影片
更多
2013-01-29
21 浏览
雖然係冬天，但呢排都唔係咁凍，有時仲有d熱，無咩意慾去打邊爐，走咗去食壽司，一壽司都有信心保證，今次試咗幾樣新菜式，都幾好食，值得寫下。睇個餐牌，有兩坎款壽司好吸引我，分別係黑松露蔥拖羅帆立貝壽司及蟹膏蟹棒天婦羅壽司，前者拖羅加上黑松露，黑松露味道香，令拖羅更好味，再加埋帆立貝，口感即刻豐富起來，帆立貝的鮮味配上黑松露拖羅香味，咀中一邊咀嚼一邊就想食多件，不愧係我第一眼見到就點咗呢款壽司，正確的選擇。另一款蟹膏蟹棒天婦羅壽司外型都吸引，好大條蟹膏响條蟹棒上面，睇見都想食，而蟹棒亦好大條，薄薄的天婦羅皮面，唔係太脆，但勝在蟹膏加蟹棒夠出色，蟹膏味甚濃，攞咗唔少分數，呢兩款新壽司都令我滿意。其餘就點咗一般叫開嘅壽司，夠穩陣好食。今次無食蟹籽沙律，試咗白飯魚野菜沙律，其實白飯魚係無咩味道，但加埋落沙律度口感又幾清新，值得一讚係沙律蔬菜好新鮮，健康菜式之選，同埋個沙律都大碟，幾抵食。鮑魚吸物個名睇咗都唔明，好在有幅圖，都算吸引一試，隻鮑魚都幾有睇頭，仲好有鮮味，有大大隻東茹同一件魚，$39可食原隻鮑魚又幾抵食。今晚食咗3款刺身，三文魚刺身及牡丹蝦刺身係我每之必食，特別係牡丹蝦，大大隻又夠新鮮，
睇個餐牌，有兩坎款壽司好吸引我，分別係黑松露蔥拖羅帆立貝壽司及蟹膏蟹棒天婦羅壽司，前者拖羅加上黑松露，黑松露味道香，令拖羅更好味，再加埋帆立貝，口感即刻豐富起來，帆立貝的鮮味配上黑松露拖羅香味，咀中一邊咀嚼一邊就想食多件，不愧係我第一眼見到就點咗呢款壽司，正確的選擇。另一款蟹膏蟹棒天婦羅壽司外型都吸引，好大條蟹膏响條蟹棒上面，睇見都想食，而蟹棒亦好大條，薄薄的天婦羅皮面，唔係太脆，但勝在蟹膏加蟹棒夠出色，蟹膏味甚濃，攞咗唔少分數，呢兩款新壽司都令我滿意。其餘就點咗一般叫開嘅壽司，夠穩陣好食。
今次無食蟹籽沙律，試咗白飯魚野菜沙律，其實白飯魚係無咩味道，但加埋落沙律度口感又幾清新，值得一讚係沙律蔬菜好新鮮，健康菜式之選，同埋個沙律都大碟，幾抵食。鮑魚吸物個名睇咗都唔明，好在有幅圖，都算吸引一試，隻鮑魚都幾有睇頭，仲好有鮮味，有大大隻東茹同一件魚，$39可食原隻鮑魚又幾抵食。
今晚食咗3款刺身，三文魚刺身及牡丹蝦刺身係我每之必食，特別係牡丹蝦，大大隻又夠新鮮，味道一流。有個新刺身係海膽蟹籽魷魚刺身，其實刺身最緊要夠新鮮，雖然海膽不是好多，但夠新鮮好食，而蟹籽加魷魚就非常有咬口，呢個份量又係夠多，都係抵食，食極都有。
张贴
