一木燒鵝

营业中

休息中

見個餐廳名有燒鵝，特登叫碟燒鵝飯會一會佢。望餐牌寫要胸要加$12都開始覺得有啲伏。成碟飯啲燒鵝有5分3係全骨，其餘係有啲肉既骨。夾埋既肉未必多過一隻手指公。可能店舖位處旺角諗住做遊客生意啦，如果唔係真係好難有回頭客。公道啲講，鵝味道係ok，但我真係試唔真，食到成個碟都係骨。舖租貴人工貴明既，但咁既做法要賺咁盡就真係食一次就夠。即係今時今日香港0係執1間開番1.6間既情況下，咁既做生意手法就真係...。

本身見到openrice冇負評 撳入去睇啲食物相又幾靚 就諗住試一試 點知就中伏 一入到去成間舖都有陣噏味 都算 諗住快手食完去上堂 嗌咗叉燒燒鵝米 一上枱碟餸個賣相都正常 但細心睇 個燒鵝勁多毛 係個髀位嘅尾黐住好大執毛 見到想嘔 燒鵝又冇肉 好多舊燒鵝都得啲皮同骨 叉燒普普通通 有啲硬 仲有少少臊味 燒肉食落係凍 服務就冇乜特別 哩餐係我食過咁多個燒味飯入邊 最差嘅一餐 😵😵😵😵😵😵😵😵😵😵😵

見到一間咁有心的店，好想寫下。完全符合我對食物要求。上次來已經好想寫，今次一次過寫。呢兩次都是堂食晚餐。第一次叫了個$68隱世燒鵝四寶飯。叫得一木燒鵝，招牌燒鵝一定要試，四寶仲有紅腸同咸蛋，以及最正的一款自選燒味。呢一點完全中左我個點，作為貪心的香港人，經常都三心兩意，呢間居然可以自選配搭，呢一點已經超過99.9%的食肆。因為絕大多數的餐廳的四寶都係無得揀，我甚至在其他餐廳試過為了自選四寶而叫了兩個燒味雙拼。而跟的咸蛋紅腸我都鍾意，特別是紅腸數量有6片比一般的店多還要是熱上的。我的自選叫了燒腩仔，味道可以不會太咸可惜有幾塊放正飯的上方而唔夠脆。醬汁是好有心思的預先倒在醬汁碟中，因應你叫的燒味而分開上，十分方便。重點的燒鵝，皮脆肉香，無得彈。飯是絲苗米，如果鍾意豉油既記得叫佢多汁因為豉油可能會偏少。我見其他四寶都有2款燒味可以自選。第二次來我叫了招牌黑椒美國牛柳餐。食完中式，試下西餐。呢個餐絕對是性價比極高的，$108抵食。餐跟的是薯仔蕃茄濃湯，牛油多士這兩樣都合格，建議可+$3轉牛油豬。重點來了，鐵板牛柳，黑椒汁分開上，淋上去那“滋滋”聲太正了，餐廳的紙巾是夠大張可以擋住啲汁彈到(呢個

感覺返工一個星期起碼食咗兩至三次可能或以上添😂😂😂 通常都係叫佢燒味飯多…..星期一至六都有。佢燒鵝油雞叉燒係出色嘅，特別留意佢星期二、星期五係有個四寶飯，可以試吓我覺得真係唔錯⋯⋯不過燒味文化有時當然可能斬嘅位置、或者佢來貨有時會差啲，但大多數佢都keep到個水準，喺旺角來講茶記佢坐得寬躺，平時lunch 時間通常行入去差唔多都會有位， 所以可以推介俾大家…今日就叫咗佢一個星期二嘅A餐，燒鵝油雞飯真係唔錯⋯⋯

《完全窩心的對白》叫左個燒鵝雙蛋飯凍咖啡$79，上到枱師傅用雙蛋遮住啲燒鵝，夾開啲蛋，果然不出所料，大部分係皮，得三兩舊背脊肉，心諗送飯都未夠！唯有出絕招同其中一個男侍應講，我想加$12轉鵝胸（其實係借啲意話佢聽，碟飯冇肉），個男侍應見我冇食過，一手想拎去廚房換。個女經理真係好醒、好叻，一嘢就制止左佢，話唔好將碟飯拎來拎去，唔老黎！又口中唸唸有詞：人哋成$80食碟飯，得果兩舊肉，全部皮，點食之類！哇！妖，完全窩心的對白！妳堅好嘢，我近年在香港已經好少見，能夠同客人同一角度睇嘢，將顧客放第一位，真心少之又少！反而同客人講：一百幾十蚊，你想食咩就好多！最後：有斬返一小碟凍肶俾我，很讚！凍係凍D，但心意是暖的！☀️

