影片
第一次来这𥚃食下午茶，见D餐也几吸引，有饭、汤面、三文治、炒意粉，选择也算多元化，重点系餐饮可以不用加钱有蜂蜜红茶，唔洗餐餐成日柠茶、柠水、咖啡果D，感觉好似比较无咁闷🤪又比较滋阴养身咁，叫了几个餐，当中有五香猪排煎双蛋米及盐酥鸡拼台湾肠加香菇肉燥米，本人觉得前者大份夹抵食啲，猪排有两块、蛋两只，米粉份量也不少，仲有杯野饮也是$32 ，价钱今时今日尚算抵食，猪排够淋，易入咬，入味，至于盐酥鸡个餐相比之下无咁抵，要$42，但碗米粉系细碗好多，盐酥鸡也不太惹味，干身，肠仔切到比较薄，食唔到平时食台湾肠，比较多汁的感觉，D香菇肉燥也比较少，这个餐有几大的进步空间·
继续阅读
一到左假日，就会想食个靓早餐，有一个good morning, 之前有朋友推介过一叶既早餐，于是就去试下啦一叶吾系第一次帮衬，之前有食过佢地既午餐，都觉得几好，几有台式风味，今次食早餐吾知会有咩惊喜。我选左猪仔包配餐肉蛋，加沙嗲牛新竹米粉。新竹米粉系本人至爱，就算佢侵汤一段时间都依然保持到个质感，每次去台湾都会食。等左一阵就有得食la，第一时间趁热食个猪仔包先，牛油香，包软熟，好味之后再食米粉，米粉吸收晒沙嗲牛既味，质地又吾会太淋，果然冇令我失望。炒蛋同餐肉就系正常餐厅质素，下次想食新竹米粉一定会再黎帮衬
继续阅读
非常欣赏新冠肺炎抗疫设施：每张台相隔距离理想，客人用餐时都可以安心及感觉舒适。无论是外卖或堂食都为每个入内客人量体温，一丝不苟。食物美味，点了自选两𩠌午餐，肉燥软糯入味，猪软骨及虾条都好食。虽然等了10分钟才有位入座，但觉值得！
继续阅读
间中都想出街食下lunch抖下气，是日又黎左一叶，贪佢个午餐几大份够哂饱。午餐牌成年都无转过，今日试下蛋饼同炒米先，饮品依然系不用加钱的蜜蜂红茶。香叶菜圃肉碎蛋饼配卤肉饭，呢度$49，真系几抵食㗎。即叫即煎嘅关系等左都好耐嘅，食晏得一个钟有啲赶，但因为即整所以热辣辣，蛋饼煎得松软，加了九层塔好香口，有四大块好饱肚。卤肉饭多酱，半肥瘦调味对胃，旁边嘅豆角就无乜味啦，当系有啲蔬菜点缀下，半熟蛋流心有蛋汁好味，加埋珍珠米真系几正。同事叫嘅台式咖哩炒米，其实即系香港嘅星洲炒米，哈哈，大同小异啦。味道正正常常，有咖哩香但不辣，米粉幼身弹牙，足料大碟，$52同样抵食。试过转珍珠奶茶但麻麻地，都系饮返蜜蜂红茶好了，冰凉解渴，有茶香又不过甜，不错呀。大件夹抵食，唔怪得要等位嘅。
继续阅读
粉岭祥华村商场新装修后，都系第一次去，整个商场都翻新了，感觉新了很多。但系就净番哂Ｄ连锁店，以前Ｄ小店都无得留低了。呢间台湾餐厅装修都系好新，感觉好干净。平日放工夜晚去食，气氛都唔错，唔会好嘈好赶咁。全部都系街坊，好多系一家大细，Ｄ食物有Ｄ都适合小朋友，而且座位都分都好开，放ＢＢ车都好方便。食物Ｄ选择都系好街坊菜，价钱又好亲民。今次系叫左鲁肉饭卤水三拼，仲有淮山炒牛肉。鲁肉饭加蛋同埋豆，好似营养会平衡Ｄ，几好味呀。好有食屋企饭既感觉。辛辛苦苦工作了一天，可以住低食一口热饭，感觉很温暧。
继续阅读