やき肉 (已結業)

今日好想去食燒肉,但得自己一個人,點好呢?突然諗起有間bookmark 左想試既一人燒肉店,所以放工後嗱嗱淋去食啦由於7:00pm 前到,所以都仲有好多位一坐低,店員就會介紹用ipad自己點餐由於我第一次去,所以要睇有咩食而個ipad 係要抬頭睇既,所以睇睇下頭同手都有d攰我叫左個牛小排(100g)餐 $98(包一款前菜+湯+白飯)前菜我揀左泡菜湯+ $18 轉人參雞湯另加牛板健(100g) $44另加豬五花(100g) $29~人參雞湯同宣傳單上非常唔同,$18完全被騙佢有5款醬汁提供,我最鐘意燒汁~燒汁牛小排(100g)~蒜蓉牛板健(100g) ~鹽燒豬五花(100g)(左) 牛小排, (中)豬五花, (右)牛板健牛小排比較油膩豬五花較干同硬牛板健最好,最適中

一直以為”やき肉”(Yakiniku)是燒肉like集團，原來唔係，而且得深水埗同將軍澳有分店。不過同燒肉like類似，やき肉同樣係平價燒肉，用平板落單，而且有好多一人位，就算一人嚟到都唔會尷尬。不過今次三個人食，可以每種肉都試啲。牛有分牛五花、牛小排、牛板腱，豬同雞就各一種，另有牛舌、壺漬肉等等。睇番menu，大致上都係200-300g肉連小食、飯同湯，有個別set會有更多肉。個人食300g已經食到勁飽。其實肉嘅質素就普普通通，倒是蒜蓉汁同辣醬襯得幾好食。牛五花雖然肥但係食落比預期中好，牛小排就真係好食啲，牛舌就普通啦，放題料。價錢就好合理，300g肉set普遍都係100鬆啲，平日更有白飯任裝。難怪而家啲一人平價燒肉店一街都係。

將軍澳寶琳站附近的燒肉店很少，僅有一家吃和牛級數的燒肉店。現在開了這家やき肉，食燒肉可以多一個價格相宜的選擇了！這店是走一人烤肉路線，每人一爐的燒肉。每個座位都設有點餐屏幕，圖文並茂，點餐過程清晰容易。點了一份牛五花+牛板腱混合燒肉set，有100g/150g/200g的選擇，還可以揀鹽燒/汁燒。套餐價錢包含前菜、飯及湯。前菜是麻醬豆腐，味道正常。湯的味道很清。桌上有足夠調味料，由於我選擇汁燒，都好夠味，所以加點檸檬汁來吃，沒那麼容易膩。牛五花看似肥膏很多，但燒好後比起牛板腱好吃，牛板腱偏瘦，燒好後有點乾身。另一份是牛板腱+牛舌set，選擇鹽燒，調味恰好，不會太鹹，額外蘸調味醬汁也不會太濃味。牛舌幾香，口感軟稔得來帶點咬口，以這個價位，算是不錯！再點一杯冰凍大啤酒，埋單的人均消費都不超過$150。這個價位的牛雖不是高級貨，但品質過得去。

飯又話日本米，一食就知金象泰國米，得2塊牛肉，2舊雞肉，雞肉重要有怪味，個湯有血水味，唔知係咪同生肉放埋一齊，重要貴餐都咁質素，牛舌做promo一碟得幾塊，晚餐份量一人份量都唔夠，只此一次，衰話燒肉like

第一次試不過真係好唔掂首先個Mon位置好高好難用用黎睇menu睇到頸都痛第二個湯淡如水第三肉類質素低下好少咁難食個爐勁細一人用就得兩個人share 根本每次只可以燒一人一片要燒耐啲雞肉時就有排等無label果支醬係蒜蓉醬入口有陣酒味好奇怪

我同行2人，一個去左廁所我諗住拎位先。店員話要人齊先可以入，ok冇問題，我等。跟住有一行4人，話自己有6人，2個黎緊，店員問佢5分鐘到未？ 佢地話ok, 然後就俾佢地入左去！我問：又話人齊先入得？佢依然堅持要我人齊先俾入⋯⋯我即刻話唔使了。你要人齊先入得冇問題！但唔該你一視同仁！垃圾店！

剛剛食完午飯行去新都城，見到呢間燒肉店，就喺地鐵站出口斜對面馬路，睇完餐牌覺得超級抵食，明明飽咗都行入去試下，叫咗下午茶豬五花腩，加多一罐烏龍茶，都係41元埋單，飲品一般都係加三元，除左烏龍茶加五元，但係唔加飲品到可以，因為會有一壺清水畀你，嗰餐有一碗白飯一個小菜跟，小菜有幾樣野選一樣，沙律/韓式泡菜/枝豆/冷豆腐，我選咗韓式泡菜，味道正正常常都可以，白飯普普通通冇乜特別，豬五花腩有六片，噉嘅價錢肉質都冇乜可以要求，食落有d硬，但係我60幾歲都可以食到冇問題，醬汁有幾款揀，我揀咗蒜蓉汁同埋味噌汁，蒜蓉汁幾好，好重蒜蓉味好香，但唔會好辛辣嗆鼻，麵豉汁超好味，中途我將兩隻汁混埋更加好食，食完我都試埋其他幾隻汁，平平無其可以唔用，老實講呢個價錢仲平過去茶餐廳，下星期我應該會再去試下牛肉，亦要提下佢個燒爐好夠力，開最細多小小唔使到中火已經夠用，如果用中火會好快濃，員工服務態度都好0k，出餐好快，值得推薦

今晚第一次食，等咗一陣就有位，叫咗個300g牛五花，侍應態度好好，過來查詢還未確認落單，原來漏咗按確認。座位都算OK舒服，只是抽氣功能需再改善。份餐送到來，份量都好大份，肉汁豐富，送白飯一流。下次一定再來幫襯。

嗌咗一個200 g嘅牛set ，分量出乎意料地多，啲肉都好多汁，同埋真係超級香，一啲都唔難咬，油脂都好平均😻座位方面整體都唔錯，但全部都要坐高凳變相就坐得冇咁舒服😢服務態度係好好，員工都好耐心咁上菜同埋提示我哋物品可以放喺腳下好開心係不設加一，但調味料嘅衛生要改善因為全部樽都癡粒粒😭成個過程都好開心唯獨有一點不足嘅就係佢嗰個火候控制得唔係好好，就算開到最細火但係嗰啲油煙都係好多，而且佢吸油煙嗰個位置火力唔夠，所以會令客人係咁咳同埋隻眼會唔舒服😢😢