本身叫燒排骨外賣既，收左錢先話無，賣曬。收銀嗰個又打錯嘢，算啦改叫一個例牌手撕雞，見到師傅喺斬料檯旁邊嗰兜揸起啲手撕雞都心諗大獲啦，見到盒嘢呢個賣相真係心知不妙，半盒都無，仲要全部係雞碎，雞餿咁款！擺明賣啲斬料雞頭頭尾尾俾你！永久黑名單！

完全想像唔到一個鹽焗手撕雞飯係咁既樣， 可能只係去改錯咗名， 應該叫手撕雞碎飯先啱，賣相差都算，食味都差先係過份， 希望各位不要中伏， 新年流流搞啲咁嘅嘢， 希望店家睇到會改善下

個個星期都嚟 都可以出事上星期同枱叫 明明出隻太陽蛋今個星期出隻蛋白比我 ok 有蛋黃嘅 圖見倒痴住嗰啲啲囉問點解唔係太陽蛋 同我講 都係煎蛋嚟 問可唔可以要番太陽蛋 冇呀 出咗喇 果然圖片只供參考 睇運氣 好運嘅咪有全蛋 太蛋囉今日黑仔 咪得蛋白 囉

作為一個港女🤷🏻‍♀️😂除咗食好西 仲好愛吃燒味！🩵今次去咗旺角嘅一木燒鵝試用佢嘅招牌燒鵝、肥叉（我的必食😂）、脆皮燒肉、油髀非常滿足而且好抵食兼大份CP值好高👍🏻🔸燒鵝叉燒白飯（$66）🔸燒鵝燒肉白飯（$66）▪️燒鵝係皮脆充滿肉汁（睇圖📸），軟得嚟好有彈性，配鵝油豉油好香！▪️燒肉係五層腩肉，肥瘦均勻，所以咬落口感好好，而且唔會醃太咸。▪️我首選係肥叉🫰🏻，肉鬆軟得嚟唔會太肥，好香玫瑰露、蜜味同蠟味香，仲有淡淡蒜香，好食！🔸鵝汁油菜（+$16）翠綠嘅菜心好爽口，鵝汁絕對係神來之筆，令菜食落有鵝、香料嘅香味。.🔸飲品（+$8）叫左咸檸雪下下火，特飲係加$8。而另外一個餐就叫熱奶茶，跟餐不用加錢，味道正常，質地幾濃厚。🔸原隻油雞髀（$58）油油亮亮嘅雞髀，非常嫩滑、肥美，口感好好，豉油適中唔會太濃味。

接完老婆放工一齊去食飯，已經係晚上八點🕗，落雨濕濕費事周圍行，於是係火車站🚉附近搵間餐廳醫肚，見到有間燒味店“一木燒鵝”，就入去試下😆。餐廳裝修簡單， 全部都是卡位🛋，唔會坐得好逼，有種令人舒服自在的感覺🥰。餐牌📔選擇除了燒味外，仲有焗飯、咖哩、小食等😍。燒鵝髀雙拼飯(轉河粉) $126燒鵝脾拼燒腩仔，燒鵝髀🦢幾大隻，燒得皮脆肉嫩，鵝味鮮濃😋；燒腩仔份量都唔少，同樣燒得皮脆肉嫩🥰，點埋勁香嘅芥末醬一齊食，越食越食好味😋。河粉分量勁多，非常滑溜。黯然銷魂飯 $62要求半肥瘦叉燒，俾到邊位部份有肥膏嘅靚燒☺️，啱曬我口味😍。叉燒肉質軟腍無筋，煎雙蛋🥚有流心嘅效果，撈埋啲飯一齊食，更加好食😋。粒粒西多•脆皮雞中翼 $42西多士分成4️⃣小塊炸，每塊中間夾有花生醬🥜，味道非常香口。雞中翼🐓有3️⃣隻，調得入味，炸得香脆，好好食😋。椰汁紅豆冰 $12(原價$24)叫餐牌上任何食品可以半價叫任何飲品，淡淡嘅椰汁🥥配上甜甜地嘅紅豆🫘，正常水準。總括而言，餐廳坐得舒服，店員服務非常親切勤快，由於自設烤爐，所以燒味水準出色；西多雞翼亦拍得上舊式茶餐廳的水準。由於餐廳位於旺角中心地帶，交通方便，直得回頭再幫

