一品雞煲火鍋

营业中

休息中

同兩個friend 黎到旺角呢間一品雞煲，我自己就第一次食，但朋友已經黎過幾次，咁佢就7點左右到左，攞左位，但我地到左之後都等左around 粒幾中，差唔多8點半先入到座，等緊既時間見到出面長期都有好多人等緊位，果然食美食都要付出d 代價既。入座之後安排左我地坐卡位，位置幾舒服，咁就order 左個小辣既雞煲啦！等左一段時間先黎到，但食既時候真係覺得幾好食，好有雞味，雞肉又夠嫩滑，又夠大舊d 雞，係食得滿足既，但價錢其實都貴貴地，同埋員工服務態度麻麻地，不過都體諒佢地多野做工作忙，同埋可見到既係佢地明顯人手不足都係一個問題黎既，希望下次黎會有改善啦！

-《一品雞煲》聽就聽得多👻今年先第一次食✍🏻揀左‘秘製雞煲’小辣👀佢仲有牛雜雞煲/鮑魚雞煲/花膠雞煲 等等👩🏼‍💻🐔招牌秘製雞煲 1隻（$248）佢個辣我接受到（我是不太能吃辣的人）一打開煲已經聞到一陣陣的麻辣香🤤有芫荽、洋蔥 等等👧🏻狂吃洋蔥的我‼️唯獨是有點美中不足係啲雞好肥😫啲雞皮好厚我唔係咁鐘意🤧但個味堅正🙌🏻希望下次去有瘦點的雞吃😂😂😂🤷🏻‍♀️另外吃完雞煲後指定動作是加高湯打邊撈🤲🏻😄其實食品種類都是常見的😉今天點了👇🏻🐟魚皮餃（$38） 🐮肥牛 小（$158）🛎響鈴 （$41） 🦀冰鎮皇帝蟹柳（$48）隨便點你喜歡的吧 也沒有什麼特別伏的🌝⭕️窩心提示：營業至凌晨3:00😎🤝______________________________score:7.5/10地址：旺角花園街2-16號好景商業中心二樓分店：銅鑼灣/荃灣/紅磡

食過好多次一品，今次係最受氣。本身拎飛既時候叫號個丫姐禁太快飛左我個號碼，我本身得兩個人，朋友五分鐘後到，已知會。同我講下張叫返。點知有一對情侶拎後我一個號碼黎到 就先俾左佢地入，跟住仲叫我睇清楚張單寫住要齊人，問我識唔識字。入座嗰陣仲講粗口叫我食x到咁，唔x好食。支持左幾年，唔會再食。

每隔一排就好想食一次雞煲，食雞煲係會食上癮！今晚行行下旺角鋪雞煲癮又黎啦，就揀左一品雞煲食！一行上去見到好多人排緊隊，拎左籌要等10個左右，如果唔想排隊最好早d黎，因為呢到冇得book位，只派籌。終於等到我地，坐低梗係即刻嗌番個雞煲食先，揀左半隻最招牌嘅麻辣秘製雞煲$158，小辣岩岩好！個麻辣雞煲嘅汁勁惹味，雞肉嫩滑，d汁深透d雞肉，十分好味！另外配料叫左美國桶蠔，牛筋丸，響鈴同埋幼麵。桶蠔$128有5隻，都好大隻。牛筋丸彈牙有汁，響鈴同幼麵就夠索汁，好正

今日下午出左去旺角好景商場行街，行到六點幾想走既時候，個fd打電話來叫食飯吹水我話好佢問我食乜好，噤啱見到商場有間雞煲專門店，我就同佢哋講食呢間我攞位，佢哋話好我就上左去等位可能未到晚飯時候等左五分鐘就有位，我入去坐低冇耐佢哋就到，即刻睇吓叫邊款雞煲和火鍋配料先另外，等雞煲時叫左兩個即食小食來醫吓肚送吓啤酒先椒鹽脆豆腐：豆腐剛剛好一囗一啖，大細適中，外脆內嫩祗係椒鹽味唔夠椒鹽鴨舌：惹味可囗，啖啖肉牛雜雞煲（一隻）：雞好嫩滑好入味，牛雜都係好腍好入味，雞煲個汁好惹味，我覺得微辣都已經好辣，入囗甘甘麻麻手切肥牛（大）：啖啖肉，但肉味唔係好濃美國桶蠔：size好大隻，但冇乜蠔味炸魚皮：好爽脆，但我覺得唔夠惹味珊瑚蚌和貴妃蚌：都幾新鮮，彈牙爽囗脆炸響鈴：薄而鬆脆，索左湯汁好好味水餃拼韮菜餃：水餃餡料幾美味彈牙，韮菜餃好飽滿，好香韮菜味蝦滑拼墨魚滑：兩樣都好好，非常鮮甜彈牙最正都係個雞煲，味道非常正，火鍋配料就好壞參半不過呢間應該唔差，因為食食吓見外面好多人等位，好彩我哋早去，遲半個鐘都有排等

