一品雞煲火鍋

营业中

休息中

早收工，七點到walk in就有位，不過限時90分鐘。職員都好留意個雞煲，會過來搞下佢，然後話我地知等幾耐食得，朋友唔食得好辣所以只係叫左中辣，叫左杯大檸茶比佢飲。手切牛兩個人食，九十分鐘真係要加速先食得晒呀。除左有啲趕枱，味道水準係OK。

周街都係雞煲 但係要數我最鍾意食嘅雞煲一定非一品雞煲莫屬但係一品有個唔好處 就係等位嘅時間實在太長 好令人氣餒今次叫咗佢個麻辣雞煲 雖然我只係叫微辣 但佢個麻真係好惹味 食唔停口但係我真係好懷疑 究竟佢啲雞煲係咪真係足半隻或者一隻 因為我永遠都唔會食到雞髀 只係會食到其他部位有少少虛構嘅成份佢嘅大檸茶係hoegaarden嗰啲杯 所以真係好好好好大杯 兩個人都可以share一杯食完啲雞之後就開始打邊爐手切肥牛係必食 好有牛味 口感好好 但雖然叫咗大份 佢嘅份量都真係好細碟 三個人食 每人都只不過係可以食幾片至於其他配料 例如魚滑同炸魚皮都幾抵食 可以一叫

今日約咗幾個朋友一齊嚟食雞煲聽朋友介紹話一品喎都幾好食所以我哋就嚟咗呢度啦 雞我哋要咗全隻同埋叫左辣 辣係少少辣因為我哋唔係好食得辣 隻雞食囉都有肉口感同埋都幾滑下下次可以再嚟食過

老公卒之出完差返香港喇👏🏻我話一定要出去食餐好老公提議去食雞煲Um......都好喎好耐冇同老公食呢間不知味道有冇變咁我地睇完戲就上去嘩，地方雖然大，但仍然要等位不過比起第一次已經冇咁多人今晚只係等左十分鍾都唔駛已經可以入坐嗱嗱聲叫個雞煲正當諗緊一隻定半隻，老公已經話一隻🤣完全感受到全隻雞，我同老公剛好食哂味道不變，雞肉嫰又夠惹味我同老公都最鍾意食嘅配菜洋蔥如果可以再多啲就Perfect🤣🤣🤣然後我哋食完雞煲仲叫咗菜同埋韭菜餃打邊爐🤣🤣大食兩公婆

每次黎食都大排長龍就知道間雞煲又出名又好食。一坐低就可以選擇左個鍋底先，我每次都會叫既奇味雞煲小麻辣，叫一隻雞既份量都夠買個人食，因為之後仲有好多好味道既配料打邊爐。員工落單都好有效率，先黎左個雞煲教我地煮幾耐先食，唔知時間既個員工都好樂意幫你睇時間幾時可以食得。食到差不多d雞之後可以叫員工幫你加湯落去就打邊爐，食下新鮮既牛肉再食下即炸既響鈴卷，再加埋個手打魚旦就最好不過喇。仲有最出名既係佢大大杯既檸檬茶就一定要試。

食雞煲除咗食一品我都諗唔到食咩。一品雞煲係最好味嘅。仲要小辣。小麻先係最正。千萬吾好叫吾辣！如果吾係真係好冇feel嫁！平均一個月食兩次就最開心喇。仲要叫埋杯大檸茶！真係好鬼爽。

每個月最少都食一次一品雞煲！🤪喜歡吃辣的人都可以選擇中辣或大辣，十分嘢味！😍 六個人order一隻雞份量都足夠，食埋手切肥牛同響鈴！響鈴係朋友們公認的必需食物🤤 不過旺角店會比較繁忙喔！

有同事離職，一行6個人揀左一品食雞煲。食火鍋真係好啱多人，又講又笑，而雞煲都幾好味，度過左嘻嘻哈哈既愉快晚上。雞煲先上~（$248, 一隻）我地揀左小辣，唔太食辣既同事都接受到。大家一致都覺得幾好味，我就稍嫌有少少咸。不過都理解到既，之後食火鍋加湯會越來越淡，但果陣我又覺得味道淡左，而其他人又覺得ok (笑喊)牛展（$108）& 水餃拼魚皮餃（$49）之前打邊爐未點過牛展，覺得幾有嚼口，都ok魚皮餃彈牙羊肉片（$39）& 竹笙（$40）& 豬紅（$33）墨丸拼蝦丸（$90）&日本蠔（$75）日本蠔 75有6隻，我覺得都幾抵食，因為都唔細隻，啱好一人一隻😋 食落都ok新鮮既，無伏水魷魚（$42）&豆腐（$35）野生葡萄籽（$46）&響鈴（$41）飲品超級大杯，出來既時候有嚇親😂酸酸甜甜好開胃，好啱邊爐飲，消滯。響玲都好長，炸得好鬆脆。食物size好大好好笑。煎米粉餅（$30）&花膠筒（$108）煎米粉餅淥完就係普通米粉，賣相靚d，不過我庁麻地咁出品，因為淥完好碎。花膠 108有三隻大大隻，不過我好似無食到🤔🙈