環境乾凈整潔，燈光充足，坐得舒適👍🏻餐廳自設烤爐，有誠意嘅燒味一定要試啦～隱世燒鵝髀雙拼識食一定係食燒鵝髀‼️燒鵝色水好靚，外皮係睇得到嘅脆，肉味鮮濃，質感結實，最欣賞嘅係燒鵝唔算太肥，所以唔會食落啖啖肥膏😋另一樣揀咗燒腩仔，幾出色！ 肥瘦相間，皮好脆👍🏻自家滑蛋叉燒飯叉燒肥瘦均勻，好香😝滑蛋超級多，鋪滿成隻碗，滑脫脫好嫩，好誘人😋奶茶不錯～茶味濃，飲落好滑好香😍一木燒鵝 (旺角)旺角奶路臣街33號依利大廈地下E號舖

今日難得收早就同朋友去旺角食一間好出名嘅燒味，地理位置十分方便地鐵站一出行6分鐘就到，裝修有別於一般茶餐廳好有特色，座位都好寬敞，見到餐牌上邊有鐵板餐就忍唔住想試吓，另外朋友就點咗乳豬叉燒雙拼飯，另外小食點左脆皮雞翼，先講吓鐵板餐，有齊豬扒，雞扒，牛扒，西蘭花同埋薯條，醬汁方面點左蒜蓉汁，扒嘅份量非常多而且煎行恰到好處唔會過熟，而且佢呢個餐會跟埋一個西湯同埋多士，可以作為開胃菜簡直係冇得彈，而且薯條炸得好香口作為雜扒餐來講簡直係冇得輸，而燒味飯方面，乳豬皮非常脆口而且皮肉分明，叉燒整得好香口，脂肪比例十分平均，原來係自家烤爐，作為燒味界簡直係錦上添花，小食方面雞翼炸得好香口加上$25有四隻雞翼覺得係超級抵食，飲品方面屬於正常甜度嘅比例唔會太甜，下次可以試埋其他燒味。

夜晚有節目但又未食飯 同朋友急急腳食個燒味醫下肚先🤭食左「一木燒鵝」依間餐廳我經常行過 環境唔錯好乾淨 坐得都舒適 但就第一次食 咁見到個名就緊係叫番個招牌菜啦😂隱世燒鵝雙拼飯 （揀左豉油雞轉髀份量都幾多 大大碟 主打燒鵝皮脆肉香 鵝味鮮濃！而雞髀都啖啖肉！黯然銷魂飯🍳比平日更銷魂 蛋煎得剛好有蛋汁 撈飯😎而叉燒肥瘦適中剛剛好 又唔會入口覺得太肥膩 點埋蔥油真係覺得好滿足啊😌朋友飲凍奶茶 我就叫左我必叫既凍朱古力😚

今日同同事又要去旺角做嘢🚗有個同事介紹話呢間嘅燒味🍗好食👍，我哋就一齊去咗位於奶路臣街近染布房街嘅一木燒鵝餐廳🧑‍🍳試下佢啲燒味啦， 我哋去到嘅時候大概係接近兩點鐘所以唔算好爆場👏🏼好快就已經安排咗兩卡位畀我哋👏🏼， 侍應🧑‍🏫好快幫我哋落咗單，我哋叫咗餐廳最出名嘅燒鵝啦仲有燒肉🐷、叉燒飯🥓、同埋一個咖哩雞扒飯🐓，食物好快就到啦可能因為唔係太多人啦👍，燒鵝好味😋果然係招牌菜👍肉質唔會乾👍有肉汁、個皮都有少少脆💪好食，叉燒燒肉飯個叉燒係半肥瘦，非常好個邊仲有少少燶仲香😅鹹味適中都係唔錯，燒肉皮夠脆好味唔會太鹹， 咖哩雞扒飯咖哩汁有水準，雞扒唔會太乾煎得啱啱好💪有肉汁好好味😋，餐廳整個環境唔錯 😉設計得好靚😍有少少日式⛩️味道， 唔同其他嘅燒味店油淋淋🤣好快食完個飯嗌嘢飲😅餐飲嘅奶茶、咖啡🧋都好有水準唔會太淡，如果再來旺角下次都會再嚟呢一間食燒味值得推介👍👍👍

開會前快快趣食啲嘢見到呢間燒臘餐廳裝修幾新淨所以入去試吓首先係上咗杯凍檸茶用不鏽鋼杯裝味道OK之後上滑蛋叉燒飯平時喺出邊叫呢啲飯係唔會有蔥蓉喺面呢間放埋上去，都幾好味😋佢個叉燒做得幾好有少少燶邊脆脆又唔會苦可以再encore其實佢呢間寫住燒鵝，係咪應該下次揀燒鵝呢？🤣