月起诚意推出味游「鲜」境自助餐,以一系列精致海鲜菜式、全新热荤引领味蕾游走多国美馔。
自助午餐已经有源源不绝嘅鳕蟹脚、龙虾钳,CP值极高!自助晚餐更可食埋时令生蠔。放假想对自己好啲,周末下午茶自助餐特别加入冰镇海鲜、多款本地特色美食,尽享圆满假期。
味游「鲜」境自助午餐、自助晚餐 及 周末下午茶自助餐,已经开始啦!2024年6月30日前都可嚟味游「鲜」境。
![](https://www.openrice.com/userphoto/CMSContent/0/8G/001O8D1F1A2F19539449E5j.jpg)
香港康得思酒店自助餐餐厅“The Place”,环境优美。
【回本海鲜 | 深入实测自助午餐&自助晚餐】
自助午餐及自助晚餐均有琳瑯满目嘅冰冻海鲜、海鲜热盘。除咗肥美龙虾钳、蓝青口、翡翠螺及熟虾外,全新主题嘅自助午餐更加入鲜甜弹牙鳕蟹脚,肥美啖啖肉值得再三回味呀。
![](https://www.openrice.com/userphoto/CMSContent/0/8G/001O8E2805C66275196985j.jpg)
回本海鲜美馔。
自助晚餐时段嘅冰镇海鲜,更额外供应时令纽西兰/美国生蠔、原只开边龙虾及面包蟹,大大满足一众海鲜迷。
除此以外,早前大受好评嘅蒸气海鲜区继续供应鲜味无穷嘅鲍鱼、海虾及扇贝;其他海鲜菜式包括避风塘炒大虾、明太子焗扇贝、酥炸生蠔都系必食之选。
![](https://www.openrice.com/userphoto/CMSContent/0/8G/001O8FFAE50B33C3AC792Fj.jpg)
味游「鲜」境自助晚餐供应时令生蠔。
味蕾游世界 | 环球佳肴
The Place厨师团队亦炮制咗各式各样环球佳肴。日式料理区有精选杂锦刺身、寿司、捲物、冷面及精致日式前菜。仲有大受欢迎嘅即切烧纽西兰肉眼扒(午市供应)及烤美国牛肋骨(晚市供应)。
嚟到特色铁板烧专区,就有大家好钟意嘅厚煎鹅肝(晚市供应)及多款惹味串烧,未食已经闻到香喷喷喇。当然,自助餐一定要留肚食滋味诱人嘅甜品,糕点总厨Roy Ma匠心制作多款甜点—法式伯爵茶杏仁黄金砖、焙茶焦糖炖蛋、北海道蜜瓜啫喱、港式鸡蛋仔,以及8款口味MÖVENPICK冰淇淋,为鲜味之旅划上完美句号。
![](https://www.openrice.com/userphoto/CMSContent/0/8G/001O8G9D9DA9B15DBF22C4j.jpg)
自助晚餐供应厚煎鹅肝。
![](https://www.openrice.com/userphoto/CMSContent/0/8G/001O8H17D8ADCA75D8FACAj.jpg)
精致甜品。
【周末下午茶自助餐】
The Place逢星期六、日及公众假期供应嘅周末下午茶,继续主打上乘海鲜!任享冰冻龙虾钳、鳕蟹脚、蓝青口及熟虾,同场食埋精选寿司、沙律及冷盘。
![](https://www.openrice.com/userphoto/CMSContent/0/8G/001O8I826DE5C17EE62B84j.jpg)
味游「鲜」境周末下午茶自助餐。
仲有仲有,全新推出嘅本地特色小食!! 厨师团队以精湛手艺重新演绎港式瑞士鸡翼、香蒜椒盐骨、珍珠鸡、豉油皇炒面等经典风味,加上其他热荤美食—烧猪肋骨及脆炸虾多士,绝对令大家滋味满载。
下午茶自助餐嘅甜品区都好丰富,有仙草冻、葡挞、柚子马卡龙及8款口味MÖVENPICK冰淇淋等等㗎。
味游「鲜」境自助餐详情!
自助午餐 时间: 12:00pm - 2:30pm 星期一至五: 成人$398、长者$338、小童$238 星期六、日及公众假期: 成人$468、长者$398、小童$298
时间: 3:15pm - 5:15pm 星期六、日及公众假期: 成人$288、长者$228、小童$188
时间: 6:30pm - 9:45pm 星期一至四: 成人$778、长者$678、小童$478 星期五至日、公众假期及公众假期前夕: 成人$798、长者$698、小童$498 |
The Place
地址: 旺角上海街555号香港康得思酒店L楼层
电话: 35523200