雞煲有水準！服務好貼心！星期五晚人多得很，但有位叫Apple 既服務員好好，可能怕我地笨手笨腳，幫我地加水，唔會黏底。點知姐姐行開左一陣，自己就搞濃左，Apple 幫我地搵另一個鍋加雞湯，面帶笑容！很開心既氣氛！

今晚約班朋友聚舊，大家想食d惹味嘅野，就去左食雞煲。本身自己都好鍾意食雞煲，不過好食嘅就好難搵，一品雞煲唔叫做頂級但佢嘅質素維持得好好，雞嫩辣香料靚，今餐都食左好多野。麻辣秘製雞煲一隻（$148）有朋友唔食得辣，所以今次嗌左微辣，唔辣嘅雞煲同唔臭嘅臭豆腐一樣！😓不過佢啲辣真係越食越過癮。建議食得辣可以嗌中辣以上🌶🌶🌶手打四寶丸（$98）啲丸係彈牙嘅，不過就成晚都浮係面，無人有衝動想食。😂😂午餐肉（$38）好厚切，應該有一罐嘅份量，都係唔錯嘅選擇。朋友話平時仲食唔夠劣食咩，但邊爐午餐肉係好食過煎😌雙拼蚌：桂花蚌/珊瑚蚌（$128）個人覺得呢個一定要食，兩種蚌淥一淥食得！爽口鮮味，不過就份量唔多。手切肥牛（$230）呢個牛本身對佢冇乜期望，點知有驚喜喎。淥完咁厚，以為又係食橡筋，點知肉腍又有肉味，可以一試！大大碟👍🏻👍🏻👍🏻蟹子墨魚滑（$88）都係好彈牙，不過有啲難整落個煲度，所以好懶，成塊倒去，變左墨魚餅😂😂😂可食可不食脆炸響鈴（$41）呢個抵食，比平時長，應該係有兩倍之多。食完一舊飽左6成，所以多人先好嗌。✌🏻大大杯凍檸茶（$40)呢杯檸茶入面應該有

每次食一品都要排隊 實在太多Fans但冇可否認佢真系好食雞煲醬汁做到好褂汁 令到D雞超級濃味但又吾會過咸先系重點 雞肉好嫩好滑食完雞會加配料打邊爐手切牛肉是必須的！ 好重牛味 無羶味而且冇乜筋 好易咬蜆冇沙 算幾大隻 好鮮味 吾點醬汁都好好食蛹蠔亦吾錯 好有生蠔既感覺 好creamy

今晚同老婆及仔仔一齊係旺角行街，老婆話好耐無食過一品雞煲，於是就去攞飛等位，。夜晚9點上到去依然有好多人係度等位，因為阿仔只有3個幾月大，同四眼知客哥哥講聲可唔可以安排卡位比我地，等左15分鐘，最後都安排到比我地。入座後叫左半隻麻辣雞煲(小辣),店員周不時會過黎望下個雞煲得未，服務態度好好。講返隻雞質素，呢個價錢算係咁，無得挑剔。跟住我地仲叫左響鈴，濃汁頁丸，鮮淮山，墨魚滑。貢丸味濃，墨魚滑又彈牙，響鈴就索晒雞煲既精華，回味無窮!