為免要排隊等候入座，我同我嘅友人都會選擇外賣，雞煲選擇小麻小辣真係好正，對於我唔食得辣嘅人來講都唔會好辣！一品雞煲無論去邊間分鋪食都係好好食，完全唔會失去水準。

一品嘅堂食外賣都試過，外賣返屋企再自己另買配料固然抵食，但堂食亦有堂食嘅特色，就係會成身雞煲味😎中辣牛雜雞煲牛雜有牛筋、牛肺、牛膀、牛肚、牛粉腸，比普通雞煲貴$40，但好抵食，因為散叫一碟牛雜都要$125，所以喜好牛雜嘅嗌牛雜雞煲嘅份量就岩岩好，過到癮之餘又可以留肚食其他野。半隻雞亦好足秤，肉質好滑，好多雞脾肉。最緊要最緊要嗌碗白飯，雞汁撈飯一流，唔覺意就會食左幾碗飯😂配料嗌左響鈴 + 美國桶蠔一品響鈴出名好食，習慣浸湯幾下就食得，索湯之餘又食到脆卜卜，絕對係必點！一份有八大條，二人share剛剛好👍🏻另外美國桶蠔亦係每次必點！足足有十隻咁多，好肥美，唯獨有一點敗筆係洗得唔太乾淨，建議大家落湯時用水沖沖，煮熟少少。飲品方面嗌左杯野生葡萄籽大大杯，類似有汽嘅提子汁，有一粒粒籽幾好咬口。

始終覺得食雞煲係一品就好食今次同一班同事gathering就揀咗油麻地呢間一品雞煲我哋一行13人叫咗兩個雞煲 兩個都係小辣佢啲雞又麻又辣 啲肉好嫩我哋叫咗最貴嘅安格斯牛肉 入口即溶都叫咗平平哋嘅美國肥牛咁當然唔會比安格斯好食啦 一分錢一分貨我哋仲叫咗炸午餐肉好好味 外脆內軟仲有勝瓜 芝士丸 炸魚皮 生菜 炸響鈴山根 芝士腸豬紅 豆腐當然唔少得一人一杯檸檬茶 佢個杯好大㗎 一人一杯啱啱好 每次黎必點有啲人唔飲檸檬茶就叫咗竹庶茅根 都好好飲

有時候間中都會掛念雞煲，食完雞又可以打邊爐，我個人特別鍾意食辣雞煲，雞肉幾嫩，叫其他配料都是平時火鍋最鍾意食的，必叫響鈴，又快食得，索汁超好食，叫埋杯大檸樂飲就最滿足！

約組聚當然要食雞煲 咁啱大家都唔係太肚餓就揀左散嗌既一品雞煲☺️之前都有外賣過佢地啲雞煲 今次堂食一樣咁正☺️朋友六點九就到左拎位先 早到有著數好快就有位 七點左右就開始好多人有排等位😂佢啲雞真係好嫩口好好食 好快就差唔多清哂再加湯打邊爐😋食雞煲個陣記得嗌啲腐皮未加湯之前放哂落去 吸哂啲汁超級好食👍🏻👍🏻佢地個牛真係世界級 依到好似二百幾蚊 一人得兩塊左右 不過真係入口即溶咁 而且好有牛味 小食多滋味🥰打邊爐當然唔少得響鈴 炸到脆卜卜 放入去一秒拎返上黎啱啱好🤤🤤

打邊爐食雞煲一定要一大班人先好 之前聽過朋友介紹話幾好食 今晚終於可以一試😋😋九個人揀咗喺學校附近嘅一品 七點半左右去到 好多人排緊隊 但係明明見到入面有好多張吉枱(不解🤷‍♀️🤷‍♀️) 九個人好快就開咗張大枱畀我哋入去坐 因為用餐時間有限 一坐那那林點食 揀咗一個唔辣雞煲同埋一個小辣雞煲 但係食落唔辣反而好味過小辣(出乎意料之外) 味道香啲 啲雞肉都幾好 有肉又唔“鞋“😋 雞煲仲有好多配料(洋蔥好味) p.s. 雞煲好容易燶 要不斷攪 一燶咗就好大陣味😖而打邊爐嘅配料 種類幾多 份量都幾夠 對得起個價錢😂 有我最鍾意嘅蓮藕同芝士丸😍 大吃大喝就唔少得叫嘢飲 四十幾蚊超級大杯😍 感覺好抵🙊(臨走先至記得杯嘢飲所以張相入面杯檸茶已經飲曬)不過服務就麻麻地 嚴重唔夠人手 自己旭手仲快過叫人嚟 簡直係呼天不應 好在附近張枱放咗好多裝湯底嘅水壺 要自己加湯都方便啲 不過食完嘅嘢冇乜人行過嚟收碟🤨總括而言 味道都ok 環境都可以唔會好大陣味 但係服務就認真一般啦。。

諗住開開心心食個雞煲，點知個雞煲一開始就漏單，等咗半個鐘都未到。個電池爐又廢，煲極都唔滾。最癲係杯凍檸茶，落單後9個字先岀。催咗幾次單，個伙記同我講可能就岀...另一個呀姐竟然同我講「你唔好玩我啦！」而家都唔知邊個玩邊個。叫加湯又淨係hea我，最後都係要我自己加。一句講哂貴加服務差又唔好食。任何一間任食雞煲都好食過佢。難聽啲講句真係食吉邊仲好。呢間嘢一定唔會再有下次，係請都唔黎。如果你睇緊呢篇嘢，又係都要黎食，咁我建議你可以一坐低就叫咗嘢飲先