影片
营业时间
今日营业
07:30 - 22:00
星期一至日
07:30 - 22:00
公众假期
07:30 - 22:00
以上资料只供参考，请与餐厅确认详情
食家推介
咖喱魚柳飯飯嘅份量都好多，一個女仔食唔晒魚柳好大條，炸粉唔算厚，稱得上係酥脆嘅不過個咖喱就有啲頹，比較普通類似大快活嗰種啦，有幾舊薯仔喺入邊我覺得呢度係勝在都多選擇有西餐有粉麵，座位都算舒服喺黃埔想醫吓肚仔，但唔知食咩都可以試吓呢間
继续阅读
20：15分左右落單, 過5分鐘補多個單點, 又要學人用系統要客Scan QR code, 搞咗啲單點出嚟又唔畀人系統落單, 人手單丁落單又漏單, 追佢又唔嚟, 同你講取消突然之間送上枱, 三個餐兩個食曬, 都食曬啦仲嚟做乜？蘑菇湯超鹹、雜扒削到不得了、肉醬意粉衰過大家樂, 得返個薯蓉比較有誠意. 第一次嚟, 認真後悔！第一次寫食評就要投訴, 自問都唔係喜歡投訴嘅人, 但係收得咁嘅價錢, 出咁嘅貨式同服務, 真係要留畀其他人參考下.
继续阅读
平日返工前呢間早餐都好多人食，但係又未至於要排隊等位，如果想坐得舒服啲，乾淨企理啲嘅話就可以揀呢一間啦，至於食物方面份量比較偏少，但係味道OK。🌟翠玉瓜粟米芝士奄🍳列配餐包🍞呢個組合嘅奄列喺出面嘅餐廳比較少見，因為多數都係火腿或者腸仔奄列。翠玉瓜，粟米同埋芝士意外地幾match咬落幾有口感，又有埋芝士唔會太淡味。另外餐包熱熱地搽埋牛油幾好味😋。😋推薦指數：8/10
继续阅读
同個朋友響黃埔附近做完嘢，諗住搵個坐得舒服啲嘅地方食過遲來的午餐，點知去到嗰間餐廳原來下午休息，所以就行咗去附近搵吓其他嘢食，結果就去咗一品螞蟻，入到去都唔算太多人，所以即刻有位。因為已經係下午茶時間，所以我哋都叫咗下午茶餐，一個係芝士鮮茄牛肉醬煮長通粉伴鮮黃金蛋，另外就係珍寶餐。長通粉出到嚟，賣相唔錯，分量唔錯，味道都唔錯，性價比唔錯。雖然明白係成本問題，但係珍寶餐裏面嗰塊所謂嘅牛扒係幾失望嘅，因為基本上只係一塊大小小嘅牛肉片，同埋仲要有啲乾。西多士上面嘅煉奶都係比較少，所以西多士食落有啲淡。整體嚟講有好有唔好，打和。
继续阅读
🐓🥥🍜 黑椒雞扒拼枝竹鮮冬菇配椰香海鮮湯和髪絲麵 (午餐HK$55/下午茶HK$49)．湯底有椰香和海鮮的鮮甜味❤️．雞扒厚身，已切條，用筷子夾起就係食得，味道不錯，只係不要期望煎脆的口感，因為真係沒有😬．枝竹有3大片，長長的，絲滑滿豆味😋．鮮冬菇，脹卜卜，口感多汁，唯一係每粒大細不一．髪絲麵，就係比較似幼身嘅拉麵，軟身但有咬口，掛湯的🍋☕️ 熱檸茶 (跟餐 +$0)🍋🍯 熱檸蜜 (跟餐 +$3)餐廳門口就有點似西式小木屋，𥚃面多座位，不過枱與枱之間有啲逼，也有機會人多要搭枱。📌提提你：有加－服務費喔！
继续阅读