和朋友相約要在旺角食雞煲，暫時喺香港覺得最好食嘅秘製麻辣雞煲必屬一品每次到來的時候我發覺都會有很多人在排隊，今次約早少少時間7:30已經上到去，點知最後還是等了1小時多才能入座當你在排隊時，場內很大陣雞煲味很香很香，你還在等待的時後真係好肚餓在這裏，有很多各式各樣秘製雞煲，但我仍然建議大家吃秘製麻辣雞煲是最好的選擇，因為最具特色的。而且是最惹味的，由於人流實在太多的關係，所以服務絕對係不好的，因為他們都係要快為主。最後建議大家最好平日早點去吃，就不用等太耐。

係旺角亂逛，搵到呢間雞煲店，就一行十人一齊黎試下！朋友話好好食，平日聽呢間店既名聽得多，試就今次係第一次！一坐低先叫左一個辣同一個唔辣雞煲，個人就喜歡辣雞煲。麻麻地，又唔算太辣，而且雞件斬得好碎，雞肉又嫩滑，相當容易入口！麻辣雞煲值得一試既！然後當然單點唔同食物啦！我地都叫左好多樣野食，又丸又肉又餃又菜，試左咁多樣，個人推介手切肥牛，牛味都幾濃都幾好食既！至於野飲方面，個人就推介飲大杯既飲品，因為一邊食其實都好口渴，會飲好多水既！

晚飯時間突然想吃雞煲，立刻想起一品雞煲，很久之前在荃灣吃過，很回味。晚上八點多到達一品旺角分店，在樓下已經聞到濃濃的麻辣香味，在門口有不少人在等位，我和友人等了大約十五分鐘。看見餐牌有不少雞煲選擇，喜歡吃田雞的我，二話不說馬上決定了麻辣鴛鴦雞煲，有一隻雞和一份田雞。雞和田雞都非常嫩滑，麻辣雞汁湯底充滿麻辣香，很惹味。另外加錢要多一碗雞汁湯底。另外只是點了兩款火鍋配料，腐竹和生蛋粗麵，這兩款配料配上這個麻辣湯底簡直超級正，完全吸收了湯底的精華。

好耐冇食雞煲啦，今日有朋友突然約我放工行街食飯，一於去試吓呢間咁多人食嘅雞煲。七點左右去到好景中心呢間一品雞煲，已經有好幾張枱等緊，時間仲算好早，而且閒日，所以人唔算好多。Counter望入去場地都幾大，大約等左5分鐘已經叫我地入去啦。好好彩，有卡位，都幾舒服。今次得兩個人，唔可以食太多樣嘢，我哋只叫咗牛雜雞煲，半隻雞，只加了一碟花膠同埋墨魚滑。落左單之後大約10分鐘雞煲就到，我哋一人叫咗一杯大檸檬茶（大個塊面㗎 ），因為怕雞煲泰落左單之後大約10分鐘雞煲就到，我哋一人叫咗一杯大檸檬茶（大個塊面架），因為怕雞煲太辣😆。首先講雞好滑，好欣賞佢冇乜碎骨，原諒個人牙齒唔係咁好，多裂牙，好怕咬到碎骨。辣度適中（叫咗小辣），辣得來又甜甜地，我好鍾意呢種感覺😍牛雜拼落啲雞度原來都好好味，開頭都驚唔夾。兩個人唔食得多野，其實食完半隻雞，已經好飽，花膠好大舊，啖啖肉，食得好開心。墨魚滑，味道尚可，新鮮嘅，都幾彈牙。

一品雞煲火鍋百吃不厭，配料香口惹味～食完再打邊爐，叫左一份牛，已經忘記咩名，牛肉既脂肪分佈平均，入口重牛味，不會太靭又不會太軟身，岩我口味。再點了脆肉鯇和蚌，新鮮打邊爐必點墨魚🦑滑另外點左啲素菜，好味

以我個人口味，食咁多拿雞煲，最好食都莫過於係一品雞煲，雞煲最重要係佢個湯汁同啲雞，一品不嬲都做得好好，咁岩係旺角收工，就同老婆去食一品啦。由於收工時間，所以勁多人，我地坐低左之後，叫左一隻雞，食完雞仲可以打邊爐。講起一品個雞煲汁，濃味，但唔太咸，辣中帶少少甜，的確惹味。雞除左雞胸之外其他部位都唔鞋口，算係咁。食完隻雞我地仲叫左好多其他野打邊爐，牛肉切得夠薄，色水靚，食落口重口味之餘仲幾新鮮。炸魚皮，脆一品獨有巨大凍檸茶自家炸響鈴一品雞煲，以我個人口味黎講的確係一流。