影片
港铁观塘站 B2 出口, 步行约4分钟
继续阅读
电话号码
66837834
营业时间
今日营业
11:30 - 22:00
星期一至五
11:30 - 22:00
星期六
11:30 - 19:00
星期日
全日休息
公众假期
全日休息
公众假期前夕
11:30 - 22:00
以上资料只供参考，请与餐厅确认详情
有关奖赏计划
今晚約左朋友係觀塘食飯，朋友介紹最新新開左一間主打吉列千層豚肉嘅日式食堂🐷見到店鋪採用嘅豚肉係來自北海道千歲地區，用含15%北海道大米嘅飼料養殖，令豬肉不帶豬膻味🐷輕型二人套餐 $239雜菜沙律． 蟹籽沙律+$10套餐本身有細沙律，加$10仲可以升級蟹籽/煙三文魚/牛油果大沙律，沙律菜新鮮新爽，落埋芝麻醬仲惹味是日餐湯餐湯係蜆肉薯仔湯，湯面仲擺左幾粒魚仔餅好可愛☺️千層吉列豚千層原來係指將豚肉片逐層逐層疊埋而成，呢個做法比起一般豬扒juicy同提升口感，而且炸得外脆內軟，咬開非常鬆化· 秘製日式咖哩飯 - 味道溫和，散發微微甘甜味，撈埋米飯食一流豚肉生薑燒豚肉份量幾多，脂肪分布平均，醬汁甜甜咸咸，加埋洋蔥一齊食仲惹味，微微薑味令豚肉更清爽又唔油膩· 鴻喜菇炊飯 - 炊飯充滿菇菌香氣，單單米飯已經食唔停口蘆筍炒雜菜食完熱氣野，食返個炒菜啱啱好，蘆筍清甜，正好一解油膩感Unbloodymary +$12健康版bloodymary，用紅蘿蔔、橙、蘋果、提子同梳打水調製而成夕焼け +$12特調珈琲espresso 配埋橙汁令味道除左有珈琲嘅甘香，仲有橙汁嘅酸酸甜甜，好開胃海鹽雪糕
继续阅读
見廣告介紹觀塘工廈中有一間食吉列千層豚肉嘅餐廳，睇相勁吸引，是晚就同朋友嚟試下。小店在成運工業大廈中，地點都唔難搵嘅。上到嚟餐廳光猛企理，感覺唔錯。店員好快送上水同qr code，可自行落單，亦有介紹今晚晚餐餐牌，佢話餐廳主打戶米豚，鍾意食豬肉嘅一定要試下。⭐餐湯落完單，好快就送上餐湯，是晚餐湯係蕃茄湯，個人覺得偏杰身咗少少。⭐千層吉列豚芝士流心版一心係嚟食千層豚肉，梗係試下佢哋嘅招牌千層吉列豚啦，揀咗有芝士流心版本，而呢款吉列豚除咗可以配烏冬、飯外，仲可以造成漢堡包，幾有創意呀😆千層吉列豚咬落香脆多肉汁，滿口嘅肉香帶甜味，漢堡包鬆軟，夾了生菜、蕃茄等正好去腻，而醬汁揀了牛油果醬完全冇稀場，勁多牛油果好開心呀。伴碟仲有炸薯條同沙律，大大份，好味又好飽肚🤤⭐一口翡翠千層吉列豚另一份都係叫咗千層吉列豚，不過呢款中間夾有翡翠苗，捲起再炸，賣上好吸引🤤肥美嘅豚肉片中間夾咗菜苗，香口又清新，真係好好食🤤另外主食揀咗秘製日式咖喱沾烏冬，烏冬彈牙，拌上咖哩醬就係美味。⭐炸洋蔥圈跟餐加小食有優惠價，叫了炸洋蔥圈，一客入面都幾多，炸物本身就冇得輸。⭐慢靈魂 & ⭐晚霞最後就係特飲啦～餐牌上五款特飲都好吸引，頭三杯係咖啡，後兩杯係梳打，考慮良久後決定要緩緩空氣慢靈魂同夕燒晚霞😘前者如餐牌所講係可以飲嘅提拉米蘇，又香又滑勁正😍後者係橙汁加黑咖啡，酸酸甜甜又香口，都好好飲呀。餐點好食飲品好飲，餐廳環境又唔錯，價錢亦不貴，值得再嚟👍
继续阅读
觀塘好多工業大廈裏面都有一啲出色嘅餐廳，只要你肯在觀塘捐窿捐罅，總能找到性價比高的抵食小店。今日搵到一間食千層吉列豚嘅日式餐廳，實在令我大驚喜，因為發現佢啲豬扒，無論質素，煮法，都好過出邊好多大型嘅日式餐廳。餐廳位置位於成運工業大廈。 餐廳冇華麗嘅裝修，入到去，會見到牆壁有富士山大油畫，令我有啲震撼感，職員仲非常好友善。千層吉列豚漢堡包 (芝士流心)係舖頭嘅主打！製作過程一啲都唔馬虎，全自家製，每塊都有13至15層，指定用北海道千歲米豚，用梅頭肉位，一層肉，一層油，一層芝士，一層煙肉，係一層一層搭出嚟豬肉片，超驚喜！肉香及芝士鹹香，口感味道都豐富，鬆脆又多汁！日本北海道戶米豚 （吉列）配沾烏冬舖頭採用日本北海道戶米豚，厚切，豚香濃，豚肉只係簡單以鹽及胡椒調味，簡單醃過已經炸得好吃！咖哩也經過自己調配，不是傳統日式咖哩，加入了港式及馬拉咖喱風味，微甜帶辣，味道有層次！富士山泡沫梳打，加上海鹽奶泡，一啲都唔甜，塑造到一杯好清新嘅飲品！賣相仲好靚添！慢靈魂飲得Tiramisu，層次分明，奶蓋夠晒滑，口感豐富。飲品加甜品，一杯嘢兩個享受！
