ラーメン松壱家

营业中

休息中

喺灣仔行出銅鑼灣，嚟度一條好多拉麵店嘅登龍街，突入左呢間松壱家，叫左個特松醬油豬骨拉麵，本身點左濃味，但細心嘅服務員話我知會比較咸，建議我選普通，👍🏻。麵嚟講，我點普通軟硬度，而食落偏軟，對面枱都係話喜歡硬身少少，料好多，日式叉燒都四五塊，係偏肥美嘅，溏心蛋剛好啦，湯底濃度適中，但我諗我鐘意就咁特濃豬骨多d (但日本人入嚟通常叫醬油湯)。 (Rate: 7/10)個人比較喜歡大坑拉麵來嘅叉燒，豚王嘅麵 .-

好坦白咁講，好多拉麵鋪個湯底麵好味精但呢間就無咁既感覺！個湯飲落好味就自然贏過好多拉麵鋪麵有粗幼比你揀！個人偏好幼麵！價錢亦係市價分大碗細碗，hkd8x~11x我覺得可以翻兜都ok!試下亦無妨

第一次食雞湯的拉麵，未見過其他拉麵店有雞湯，覺得幾特別幾好食，填了濃湯。叉燒很軟，有口感。好奇個檸檬有甚麼用……當我食完麵加檸檬汁落湯，發現湯味好像中和了，沒那麼濃，我猜是令湯無咁濃，食到尾易入口……我猜是這樣它試業時$38一碗拉麵，超值，買單時他給了張$58優惠券，現在就用了。見意試食試雞湯，夠獨特。豬骨湯都試過，食完覺得好口渴。覺得陪料不吸引，有辣菜（好似十八座狗你粉咁辣）和蒜泥，醬油……

前言：食過拉麵後不夠一個星期，還未寫完這篇食評，拉麵店已經搬遷至登龍街現址。登龍街的商廈除了是眾所周知的美食集中地之外，地舖則被越來越多的拉麵店所佔據，逐漸變成《拉麵格鬥場一條街》。既然舊店已經搬遷，這篇食評只好搬到新店來。阿媽話想食日式拉麵，「一聲令下，莫敢不從」，立即搵間人氣之選，當然不是港式日本料理的拉麵或「味X拉麵」之流。講起「味X」，想當年進駐香港，打正旗號宣傳為日本九州熊本市的著名拉麵店，並採用九州風味的馳名豚骨湯底，還要宣稱每日新鮮熬煮。當年在沒有其他選擇下，其門如市，之後分店越開越多。後來，被傳媒踢爆只是以濃縮湯底開水，再加上很多更高質素的日本拉麵店過江龍進軍香港市場，終於認識到什麼叫做真正高手；香港的「味X」也逐漸淪為快餐店級數拉麵。講番「媽打」指令，近兩三年實在太多日本拉麵店打入香港市場，每間都有其特色，食評也有彈有讃。在沒有絕對性優劣情況下，決定選擇一間位處旺區、但又離開核心地段的拉麵店，取其有點秘店的感覺；最終揀了「松壱家」。「松壱家」在現址開業接近三年，舖位前身也是拉麵店。門面裝修以鮮紅色為主調，很顯眼。以拉麵店來説，「松壱家」算是相當大了，有數量不少的四人枱

自己本身好鐘意食拉麵, 近日比我誤打誤撞入去試咗呢間松壱家拉麵店! 其實成條街有起碼4-5間拉麵店! 但我比佢d 相吸引到 , 而且又唔想等, 見佢有位就即刻入去試下! 我叫咗個醬油豬骨拉麵加調味蛋! 個拉麵湯底好濃郁, 質感好厚! 因為我唔係揀特盛, 所以只有一塊叉燒! 叉燒肥瘦度適中, 因為我唔喜歡太肥的, 唔會覺得咬落去肥淋淋! 口感OK, 不過如果厚度可以再切厚少少就會再好d ! 味道有醬油醃制過的感覺, 唔會太咸, 因為有少少肥肉, 所以入口有少少油香, 唔錯! 要講比較遜色的, 則會係個調味蛋。因為隻蛋並不是流心的，個蛋黃是剛好實心，雖然未至過熟，但如果流心味道會更好！蛋白都入味，但唔夠濃味，如果只咬第一口，會感覺唔到有調味！　但總括而言，銅鑼灣區內食過咁多間拉麵, 呢間湯底係最好 , 叉燒我會覺得霸嗎好食啲，而流心蛋我會選擇豚燻 =p  

之前店子原本在利苑附近的時候，小人已極想一試。今番搬到登龍街的拉麵戰場，令競賽氣氛越來越烈。有水準的拉麵絕對不怕貨比貨。是日新搬的店子只有醬油豬骨拉麵與雞湯拉麵的選擇，兩者之間小人要了雞湯的。先說雞湯，濃滑醇厚，雞香豐盈，喝完是一口的膠質。來自橫濱的拉麵屬幼麵，硬麵爽彈有致，唯份量較少；叉燒亦只得一塊。此外就是一些炸蒜、蔥及半只過熟的溏心蛋。喬遷之喜，喜在這碗原價$78的拉麵只收$48，免收加一，食味是不差的；然而店外未見人龍，未知是否與其份量有關而已。