影片
营业时间
今日营业
09:00 - 00:30
星期一至日
09:00 - 00:30
以上资料只供参考，请与餐厅确认详情
香港其中一個最具特色嘅文化，除冰室茶記外，其實牛腩麵店都充滿一種情懷，位於長沙灣的【一興粉麵】有別於一般傳統嘅麵檔...入面座位整齊，間隔OK唔會太逼，燈光光猛而且十分企理乾淨，啱哂中意舒舒服服食嘢嘅我！今日同住附近嘅朋友第一次食呢間，聽聞仲有間喺深水埗，朋友話佢嘅牛脆骨好有水準！眼見師傅認真製作，一人企檔唔夠味都可以加味，但我冇用過～✨蘿蔔崩沙腩河粉 崩沙腩是牛腩中最矜貴的存在，它是牛的橫膈膜，表面有一層橫膈膜連著腩肉，筋膜連少少肉，軟腍味香，肥瘦剛好，可謂牛腩中的極品蘿蔔清甜無渣，同崩沙腩嘅肉香平衡得好好，回味無窮！再喝一口清甜牛骨湯，大滿足。睇圖都見到做到肥瘦相間，處理得很好。✨牛脆骨河粉咩係牛脆骨 ？牛脆骨係牛嘅氣管，由軟骨環組成，非常罕見嘅部位，唔係間間都有得食！雖然成日周圍食嘢，但係我都係第一次試呢個部位！佢嘅獨特口感好有驚喜，味道嚟講佢哋有用滷水汁係熬煮牛脆骨，滷汁融入本身河粉湯底後變成第二款湯底，河粉索哂啲精華食得嚟非常過癮！店員話牛脆骨含有豐富的膠原蛋白，聽完仲想Encore添！✨炸魚皮咸咸脆脆嘅炸魚皮點落湯底食法係世一！每次食粉麵必嗌嘅side嚟！叫多兩杯飲品，杯奶茶都有啲驚喜【一興粉麵】最令人印象深刻嘅除咗嘢食好味之餘，價格上亦非常相宜，加上咁乾淨嘅環境，我諗第時去開長沙灣嗰頭搵嘢食我都會諗起呢間粉麵檔先！.如果係牛腩愛好者，呢間麵舖我覺得好值得一試。記得不要錯過喔！
继续阅读
幫襯好多次，食物好食價錢相宜，唯一好差係個態度：次次想要多蔥都會有說話聽🙄，CLS，咁我係唔介意加錢買多蔥嘅，今次叫外賣打電話過去跟進，2次都被cut線，咁唔想返工 可以唔撈，好基本返工態度都無
继续阅读
長沙灣出名小店多， 今日嚟咗呢間食牛腩嘅， 質素相當唔錯。 舖頭座位以小店來說， 坐得很舒服。 而且店舖內， 地方相當乾淨， 感覺不俗。 侍應(中年果位姐姐)態度親切友善， 亦都相當有禮貌。 食物方面， 崩沙腩味道不錯，麵也很好味。 支持小店，絕對會再幫襯
继续阅读
位於青山道興華街嘅一興粉麵舖，係一間值得幫襯嘅粉麵舖，裏面嘅牛腩、牛製品都十分好味，而且價錢唔貴，地點方便，我經常都買外賣返屋企食，加埋佢有自己嘅辣椒油逢送，充滿潮州嘅口味。😋😋😋
继续阅读
甜忌廉都好鍾意食潮式粉麵，簡簡單單一碗粉都可以風味無窮，今次同同事來長沙灣做嘢見到呢間裝修平實嘅一興粉麵，二話不說就入去坐低食👯♀️我叫咗個最基本又考功夫嘅鮮蝦雲吞麵，雲吞大大粒非常飽滿，麵質軟硬適中，無鹼水味，可以連湯都飲埋😋😋同事叫咗個魚皮餃丐，我試咗一粒，同樣係皮薄足料，帶有魚鮮而又無腥味因為唔夠喉嘅關係，我哋仲嗌咗個淨坑腩😆，坑腩肥瘦適中，咬落淋身唔靭，非常入味，腩汁好香濃，如果唔係太飽嘅話直頭想食多碗粉🤭🤭平民化嘅飲食同樣可以好高質，有機會要再返嚟食😚😚
继续阅读