继续阅读
觀塘工廈出名臥虎藏龍同事今日放工帶我黎呢間Kitto Katsu食晚餐餐廳主打千歲う米豚簡單黎講就係日本豚肉單係呢點已經夠吸引我呢個觀塘打工仔來朝一朝聖餐廳以工業風簡單佈置好處是樓底甚高 而餐桌之間距離甚開方便同朋友傾計 岩晒我地 //千層吉列豚(芝士流心) X秘製咖哩湯烏冬 $150//重點是要試呢個!芝士流心的千層吉列豚是以千歲う米豚吉列炮製千歲う米豚含有15%北海道大米的飼料養殖幾乎沒有豬肉的異味肉質蓬鬆且甜 豚肉入口多汁而且嫩入面有流心芝士吉列炸得好酥脆又唔會太厚粉口感不會覺得油膩而且真係做到千層的口感豚肉，吉列，芝士清楚見到同食到個層次感 另外選配秘製咖哩沾烏冬手打烏冬入口口感煙韌微辛的咖哩同芝士加埋吉列豚加埋一齊呢個口感真係世一 //牛肉漢堡扒X秘製日式咖哩飯 $148//同事之前食過芝士吉列豚所以今次就試下呢個牛肉漢堡扒\估唔到牛肉都好出色大大塊的漢堡扒厚肉牛味超濃郁 配飯又是另一番風味咖哩少甜微辣令人開胃混埋飯一起吃先正連平時唔食飯既都可以KO整碟 //炸墨魚咀//呢個都幾出色香脆得來又Juicy 又有口感!感到油膩的時候用沙律醬食食下食下好快清空//緩久空氣//咖啡同奶蓋入口有Ｄ似Tiramisu的creamy感甜甜的口感不錯//夕燒//Espresso + Orange之前未試過以為咖啡既苦澀味加上橙既酸味應該都幾有挑戰性估唔到正正就是兩者既不同香味混合令入口味道又是估唔到的出色!
继续阅读
🇯🇵🍛🍹打卡飲品配千層吉列豚🛎️雖然喺工廈入面，但係餐廳嘅環境好靚，而且好安靜好適合傾偈，亦都冇限時，店員服務態度好好，會不斷加水。✅周打海鮮湯先上嘅係每人一碗周打海鮮湯，真係超好飲，絕對唔係溝粉，Creamy香濃得黎入邊亦都好足料，除咗面頭有三粒魚仔餅，裏面都有唔少紅蘿蔔粒、蜆肉、洋蔥等。✅ 一口翡翠千層吉列豚 -$108一份有6件，外皮炸得香脆乾身，唔會覺得好油膩，裏面係豚肉包住咗一紮翡翠苗，有菜有肉，口感吾錯，旁邊仲有炸豬扒汁、他他醬、芝麻沙律醬任加。旁邊仲會有啲沙律菜。主食可以選沙律菜、秘製日式咖喱飯/ 天使麵/ 烏冬、漢堡包加薯條。我揀咗天使麵，咖喱汁會分開上，但值得一提嘅係個咖喱汁真係超好食，佢唔係日式嗰隻咖喱汁，而係微辣、好香椰汁味嘅茶餐廳咖喱，而且裏面有唔少配料，包括紅蘿蔔粒、薯仔粒、洋蔥粒等。✅XO黃金千層吉列豚 -$138原本想食芝士吉列豚，但呢款係中秋節期間限定，所以試下。真係好邪惡，一層層嘅豚肉裏面包住咗仲有少少流心嘅鹹蛋黃，再拎去炸，好食但會有少少滯。而XO醬係另上嘅。呢個主食揀咗漢堡包加薯條，同樣都好高質包皮煎香過，配xo醬都好好食😂不過本身入面都有蜜糖芥末醬，另外包裏面都仲有新鮮嘅蕃茄同生菜，除咗薯條，伴碟亦都有沙律菜。✅緩々空気+$12特色飲品跟餐只係需要加$12，真係冇理由吾加😆杯飲品超靚，層次分明，上面有塊好正嘅Lotus，再有層咖啡粉，好厚好滑嘅奶泡，同埋底層有少少咖啡，但係咖啡味唔係好濃。不過都真係飲得嘅tiramisu。✅富士山+$12呢杯都好靚，一層深藍一層淺藍，但好似差咗面頭層白色奶泡，味道都好特別 ，係海鹽梳打，鹹鹹地好得意🆗炸物拼盤 -$48拼盤有雞軟骨、雞扒、薯條、魷魚圈，份量都足夠，但雞扒有少少厚粉，相對冇甘出色。
继续阅读