一休(居食屋)日本料理 (長發廣場) (已結業)

說實話我同男朋友周末都好仲意去睇戲睇戲前都仲意黎一休食個飯今日原查好想食芝士蟹子軍艦同栗米軍艦好可惜壽司方面真係唔好食但拉麵同平時一樣無失準湯底同拉麵既軟硬度岩岩好！但係啲蝦唔新鮮唔係新鮮蝦我覺得呢到既二人餐其實好抵食有小食又有湯律同兩個主菜 抵食到不得了但係星期六日唔提供我推薦呢到既炸雞 真心好食平日黎食多數唔洗排隊 但星期六日就會多啲人需要拎籌

啲飯仲差過爭鮮 痴埋一舊 勁難食 完全唔知自己食緊啲乜 食到最後淨返6 7舊係度個餐跟埋個烏冬 不過不失 但係仲好食過壽司 真係搞唔掂 個餐有舊壽司 應該係劍魚腩 勁薄 就黎可以比風吹走， 薄都算 師傅嘅刀工差到一個極點 竟然可以切到舊魚少左一忽不過，和牛有驚喜三文魚腩最正常

第一次幫襯亦都係最後一次幫襯！服務態度差！食物質素差！話說一家三口叫了兩個餐！另外叫了些手卷！D手卷非常之唔好食！爭先都好過佢！又寫漏單叫個侍應check下！條友態度極之惡劣！話落單㗎啦咁多人等下啦！一等成粒鐘了！最激氣就係再問佢又係等我同個女都食完啦！之後同佢講話我地唔等啦！等成粒幾鐘！佢先話check單如果落左單冇得退！我話之前叫你check吓你又唔check!宜家人哋走你先至嚟check!最後真係漏單！個男侍應應該係阿頭！個樣黑到好似爭佢錢唔還咁😡😡😡😡

冇諗過係屋邨既地方都有間算係高質抵食既日本餐廳，平時行過都見好多人，排晒隊咁，今日難得收早返到屋企又唔想煮飯，所以落街食，似便試下呢間日本餐廳嘅質素。門口見到嘅餐牌都幾多選擇，有燒物、小食、刺身、壽司、手卷、拉麵、炒飯等等。。。我哋叫咗個火炙三文魚卷物，份量都幾大件，三文魚都幾新鮮，三文魚入口即溶。燒三文魚腩，熱辣辣上枱，放入口超多魚脂，漢口油，呢個真係推薦，鍾意食三文魚嘅朋友唔好錯過。另外叫咗個黑松露帶子壽司，女朋友最鍾意食，佢哋黑松露好香好濃郁，其他壽司都唔錯。另外在叫咗其他小食，整體上都唔錯，我哋下次都會再嚟。

餐廳不是很多人， 想落單舉手5分鐘都沒有人應。 很辛苦才下了單 - 兩個角砌魚生飯 - 35 分鐘還沒來。 想追單， 但侍應視而不見， 故意避開，一怒之下起身過去理論才有 “整緊” 的回覆等了又等，食物終於到來（40 分鐘），可惜，事情還沒有完結，叫了餐但只給飯，湯和沙律都不翼而飛。。。 又再追。。。 才有。。。真是辛苦的一餐味道出奇地不錯，湯不太淡，沙律份量不多，有點兒不夠味。。。不吃也罷飯溫度OK，魚份量OK，多些少會更好。

我係一個好少寫食評嘅人但係經過今次我真係忍唔住啦 嬲到果次我去食晚飯叫咗個魚生飯 一入到去佢哋嘅態度已經好差然後個魚生飯等咗差唔多9個字先到 我覺得我已經算好人 等咗半個鐘先開始催佢明明間鋪唔夠人但係係咁keep住接待啲客入嚟但係冇人傳菜半個鐘之後 望住我個魚生飯係出餐位擺咗15分鐘又有昆蟲飛擺到我面前一食落去 陣雪味出晒嚟感覺解凍技術唔係咁好再講埋個麵豉湯唔知係咪用粉沖出嚟 同埋 唔熱大家唔怕伏可以去試 不過實有人話咁嘅價錢 食出嚟嘅嘢係咁上下冇嘢嘅 呢個只係我嘅意見 你可以照去食完

地方夠大 舒適，但員工態度極差，要睇住面色入去依野， 真係唔會再幫襯， 食物款式OK，煎蛋友清魚腥味，烏冬唔夠熱，食落去只係溫， 要客人迫迫埋埋一邊坐位，但坐位是足夠的

今晚黎左長發商場既呢間日本嘢食晚餐醫肚，係正地下個層，當眼位好易就搵到，呢間一休街坊價錢幾抵食，但食物質素一D 都唔馬虎架呢到裝修以和式風格為主，大部份都係卡位，分別有2人，4人，6人卡位，感覺好舒服，臨走出門口個陣仲見到有張圓檯同包廂房，真係唔錯有d特別食物特價同埋2人套餐，都幾化算價值$39.9 10件三文魚刺身最愛既角切魚生飯豬軟骨石頭鍋飯火炙三文魚卷，仲有鰻魚卷酥炸廣島蠔總括呢個屋邨商場，呢間日本餐廳算幾高質，大家下次如果經過長發商場，強烈建議大家可以黎試下

嚟咗青衣呢間日本餐廳食，晚飯時間餐廳好多人，所以要搭枱。我哋叫咗二人餐，價錢好抵$198，可以揀兩個主食、三款小食、兩杯嘢飲主食我哋揀咗兩個叉燒拉麵有4塊叉燒，叉燒係半肥瘦，燒到有少少脆邊，好香！仲有隻鹵蛋，拉麵個湯底有好香濃豬骨味！小食揀咗珍寶蝦刺身、鹽燒雞翼、日式餃子珍寶蝦刺身好大隻呀，好新鮮、勁多蝦膏鹽燒雞翼有三隻，鹽味啱啱好、唔會太咸日式餃子就冇乜特別，正常餃子味呢間日式餐廳真係好抵食，唔好睇佢價錢咁平，原來食物質素都好好㗎 ！會繼續幫襯！

依日因為去咗青衣嗰邊打波，有朋友就帶咗我嚟依間日本野食晚飯😗😗佢嘅門口好易搵！見到佢晚市都係50幾蚊起，好難想像佢餐牌入邊有冇其他更加貴嘅嘢食。叫咗個荔枝梳打🥰總共叫咗兩個魚生飯，一個係特盛海鮮魚生飯，一個係三文魚海膽魚生飯。佢上菜都上得幾快，落咗order 10分鐘就已經有得食！魚生飯偏酸，係我鍾意食嘅味道(⁎⁍̴̛ᴗ⁍̴̛⁎)而且魚生都好新鮮，海膽亦都唔苦，整體上來講60幾蚊呢個價錢絕對係超值！串燒嗰度叫咗兩串，一串係厚切牛舌，另外一串係雞肉，因為都係即叫即燒，所以就要等耐少少，不過都係值得等嘅！牛舌爽口而且夠厚身，唔會燒過龍搞到好鞋。另外叫咗個清酒煮蜆，蜆肉新鮮之餘亦都冇沙，同埋個湯底亦都好夠酒味，粒粒都係肉，冇死蜆！最後買單兩個人食咗$300，食日本野來講，仲要叫咗咁多嘢食，$300都真係好抵。

今日考車成功，同女朋友去慶祝下，就揀左呢間日本壽司店🍣呢間舖頭既食物多選擇，高質之餘又平，今晚8點到，都已經坐左好多人，睇黎呢排既活動都冇乜點影響😂😂選擇真係好多，有軍艦，拉麵，炒飯，刺身，鍋物，真係多到唔知點揀好。先叫咗個黑松露帶子炒飯，黑松露嘅份量比我想像中多，另外帶子粒真係好多，兩個人食真係啱啱好，再加上我女朋友好鍾意食飯，真係一個唔錯嘅選擇。日式餃子，新鮮煎起好脆，豬肉餃子熱辣辣好好味。多春魚同雞翼新鮮燒起，味道香口濃郁。最後叫咗個三文魚卷物，份量都幾大舊，由於我哋食咗個炒飯，再加埋呢個卷物真係好飽，面頭塊三文魚都幾厚，你會食到啲刺身好新鮮。

今日見收得早，約左friend去長發廣場食晚餐，就係貪佢夠方便、夠近👍🏻 待應派餐牌比我地時，仲提我地1900前落單，刺身、壽司有85折，抵食喎又～我地叫左：1. 珍寶雜錦牛肉鍋 (58HKD)2. 一份刺身 (238HKD)3. 珍寶蟹籽沙律 (38HKD)4. 鰻魚卷一客我地點完餐10分鐘唔夠就開始陸續上菜，已飯市高峰期來講真係上菜上得好快珍寶雜錦牛肉鍋率先上菜，秋風起涼涼地，最適合食下鍋物！個牛肉鍋50幾蚊，有6塊靚牛肉、蛋、同菜，真係好扺食！之後再上刺身，啲刺身最surprise嘅係 夠 厚 切！鮮甜就唔洗講，但甘大方切甘厚真係好少見！第三樣上菜嘅係 珍寶蟹籽沙律！我同朋友初初以為係細細碟，點知佢上左一盤😂 如果雀仔胃嘅朋友，可能食沙律都飽左！最後，我地加多左份鰻魚卷，最欣賞嘅係 佢鰻魚汁比得好足！唔需要豉油都唔會覺得dry！另外，佢中間包左青瓜，balance到鰻魚汁嘅甜味

來青衣探叔婆順便食個晚飯，在長發商場找到這間店，門口的一休小和尚很顯眼，年紀大的人都覺得很親切。裝修以木為主題，給人很舒適和清幽的感覺，能放下心來吃飯。Menu好大的一本，款式可比一般市面上的放題菜式數量，刺身、壽司當然少不了，也有精心料理且價格相宜的飯麵和熟食，豐儉由人。難得來一次青衣，就叫得豐富一點吧。一共四樣：唐揚（蘇炸的意思）墨魚咀、四點刺身拼盤、燒紐西蘭羊架和黑松露帶子炒飯，炒飯還送一個味增湯。墨魚咀先上枱，外脆內軟，有墨魚味。以前讀書時在火炭那些大排檔經常吃，很懷念的味道和口感，這家店都能重現出來。接著是刺身拼盤，看價錢和圖片以為份量只是一般，但出乎意料的是每一塊都很大塊。香港人吃得刺身最多的時候應該是放題吧，但和放題那種吃極不飽的份量比起來，這裡一塊就有果腹感了。筆者近來最喜歡的黑松露味道，被我發現了絕對不放過，這個飄著濃濃石油氣味的炒飯有很大Pat黑松露醬，帶子也很多。每一口都有香味的同時，香味還很持久。雖然人類的嗅覺會疲勞，但在筆者品嘗其他食物之後，再吃這個炒飯，它的香味又會回復。說到香味，這個羊架也是不能錯過。放在桌上那羊的獨特香味已經鑚進鼻內。咬下去表皮是烤得香脆

上次同朋友食過一次覺得可以再encore，所以就算遠左d都尼多次食。餐廳好闊落，坐得幾舒服，幾乾淨。我同朋友叫左幾樣小食加刺身壽司，一個主食，真係好飽紫芋甘栗餅芋頭未都幾出，好creamy，最重要係有粒粒栗子係入面嫁沙律醬可以唔點都得，因為本身已經夠味蒲燒鰻魚串份量比想像中少。。。但厚肉唔腥，本身唔好鰻魚的我都幾鍾意食燒三文魚頭睇落去都唔錯，食落挺香的，食落唔腥，肉都挺多燒三文魚卷size都幾大，三文魚較厚身，飯唔會好腍唔易散豬軟骨拉麵豬軟骨肉多，唔韌，不過如果軟骨可以多少少就好喇;拉麵同平時食的唔同，佢係比較曲身同硬身，聞落都幾香壽司就細細件，玉子壽司個樣同味道同平時的唔同，幾特別三文魚同平時差唔多，不過佢就較厚身

係青衣附近行下 入咗長安邨嘅商場 見到呢間一休日本料理嘅價錢都幾便宜 就入咗去食晚飯首先叫咗多款唔同嘅壽司有火灸和牛壽司 大拖羅壽司 味道同油脂都還好炙燒黑松露帶子壽司 帶子鮮甜新鮮仲有肥美嘅炙燒三文魚壽司 炙燒左口魚壽司水準ok嘅油甘魚腩壽司 同埋幾特別嘅盛夏壽司 值得一提佢嘅海膽都幾新鮮 賣相亦幾靚 幾有特式卷物係火炙三文魚加州卷 大份得嚟燒三文魚都肥美 味道新鮮 食得好飽和牛粒串燒兩串和牛嘅味道突出 韌度適中 配上串燒汁亦燒得好香 食得好滋味燒黑毛豬腩串都好香 肥瘦均一 魚生飯叫咗槍燒三色飯有燒帶子三文魚同左口魚 燒魚生水準ok 唯獨是米飯就夠為腍埋一齊 不過整體份量都好多架最後仲叫咗個黑蒜油蝦拉麵 黑蒜油湯底濃郁帶有香味 拉麵亦有彈性韌度適中 食得非常飽足